26
Pathian Nih A Mi Kha Teinak A Pek Hna
1 Hi hla hi Judah ram chungah
an sak ni a phan lai:
Kan khuapi cu a òhawng,
Pathian hrimhrim nih
a kulhnak cu a ven!
2 Khuapi kutka cu hung hna u law
zumhawktlak a simi miphun kha
luhter u,
dinnak a tuahmi miphun kha
luhter u.
3 Bawipa, nangmah nih,
an i tinhmi kha fek tein aa tlaih i
nangmah an bochanmi cu,
a tlingmi daihnak kha na pek hna.
4 Bawipa kha i bochan zungzal ko u,
amah nih an huhphenh zungzal
hna lai.
5 Aa porhlawmi cu a òhumh hna,
an umnak khua òhawng kha
a hrawh i
a kulhnak vampang cu a chimh
hna i leidip lakah an tlu.
6 Atu ah cun rak hremmi nih khan
a cungin an chawhhnawh i
an ke in an lamh.
Pathian Dinnak Thangòhatnak
7 Bawipa, miòha cu an lam na sialpiak hna i
an zulhmi lam cu na pheiter.
8 Nangmah duhnak kha kan zul i
nangmah kha kan in bochan;
kan duhmi cu nangmah na si ko.
9 Zan ah nangmah kha kan ngai;
vawlei le a cung i a ummi kha
an bia na ceih tikah
dinnak hi zeidah a si ti kha
an hngalh lai.
10 Nang nih cun miòhalo kha
na zaangfah ko hna nain,
dinnak tuah kha an cawng
duh hlei lo.
Miding mi an umnak ram hmanh
ah hin òhat lonak kha
an tuah òhiamòhiam ko,
na lianhngannak kha an hngal
duh hlei lo.
11 Na ral nih, dan a kan tat lai,
ti awk an hngal lo,
temhinnak pe hna law na timhmi
dantatnak kha inter hna.
Na mi kha zeitluk in dah na dawt hna
ti kha annih cu hmuhsak hna. Ref 26.11: Heb 10.27
12 Bawipa, nangmah nih
rumnak na kan pek lai;
kan tuah khawhmi thil vialte hi
nangmah tuahmi lawngte an si dih.
13 Bawipa, kan Pathian, midang nih
an kan uk,
sihmanhsehlaw kan Bawi cu
nangmah lawnglawng na si.
14 Atu cu an thi cang i an nung òhan
ti lai lo,
an thlarau cu a tho òhan lai lo,
zeicahtiah nangmah nih dan na tat
cang hna i na hrawh cang hna.
Ahohmanh nih an hngal ti hna lo.
15 Bawipa, nangmah nih
kan miphun cu na òhanter i
a ram cu a kam kip in na kauhter,
cucaah nangmah nih upatnak
na hmuh.
16 Bawipa, nangmah nih na mi cu
dan na tat hna i
harnak an in tikah na sinah
thla an cam.
17 Nau ngan a fakmi nu nih
a ai bantukin,
nangmah nih na kan aiter, Bawipa,
18 Kan ngan cu a fak ko, sihmanhsehlaw
kan hrinmi zeihmanh a um fawn lo.
Kan ram caah zeihmanh kan teimi
a um lo i kan tuah khawhmi
a um lo.
19 Kan mi hna a thimi kha
an nung òhan lai!
An pum kha a nung òhan lai.
An thlan i a itmi vialte kha
an i hlau lai i
lunglawm in hla an sa lai.
Dapti nih vawlei cu a hrinter
òhan bantukin
a thi ciami cu Bawipa nih a nunter
òhan hna lai. Ref 26.19: Dan 12.2
Biaceihnak le Kir Òhannak
20 Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u.
21 Vawleicung mi kha an sual ruang i dantat awkah Bawipa cu a rung òum lai. Vawlei cungah a thli tein lainawnnak an tuahmi kha a puang dih lai i an thahmi hna kha vawlei nih a thup ti hna lai lo.