53
1 Mi nih khan an leh i,
“Atu i kan chimmi hi
aho nih dah
an rak kan zumh khawh hnga?
Hi thil ah hin Bawipa kut aa tel kha
aho nih dah an hmuh khawh hnga? Ref 53.1: Jhn 12.38; Rom 10.16
2 Vawlei car i a keomi thingkung
bantukin a sal cu a rak òhang,
cucu Bawipa duhning a rak si.
Zoh kan duh nakhnga dingah i
dawhnak le rumra zeihmanh
a ngei lo, iang zeihmanh a ngei lo i
a pumrua zong a chuakthiammi
a si lo.
3 Zeihmanh ah kan rak rel lo i
kan rak hlawt;
ngaihchiatnak le nganfahnak kha
a rak in hna.
Ahohmanh nih a zoh hmanh
kan rak zoh duh lo §
zei ah a rel in kan rak rel
hrimhrim lo.
4 “Asinain zawtnak a inmi cu
kanmah nih
kan rak in hngami kha a si i
nganfahnak a tuarmi cu kanmah nih
kan rak tuar hngami kha a si.
Temhnak a inmi cu, Pathian nih
a cungah dantatnak a tluntermi a si,
tiin kan rak ruah zungzal. Ref 53.4: Mat 8.17
5 Sihmanhsehlaw hma a in cu
kan sual ruangah a rak si i
tuknak a huah cu kan òhat lo
ruangah a rak si.
A inmi dantatnak in luatnak
kan hmu i
an tuknak vual in damnak kan hmu. Ref 53.5: 1Pet 2.24
6 Kannih cu kan dihlak in a tlaumi
tuu bantuk kan si;
kan duhnak cio paoh ah khan
kan rak kal.
Cucaah dantatnak cu Bawipa nih
amah cung tu ah khan a tlunter i
cu dantatnak cu kanmah tu nih
kan in awk a rak simi kha a si. Ref 53.6: 1Pet 2.25
7 Fak piin an hrem, asinain dai tein
aa in ko;
bia kaa khat hmanh a chim lo.
Thah awkah an kalpimi
tuufa bantuk le
a hmul meh awkah an hruaimi
tuu bantukin,
awn au lo tein a um. Ref 53.7: Biat 5.6 Ref 53.7-8: Lam 8.32-33
8 An tlaih, thah awkin bia an khiah i
thah awkah an kalpi,
zei ti a va um te lai ding kha
ahohmanh an zei a poi lo.
9 Sualnak zeihmanh a tuah bal lo
nain le lih pakhat hmanh a chim
bal lo nain
misual mi hna he khan
thlan khat ah an vui òi i
mirum mi hna sinah khan an vui.” Ref 53.9: 1Pet 2.22
10 Bawipa nih aa thawh i,
“Temhnak a in cu ka rak duhmi
a si ko; thihnak cu ngaihthiamnak
a umtertu raithawinak a si.
Cucaah a tefa kha a hmuh hna lai i
chan saupi a nung lai,
cun amah thawngin khua ka
khanmi cu a tlam a tling lai.
11 Fahnak a in hnuah lunglawmhnak
a hmuh òhan lai,
ka inmi cu pakpalawng a si lo,
ti kha a hngalh lai.
Amah cu a dingmi ka sal a si;
mi tampi nih an in dingmi
dantatnak cu a in lai i
annih cu zumh awktlak a simi
ka mi ah a ser hna lai.
12 Cucaah amah cu upatnak hmun
ka pek lai,
milian mingan le miòhawng hna
lakah hmun ka pek lai.
A nunnak kha i awòawm lo tein
pek a sian i
misual mi kha an in ding cu
a inpi hna,” a ti. Ref 53.12: Mar 15.28; Luk 22.37