6
Ngaihchih Sawmnak
1 Ra u law Bawipa sinah kir cang u sih;
Zeicahtiah a kan thlehbauh dih
cang i atu cu a kan damter cang
lai, a kan tuk cang i atu cu
kan hma kha a kan menpiak
cang lai;
2 Amah hmaiah kan um khawh
nakhnga
Ni hnih hnuah cun a kan nunter
òhan lai i
A ni thum ni ah hmasa kan sining
ah khan a kan chiah òhan lai.
3 Bawipa hngalh cu i zuam u sih,
Khua a dei hrimhrim lai bantukin,
kan sinah a ra hrimhrim lai;
Vawlei a hnawntertu ding òhal ruah
a sur hrimhrim lai bantukin
kan sinah a ra hrimhrim lai.
4 Maw Efraim, zeitindah kan tuah lai?
Maw Judah zeitindah kan tuah lai?
Na dawtnak hi zinglei minmei
bantuk, a òian zaumi dap
bantuk ceo a si.
5 Cucaah nan cung i biaceihnak bia le
rawhralnak bia a chimtu
ka profet cu kan thlahhnawh hna.
Ka mi nih tuah hna seh tiah
kan duhmi hna cu a fiang i
a tliang ko:
6 Ka duh bikmi cu fek tein
nan ka dawt hi pei a si cu,
nan raithawinak hi a si òung lo,
Ka mi nih nan ka hngalh hi pei
a si cu, khanghthawinak
nan ka pekchanh hi a si òung lo. Ref 6.6: Mat 9.13; 12.7
7 Adam ah ka biakamnak kha
an hrawh,
Khika ah an ka hlen.
8 Gilead cu thil òhalo tuahtu hna
umnak hmun a si,
thisen sul nih a langhter.
9 Damiah nih mi an bawh hna
bantukin,
Shekhem khua lei i a kalmi hna kha
thah awkah tlangbawi hna cu
an i pum.
An tuahmi cu a òhalo tuk hringhran.
10 Israel hmunthiang ah thil òhalo
ngaingai pakhat ka hmuh:
Khika ah Efraim cu hlawh a hlang i
Israel cu amah le amah
aa thurhhnawmh.
11 Cun nangmah ca zongah, maw Judah,
biaceihnak caan kha a ra lio.