11
A Daihmi Pennak
1 Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai. Ref 11.1: Biat 5.5; 22.16
2 A mi kha a uk khawh hna nakhnga
Bawipa òhawnnak nih amah cu fimnak
le hngalhnak le thiamnak
a pek lai.
Bawipa duhnak kha zeidah a si ti
a hngalh lai i
Bawipa cu a òih lai.
3 Cun Bawipa rian òuan kha
aa lawmhnak a si lai.
Leng lang men le mi chim chin
bia men in bia a khiak lai lo;
4 Sifakmi kha an bia òha tein a ceihpiak
hna lai i
nauta pawl kha a òanh hna lai.
Amah nawl pekning in ram cu
dantat a si lai i
miòhalo cu an thi lai. Ref 11.4: 2The 2.8
5 A mi cu dinnak in a uk hna lai i
an caah zumh awk tlakmi a si lai. Ref 11.5: Efe 6.14
6 Cenghngia le tuu kha hmunkhat ah
dai tein an tlong òi lai i pawlai
le meheh fa cu an bawk òi lai.
Cawfa le chiandeih no kha rawl
an ei òi lai i
ngakchia tete nih khan
an zohkhenh hna lai. Ref 11.6-9: Isa 65.25
7 Caw le vom cu rawl an ei òi lai i
an fale cu dai tein an bawk
òi hna lai.
Caw nih facang zi an ei bantukin
chiandeih nih facang zi cu
a ei ve lai.
8 Sivai ngeimi rul pawngah ngakchia
nih lente an i celh hmanh ah
harnak zeihmanh an tong lai lo.
9 Zion Tlang, Pathian tlang
thiang cungah cun
thil òihnung le thil òhalo zeihmanh
a um lai lo.
Rili cu ti in a khah bantukin hi ram cu
Bawipa hngalhnak in a khat lai. Ref 11.9: Hab 2.14
Saltang An Kir
10 Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai. Ref 11.10: Rom 15.12
11 Cu ni a phak tikah Bawipa nih a òhawnnak kha a hman òhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.
12 Israel mi le Judah mi aa òhekmi hna kha vawlei ki li in ka pumh òhan hna lai i hmuhsaknak caah Bawipa nih hmelchunhnak pakhat a tar lai.
13 Israel ram nih khan Judah ram kha a nahchuah ti lai lo i Judah zong cu Israel ral a si ti lai lo.
14 Hmunkhat ah nitlaklei i a ummi Filistin mi kha an tuk hna lai i nichuahlei i a ummi kha an ramh òi hna lai. Edom mi le Moab mi kha an tei hna lai i Ammon mi nih an nawl an zulh hna lai.
15 Bawipa nih thli lin a chuahter lai i cu thli lin nih cun Nail tiva le Zufrates tiva kha a kaoter hna lai i tiva hme tete pasarih lawng kha a nganh hna lai caah ahopaoh nih an tan khawh hna lai. Ref 11.15: Biat 16.12
16 Assiria ram chung i a tangmi a mi hna caah khan, an pupa nih Izipt ram in an rak zam tikah Bawipa nih lam nganpi a serpiak hna bang khan, Assiria ram chung cun lam nganpi pakhat a um lai.