50
1 Bawipa nih aa thawh i,
“Mipa nih a nupi a mak bantukin
ka mi hna cu ka dawi hna tiin dahra
nan ruah?
Khuazei ah dah maknak ca cu
a si kun?
Mipa nih a fale cu sal ah
a zuar hna bantukin
sal ah a kan zuar tiin dahra
nan ka ruah?
Asilo, sal i nan taan cu, nanmah
nan sual ruangah a si;
lamhlatpi i kalpi nan si cu nanmah
nan òhat lo ruangah a si.
2 Ka mi hna cu anmah khamh awk i
ka hei fuh hna tikah khan,
zeicahdah an ka leh duh lo?
Ka auh hna tikah khan, zeicahdah
an ka chawnh duh lo?
Anmah khamhtu dingah ka der
tuk maw?
Ka bia in rili kha ka kaoter khawh i
tiva kha thetse ram ah ka canter
khawh hna;
an chung i a ummi nga kha ti
an hmuh lo caah an thi.
3 Van khi, mithi ngai seh law cu bang,
a muih in ka muihter khawh,” a ti.
Bawipa Sal Cu Nawl A Ngai
4 Bawipa Pathian nih chim awk kha
a ka cawnpiak caah
tha a bami kha thazang ka pek
khawh hna.
A ka cawnpiak ding theih kha
zing fate in a ka hngahhlangter.
5 Bawipa Pathian nih hngalhthiamnak
a ka pek caah
amah cu ka do lo i ka pialtak
fawn lo.
6 A ka tumi kha ka keng ka chit ko hna,
an ka serhsat tikah ka kham hna lo,
ka khahmul an ka phawipiak i
ka hmai i cil an ka chak ah
khan zeihmanh ka ti hna lo. Ref 50.6: Mat 26.67; Mar 14.65
7 Asinain Bawipa Pathian nih
a ka bawmh caah
an ka serhsatnak cu
zeihmanh ah ka rel lo.
An ka serhsatnak in khawhnak caah
cun ka hmai cu òeklung bantuk
8 Bawipa cu ka pawngah a um caah
ningzahnak ka phan lai lo ti kha
ka hngalh i
ka sual lo kha a langhter lai.
Taza a ka cuai ngamtu
an um hnga maw?
Taza cuainak hmun ah kal tuah u sih.
Sual cu ka puh tuah seh. Ref 50.8-9: Rom 8.33-34
9 A ka òanhtu cu Bawipa Pathian
hrimhrim kha a si,
cucaah aho nih dah sual
an ka phawt khawh lai?
Taza a ka cuaitu vialte kha an lo lai,
rungrul nih a eimi puan bantukin
10 Nannih Bawipa a òih mi vialte hna,
a sal bia a ngaimi vialte hna,
nan kalnak lam cu mui ko
hmanh seh law
Bawipa cu i bochan u law
i hngatchan ko u.
11 Midang hrawhnak khua a khang
lengmangmi hna,
nan dihlak in nanmah khuakhanmi
lila nih an hrawh hna lai.
Cucu Bawipa hrimhrim nih
nan cungah a tlunter lai i
temhnak cu nan in lai.