THESALON
Khuami Sinah Paul Cakuat Pakhatnak
1
Upat Biakchawnhnak
1 Paul, Silvanas le Timote nih Thesalonika khua i kan Pa Pathian le Bawi Jesuh Khrih Khrihfabu hna nan sinah ca kan in kuat hna:
Vel le daihnak nan cungah um ko seh.
2 Nan caah Pathian sinah lunglawmhnak kan chim thluangthluan i kan thlacamnak ah kan in telhchih lengmang hna.
3 Nan zumhnak ruangah nan òuannak le dawtnak caah nan retheihnak le kan Bawipa Jesuh Khrih ah fek tein nan i ruahchannak te hna zong Pathian le kan Pa hmaiah kan in theihhngalh zungzal ko hna.
4 Pathian dawtmi u le nau hna, an thimmi hna nan si ti cu kan hngalh.
5 Zeitintiah kan thawngòha cu nan sin kan rak chim ah khan bia lawng si loin òhawnnak le Thiang Thlarau le zumhnak fiang te he kan rak chim. Nan sin i kan um lioah khan nan caah zei bantuk mi dah kan si ti kan langhtermi kha nan hngal ko.
6 Kan nun le Bawipa nun nan i cawn, zeitintiah hrem nan si nain a bia cu Thiang Thlarau òhawntermi lunglawmnak he nan cohlan.
7 Cucaah Masidonia le Akhai ah khan zumtu vialte zohchunh awktlak ah nan cang.
8 Bawipa kong nan chimmi cu Masidonia le Akhai lawngah thanh si loin, Pathian nan zumhnak nih a kenkip a cul dih caah zei kan chim hmanh a hau ti lo.
9 Kan rak in tlawn lio hna i nan rak kan conglawmhnak le siasal kal tak in a nungmi le a dikmi Pathian bultawl awkah Pathian lei nan hoihnak,
10 a tlung laimi thinhunnak in a kan tlanhtu Jesuh, thihnak in a thawhtermi, van in a rung òum laimi a Fapa nan hngahnak kong anmah hrimhrim nih an rak kan chimh.