29
Job Nih Hmasa Aa Nuamhnak Kha A Ruat Òhan
1 Cun Job nih a biachimmi cu
a thawh òhan i:
2 “Maw, hlan lio thla hna chung i
ka rak um bantuk khan um
ning law ka hei duh dah!
Pathian nih a rak ka zohkhenh lio
caan i ka rak um bantuk khan;
3 Ka lu cung i a meiinn a rak ceu i
cu ceunak thawng i mui lak i
ka rak kal khawh bantuk khan;
4 Ka chan lailing i ka rak si
bantuk khan;
Pathian nih ka inn cu
a rak huhphenh i
5 Lianngan Bik cu ka sinah a rak um i
ka salle hna cu ka pawngkam ah
an um i,
6 Ka lam cu cawhnuk in an luan i
Lung chungin chiti an rak puut lio
bantuk kha si kho ning law
ka hei duh dah!
7 Khua hauka i ka va kal i zapi òhutnak
hmun i ka va òhut tikah khan,
8 Tlangval hna kha an ka hmuh tikah
an kim i upa hna kha an tho i an dir;
9 Bawi hna kha holh an i sum i
an kut in an kaa an i hup;
10 Tuavon hna aw kha a dai i mi kip cu
11 “Ka kong a theimi paoh nih
ka òhatnak lei in an rak chim,
A ka hmumi paoh cu ka òhatnak
tehte òha an rak si.
12 Sifakmi kha bawmh herh in
an au tikah ka bawmh hna i,
Chanhtu ngei lomi ngakòah kha
ka chanh hna.
13 A thi dengmangmi nih a thangòhatmi
cu keimah ka rak si i,
Nuhmei, lunglawmhnak in hla
a saktertu cu keimah ka rak si.
14 Dinnak cu puan bantukin kaa aih i,
Biading cu ka caah puan le ludomh
bantuk an rak si.
15 Mitcaw hna caah mit ka rak si i,
Kebai hna caah ke ka rak si.
16 Sifakmi caah an pa ka rak si i,
Khual kha an bia
ka rak chimpiak hna.
17 Miòhalo mi hna cu an hao kha
ka rak thlongh hna i,
An ha in an i sehmi kha
ka rak chuh hna.
18 Khi tikah, ‘Ka lianhngannak cu
zor lo tein ka thi lai i,
Ka chan chung ni hna cu thetse zat in
rel cawklo an si lai;
19 Ka hram cu ti leiah khan a zam lai i
ka nge cungah khan dapti
an um lai;
20 Kaa tlaihmi ka likuk cu a thar
zungzal lai i,
Ka kut chungah thal cu timh cia in
an um zungzal lai,’ tiah
21 “Zeidah a chim lai ti tein
an ka ngaih i,
A ruahnak kha zeidah a si hnga tiin
dai tein an ka ngan.
22 Ka chim hnuah ahohmanh nih
an chim òhan ti lo,
Ka bia cu an cungah nem tein a tla.
23 Ka bia cu ruah an hngah bantukin
an hngah i,
Òhal ruah an din bantukin an din.
24 Ka merhhnawh hna tikah
an lung a òhawng i,
Ka mithmai ceu kha an hmuh tikah
an hmaichiatnak kha a lo.
25 An haotu bik ah ka òhu i
an kalnak ding lam kha ka khan,
Ralkap hna he a riakmi
siangpahrang bantukin khan,
Ngaihchiami hna a hnemtu
bantuk zong ka si.