21
Babilon Rawhnak
1 Hi bia hi Babilon ram kong bia a si. Thetse ram i a herh in aa herhmi phuchim bantukin, òih a nungmi ram in rawhralnak kha a tlung lai.
2 Langhnak ka hmuhmi cu òihnung a si ko, i rawinak le i leinak, rawhralnak langhnak a si.
Elam ralkap hna, tu tuah u. Media ralkap hna, khuapi kha kulh hna u. Babilon nih a tluntermi temhinnak kha a dong cang lai.
3 Langhnak chung i ka hmuhmi nih ka thla an hlauh i ka ngan an ka fahter, nau nganfah a ingnu nganfah bantukin.
4 Ka lung a mit, ka òih tuk ah a ther in ka ther. Zanlei cu phan cang ko seh ti ka duh hringhran, sihmanhsehlaw zei dang um loin thlalaunak lawnglawng a ka phorh.
5 Langhnak ka hmuhmi ah cun, rawl danghnak nganpi an timh; sawmmi hna òhutnak ah puan kha an phah. An ei an ding. Cu lioah cun chikkhatte ah khin, “Bawi pawl, nan phaw i lak u,” ti thawng a hung thang.
6 Cun Bawipa nih a ka thawh i, “Va kal law, ralvengtu pakhat in va chia, cun a hmuhmi paoh kha in chim seh.
7 Pahnih pahnih in rang cungin a rami a hmuh hna le laa cung le kalauk cungin a rami a hmuh hna ahcun, òha tein ngia hna seh,” tiah a ti.
8 Ralvengtu nih cun, “Bawipa, ka ralvennak buk ah hin chunzan in ka dir ko,” tiah a au.
9 Cun khulrang in an ra. Rang cungin pahnih pahnih in an ra. Ralvengtu nih cun, “Babilon cu a rawk cang. An biakmi siasal vialte kha vawlei ah kuai liangluang in an ril ko,” tiah thawng a thanh. Ref 21.9: Biat 14.8; 18.2
10 Ka mi hna, nannih cu changvut bangin rial nan si, sihmanhsehlaw atu cu Ralkapbu Bawipa Israel Pathian sinin ka theihmi thawng kha kan thanh hna.
Edom Mi Bia Lehnak
11 Hi bia hi Edom kong bia a si. Edom ram in mi pakhat nih a hun ka auh i, “Ralvengtu zeitik dah zan cu a dih lai? A dih dengmang cang maw, ka chim tuah,” tiah a ti.
12 Kei nih ka leh i, “Khua cu a dei deng, sihmanhsehlaw zan kha a ra òhan lai. Hal na ka duh ahcun, ra law rak ka hal òhan te,” ka ti.
Arabia Kong Bia
13 Hi bia hi Arabia ram kong bia a si. Dedan miphun, Arabia ramcar i kalauk run he a riakmi hna,
14 nan sin i tihal in a rami kha ti rak pe hna u. Tema ram mi hna, ralzam kha rawl rak pe hna u.
15 Annih cu thah a timtu hna vainam le kah a timtu hna li le thal le raldohnak hriam òihnung a zamtakmi an si.
16 Cun Bawipa nih a ka thawh i, “Kum khat chung hrimhrim ah Kedar miphun lianhngannak kha donghnak a phan lai.
17 Thal kah thiammi pawl kha Kedar mi lakah ralòha bik an si, sihmanhsehlaw tlawmte lawng an taang lai. Hi bia cu Bawipa, Israel Pathian nih ka chimmi a si,” a ti.