3
Jerusalem Khua Chungah Hnahnawhnak A Um
1 Atu cu Bawipa Ralkapbu Bawipa nih Jerusalem khua chung le Judah ram chungah mi nih an i bochanmi vialte hna kha a kalpi dih hna lai. An ti le an rawl vialte kha a lak dih lai,
2 an mi ralòha hna le an ralkap hna, an biaceih bawi hna le an profet hna, an kutòial zoh thiam hna le an mifim hna,
3 an ralbawi hna le an uktu bawi hna, an ram hruaitu hna le thil umtuning anmah duhning in umter awkah camh a hmangmi hna kha a kalpi dih hna lai.
4 Annih cu kum tling lo ngakchia nih an uk hna lai.
5 Pakhat le pakhat an i rial lai. Mino nih upa kha an hmaizah hna lai lo i zeiruaramlo pawl nih khan an cung mi kha zeihmanh ah an rel hna lai lo.
6 Phun khat chung mi hna nih khan an unau pakhatkhat kha an thim lai i, “Nang cu puan aih awk tal na ngei, hi caan har chungah hin kan haotu si ko,” an ti lai.
7 Sihmanhsehlaw anih nih a thawh hna lai i, “Kei cu si hlah ning. Kan bawm kho hna lai lo. Rawl zong puan zong ka ngei ve lo. Nan haotu ah cun ka ser hlah u,” tiah a leh hna lai.
8 Asi, Jerusalem cu a lo ko cang! Judah cu a tlu cuahmah ko cang! An chimmi le an tuahmi paoh cu Bawipa duh lomi lawngte an si dih; langhngan in Pathian hrimhrim kha an nihsawh.
9 Òhat lonak lungthin an paw chung i an i chiahmi hrimhrim kha anmah sual phawtu tehte a si te lai. Sodom mi nih langhngan rumro in an rak sual bantukin annih zong nih an tuah ve. Annih cu an lo ko cang, cucu anmah nih anmah cung lila i an i tluntermi a si.
10 Miding mi cu an i lawm lai, an caah thil a rem thliahmah ko lai. An òuan man kha an i lawmhpi lai.
11 Sihmanhsehlaw miòhalo cu an lo ko cang; an tuahmi kha an cungah lehrulh a si lai.
12 Tangka cawihtu pawl nih ka mi kha an hrem hna i thil cawihtu pawl nih an hlen hna.
Ka mi hna, nan hruaitu pawl nih a pingah an in kalpi hna caah khuazei lei kal awk nan hngal lo.
Bawipa Nih A Mi Bia A Ceih Hna
13 Bawipa cu a bia kha chim awkah aa tim cang, miphun vialte kha an bia ceih awkah a tlam a tling cang.
14 Bawipa nih cun, a mi hna an upa le an hruaitu pawl kha biaceih awkah a chuahpi hna lai. Taza a cuainak hna cu hitihin a si: “Mitsur dum kha nan ramh dih hna i nan inn cu misifak nan chuhmi hna thil kha a khat.
15 Ka mi nan rial hna cu nan rial hna awk hrimhrim a si lo i misifak nan deh nan hlen hna i an thil nan chuh hna cu nan tuah hrimhrim awk a si lo tiah Bawipa Ralkapbu Pathian nih ka ti,” a ti.
Jerusalem Nu Pawl Ralrin Peknak
16 Bawipa nih, “Jerusalem khua nu hna khi zohhmanh hna u, zeitluk in dah an i zumh! An kal ah van lawng an cau i ahohmanh an hmu hna lo; a khiah in an i khiak. An fengbeo i an i thlaihmi an khi-ing tete cu ring cherhmarh hna seh tiah kar tawi tete in an kar.
17 Sihmanhsehlaw dan ka tat cang hna lai § an lu ka meh hna lai i lu kawng in ka chiah hna lai,” a ti.
18 Bawipa nih Jerusalem nu hna cu, an i porhlawtmi thil paohpaoh a lakkanh dih hna lai ni a phan lio. An fengbeo ah an i khihmi le an lu ah an i khimhmi le an hngawng ah an i oihmi le
19 an kut ah an i khihmi hlawn vialte cu a lakpiak dih hna lai. An lu an i khuhnak puan le
20 an luchin le an ban le an tai ah an i khihmi camh le
21 an kutdonghrolh le an hnarthlaih le
22 an puan òhaòha vialte le an angki fual le an puai puan hna le kutput zal hna le
23 an thlamlang hni hna le la hmangòhia pavuah hna le an lu an i khuhnak puan hme tete hna le lukhuh thlamlang vialte hna cu a lakpiak dih hna lai.
24 Zihmui kha hmang ti loin a thut in an thu lai, taisawm òhaòha kha hmang ti loin hrihrual hrat pipi tu kha an hman hna lai, samthlairem dawh si ti loin lukolh an si cang lai; puan òhaòha kha i aih ti loin puan tlek chia pipi kha an i aih lai; an i dawhnak cu ningzahnak ah aa thleng lai!
25 Khuachung pa hna cu, a òhawng bikbik hmanh kha, ral kut in an thi lai.
26 Khuakulhnak vampang kutka hna cu zuun ngaiin an òap lai i khuapi hrimhrim zong hi, hni lo puan loin vawlei ah a òhu komi nu bantuk a si lai.