38
Hezekiah Zawtnak le Dam Òhannak
1 Cu caan lio hrawngah cun Siangpahrang Hezekiah kha a zaw i a thi dengmang. Profet Isaiah Amoz fapa kha amah zoh ah cun a va kal i, “ Bawipa nih, ‘zeizong vialte kha ningcang tein chia dih seh, zeicahtiah a dam òhan ti lai lo,’ a ti. Cucaah cun thih awkah i tim ko,” tiah a va ti.
2 Hezekiah cu vampang leiah khan aa mer i thla a cam.
3 “ Bawipa, na rian zumhawktlakte le lungthin tak tein ka òuan kha philh hlah. Cun tuah seh ti na ka duhmi tuah kaa zuam zungzal zong kha philh hlah,” tiah a ti i lunghno ngaiin a òap.
4 Cun Bawipa nih Isaiah cu,
5 Hezekiah sinah khan va kal law, “Na pu David i a Pathian Bawipa keimah nih na thlacamnak kha ka theih i na mitthli kha ka hmuh, kum hleinga kan nunter rih lai.
6 Nangmah le hi khua Jerusalem khua hi Assiria siangpahrang kut chungin kan khamh hna lai i hi khua hi ka huhphenh lai,” a ti, tiah va chim tiah a fial.
7 Isaiah nih cun a leh i, “ Bawipa nih a biakamnak cu a tuah lai ti hngalhnak caah hmelchunhnak pakhat an pek lai.
8 Cu hmelchunhnak cu hihi a si lai: Siangpahrang Ahaz nih a sermi ni tahnak kheng ah khan Bawipa nih ni thla cu dikiri pahra hnulei ah a kirter òhan lai,” a ti. Cuticun ni thla cu dikiri pahra hnulei ah khan a kir òhan.
9 Hezekiah cu a zawtnak khan a dam òhan i hi thangòhatnak hla hi a phuah:
10 Ka nunnak hi chan tling tein
nun thlu loin
Ka chan lailing ah mithi khua ah
ka kal rua lai tiah ka rak ruah.
11 Minung mi hna vawlei cungah hin,
Bawipa si seh, a nungmi si hna seh,
ka hmu ti rua hna lai lo, ka rak ti.
12 Ka nunnak cu a cat i a dong,
òhehmi thlam bantuk le thiamruak
la cat bantuk a si.
Pathian nih ka nunnak cu
a donghter rua lai tiah ka ruah.
13 Zan khuadei nganfak in ka ai,
chiandeih nih ka ruh khi
ka òam hna seh law cu ko cu a lo.
Pathian nih ka nunnak cu
a donghter rua lai, tiah ka ruah.
14 Ka aw kha a lo riahmah i
òhuro hrum in ka hrum.
Van ka zoh ah ka mit re a thei.
Bawipa, hi harnak vialte chung hin
ka chuah ko.
15 Zeidah ka chim khawh lai?
Hi thil a tuahtu cu Bawipa a si.
Ka chung a vang i kaa hngilh
kho lo.
16 Bawipa, nangmah ca lawnglawng ah
ka nung ko lai;
ka damter law, ka nunter ko.
17 Ka chungvanghnak cu daihnak ah
a cang lai.
Nangmah nih ka nunnak cu òihnung
chungin na khamh,
ka sualnak vialte kha na ka
ngaihthiam.
18 Mithi khuami nih cun ahohmanh nih
an in thangòhat kho lo,
mithi nih cun zumhawktlak na si kha
an i bochan kho lo.
19 Atu i keimah nih kan thangòhat
bantukin nangmah
an thangòhatmi cu minung
hi an si.
Zeitluk in dah zumhawktlak na si kha
pale nih an fale kha an chimh hna.
20 Bawipa, nangmah nih na ka damter,
tingtang tum in na thangòhatnak
hla ka sa lai,
kan nun chung paohpaoh cu
Biakinn chungah nangmah
thangòhatnak hla kan sa lai.
21 Isaiah nih siangpahrang cu theipi in sibang ser law na hma khan i thuh law na dam lai, a ti.
22 Cun Siangpahrang Hezekiah nih cun, “Biakinn ah ka kal kho òhan lai tinak ah zei hmelchunhnak dah a um lai?” tiah a ti.