12
Job Nih A Leh
1 Cun Job nih a leh i:
2 “Biangai tein, nanmah hi pei
mifim cu nan rak si hi,
Fimnak tling cu nanmah nih pei
nan rak ngeih hi!
3 Sihmanhsehlaw hngalhthiamnak cu
nanmah tlukin ka ngei ve ko,
Zeihmanh ah nanmah tluk ka si lonak
a um lo.
Nan chimmi hi ahopaoh nih
an hngalh cio ko.
4 Ka hawile hmanh nih an ka nihsawh,
Sihmanhsehlaw Pathian nih a ka leh
caan cu a um ve ko;
Miding le soi awk um lo ka si nain
an ka nihsawh.
5 Harnak nan tong lo i nan ka nihsawh,
a ril dengmangmi kha
nan ka òhuat chih,
6 Sihmanhsehlaw mifir le
Pathian zei i a rel lomi hna cu
dai tein khua an sa i
Pathian thin a phoktu hna cu
7 Van i a zuangmi va hna le
saram hna nakin pei
nan hngalhnak a tlawm deuh hi.
Annih nih an in cawnpiak
khawh hna ding tampi a um.
8 Vawlei i a ummi saram hna le rili
chung i a ummi thilnung hna cu
an fimnak kha hal tuah hna u.
9 Annih nih an dihlak in Pathian
sermi kan si ti kha an hngalh.
10 A sermi thil vialte an nunnak
a uktu cu Pathian a si i
Minung thaw cu a kut chungah a um.
11 Dang nih rawl cu a teh bantukin
hna nih bia cu a hneksak ve
hna lo maw?
12-13 Fimnak cu tar nih an ngeih,
Sihmanhsehlaw Pathian nih cun
fimnak le òhawnnak a ngeih;
Hngalhthiamnak cu chan
saumi nih an ngeih,
Sihmanhsehlaw Pathian nih cun
hngalhthiamnak le thil
ti khawhnak a ngeih.
14 Pathian nih a òheh ahcun,
ahohmanh nih
an sa òhan kho ti lo,
Amah nih mi cu
a kharkhumh ahcun
ahohmanh nih an hunpiak òhan
kho ti lo.
15 Ti kha a tlaih hna ahcun an kao ko,
a thlah hna ahcun vawlei kha
an khuh dih.
16 Amah sinah cun òhawnnak le
fimnak kha a um,
Hlenmi hna le hlengtu hna cu
amah kut tang ummi an si.
17 Fimchimtu pawl kha mihrut bantukin
a umter hna,
Biaceihtu pawl kha mihrut ah
a ser hna.
18 Siangpahrang cu a òhumh hna i
thongtla ah a ser hna.
19 Tlangbawi pawl cu puan loin
a kalpi hna i
A òhawngmi cu a thluk hna.
20 Zumhmi mifim hna kha
holh kho loin a tuah hna i
Upa kha thil thleidan khawhnak
fimnak kha a chuh hna.
21 Bawi kha ningzahnak a toih hna i
a òhawngmi cu an taisawm kha
a dorh.
22 Muihnak chungin thilthuk kha
a hun langhter i
A thukmi muihnak chungah khan
ceunak a ratpi.
23 Miphun kha mingan ah a ser hna i
amah nih a hrawh òhan hna,
Miòhawng ah a ser hna i amah nih
a òhumh òhan hna.
24 An hruaitu hna cu an fimnak kha
a lakpiak hna i
Lam um lonak ramlak ah khan
a vaihter hna.
25 Mei lakah cun ceunak um loin
an i dap lengmang i
zuri bantukin an vai.