14
Ngaihchihnak le Ngaihthiamnak
1 Maw Israel, Bawipa na Pathian
sinah cun kir òhan tuah;
Na sualnak nih khan an rilhter cang i
an tlukter cang.
2 Bawipa sinah cun kir law hihi
na thlacamnak cu siter ko:
“Kan sualnak vialte cu
kan ngaithiam law
kan thlacamnak cu
kan cohlanpiak tuah,
Cun kannih nih bia
kan in kamh cang bantukin
kan in thangòhat lai,” ti tuah.
3 Assiria nih a kan khamh kho
bal lai lo,
raltuknak rang nih a kan
huppheng kho lai lo;
Kannih nih kanmah kut in
kan sermi siasal kha,
“Nannih cu kan pathian nan si,” tiah
kan ti òhan ti hna lai lo.
Bawipa, bawmtu dang
a ngei lomi cu
na zaangfah tawn hna tiin,
kan sualnak kha kan i phuang.
4 An zuanzamnak hi keimah nih
ka damter lai i
Ka lung chung taktak in
ka dawt hna lai;
An cung i ka thinhunnak cu
a dam cang.
5 Israel caah cun dap bantuk
ka si lai i
lili pangpar bantukin a par lai.
Phaizawng kung bantukin
hram a thla lai i
6 a nge nono kha an corh
hluahmah lai;
Oliv thing bantukin aa dawh lai i
Lebanon tlang bantukin a rim
a hmui lai.
7 Israel cu ka thladem tangah
khua a sa òhan lai i
rawl kha tam piin an cin lai;
Mitsur ruang bantukin an òhang
hluahmah lai i
Lebanon mitsur hang bantukin
an min a thang lai.
8 Israel mi nih siasal cu zei ah dah
an i tuah ti hna lai?
Ka chim cang i ka fehter cang.
Cucu hihi a si:
Nanmah dornak an petu hna
farkung cu keimah ka si;
Thluachuahnak nan hmuhmi vialte
9 A fimmi nih cun hika i aa òialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.