48
Pathian Hi Hmailei Caan Uktu A Si
1 Israel mi hna, hihi ngai tuah u,
Judah tefa hna, ngai tuah u.
Bawipa min in chiat nan ser i
Israel Pathian cu kan biak nan ti §
sihmanhsehlaw nan chimmi cu
pakhat hmanh a sullam
nan ruahmi a si lo.
2 Asinain, kannih cu
khua thiangmi kan si,
Israel Pathian aa bochanmi kan si,
cu Pathian cu a min ah
Ralkapbu Bawipa a si,
3 Bawipa nih Israel cu a thawh i,
“Hlan liopi khan a um ding thil cu
ka rak chimchung i cun
hmakhatte ah cucu ka hun umter!
4 Lunghak mi nan si lai ti kha
ka hngalh cia,
thir bantukin a òhawng i
dar bantukin kuaih khawh lomi
nan si.
5 Nan hmailei caan cu hlanpi in
ka rak chimchung cang,
thil cu an hung um hlanah
ka rak thanh chung cang,
zeicahtiah cucu nan siasal nih
an tuahmi a si nan ti nakhnga lo le
nan thirdar milem nih an tluntermi
a si nan ti khawh nakhnga lo
caah a si.
6 “Ka chimchungmi vialte kha
an tling dih;
ka chimchungmi kha an hmaan
nan ti awk a hau.
Atu cu a ra lai dingmi thil thar
kan chimh hna lai,
hlan i ka rak phuan bal lomi
thil kha kan chimh hna lai.
7 Atu lawnglawng ah hi thil cu
ka umter hna,
hi bantuk hi hlan ah zeitikhmanh ah
a rak um bal lo.
8 Rinh awktlak na si lo cu ka hngalh,
na chuahka in midohhmang
na si cu hngalh a si.
Hi ti na rak si ruangah hin hi kong
na theih bal lonak le
bia pakhat hmanh na hna
a phak bal lonak cu a si.
9 “Mi nih ka min kha an thangòhat
khawh nakhnga,
ka thinhunnak cu kaa sum;
ka thin cu kaa sum hranhram i
ka hrawk hna lo.
10 Ngun cu somei chungah
hneksak a si bangin
temhinnak mei chungah khan
kan hneksak hna.
Asinain santlailo nan rak si.
11 Thil ka tuahmi hi keimah ca
lawnglawng ah a si ko,
ka min kha chiatter ka duh lo,
cun keimah ta lawnglawng a simi
sunparnak kha midang he
i hrawm zong ka duh fawn lo,” a ti.
Sairas Cu Bawipa Nih Hruaitu Ah A Thim
12 “Ka thimmi Israel mi hna,
ngai tuah u,
keimah lawnglawng hi
Pathian ka si,
a hmasa bik le a hmanung bik ka si. Ref 48.12: Isa 44.6; Biat 1.17; 22.13
13 Ka kut in vawlei hram kha
ka ser hna i van kha ka samh hna.
Van le vawlei kha ka auh hna tikah,
khulrang tein an ra chuak.
14 Nan dihlak in i pum u law
ngai tuah u.
Ka thimmi nih Babilon kha
a tuk lai tiah zei pathian hmanh nih
an rak chimchung kho lo;
ka thimmi nih cun ka fialmi kha
a tuah lai.
15 Bia a chim i a kotu cu keimah ka si;
keimah nih ka chuahpi i
16 Cucaah ka naih u law ka chimmi kha
ngai tuah u.
A hramthawk tein hlangfang in
kan chimh hna i
ka bia cu ka tlinter zungzal,” a ti.
(Atu cu Bawipa Pathian nih a òhawnnak kha a ka pek i a ka thlah.)
17 Israel Pathian thiang, nanmah
an khamhtu hna Bawipa, nih,
“Keimah cu Bawipa nan Pathian,
nan ca òhatnak cawnpiak
an duhtu hna le
nan zulh awk hnga lam
18 “Ka nawlbia kha rak ngai u law,
ti ka hei duh dah!
Thluachuahnak cu nan caah,
zeitikhmanh i a reu bal lomi
tiva bantukin, a luan in a luang
zungzal ko hnga!
Ti kam a deng lengmangtu
tilet bantukin teinak cu nan sinah
a phan ko hnga!
19 Nan tefa cu rili kam thetse zat in
an tam hnga i
zeitikhmanh i rawk kho lo dingin
20 Babilon in chuak tuah u,
luat in kal tuah u!
“ Bawipa nih a sal Israel cu
a khamh cang,” tiin thawngpang cu
lunglawmhnak in aupi u,
khuazakip ah thanh u. Ref 48.20: Biat 18.4
21 Bawipa nih a mi cu a lin i a romi
thetse ram tan in a rak hruai hna tikah,
tihal retheihnak an ing lo;
lungpi chungin an caah ti
kha a chuahter;
lungpi kha a cheu i a chungin
ti a luang.
22 Bawipa nih, “Misual mi hna caah cun
himnak a um lo,” a ti. Ref 48.22: Isa 57.21