9
Pathian le Noah Biakamnak
1 Pathian nih Noah le a fapa hna cu thluachuah a pek hna i, “Fa tampi in ngei hna u law nan fale cu vawlei cung khuazakip ah khat hna seh. Ref 9.1: Gen 1.28
2 Vawlei cung saram vialte, va hna le saram hna phun hna le nga hna zong nih an in òih hna lai. Annih cu an dihlak in nanmah kut tangah chiah an si.
3 Saram vialte le thlaihring vialte cu nan ei khawh hna lai; an dihlak in rawl caah kan pek hna;
4 asinain sa kha a chung i thi a um lioah cun nan ei lai lo, zeicahtiah nunnak cu thi cu a si. Ref 9.4: Gen 7.26-27; 17.10-14; Lev 19.26; Deu 12.16, 23; 15.23
5 Pakhatkhat nih an in thah hna ahcun, thihnak in dan ka tat hna lai. Nanmah an thattu hna saram cu ka thah hna lai i ahohmanh a minung hawi a thatmi cu dan ka tat hna lai.
6 Minung cu Pathian mui keng in
sermi a si caah,
minung a thatmi cu,
a minung hawi nih an thah ve lai. Ref 9.6: Gen 1.26; Exo 20.13
7 Nannih cu fa tampi ngei u law nan tefa hna kha vawlei cung khuazakip ah khat dih hna seh,” a ti. Ref 9.7: Gen 1.28
8 Cun Pathian nih Noah le a fapale cu a thawh hna i,
9 “Nanmah le nan hnu i a um lai ding nan tefa hna sinah, atu ah biakamnak ka tuah,
10 cun nan sin i a ummi thilnung vialte § va si hna seh, saòil si hna seh, saram si hna seh § lawng chungin a chuakmi paohpaoh sinah khan ka tuah.
11 Ka biakamnak cu hihi a si: Thilnung vialte kha buanchukcho in hrawh an si ti lai lo. Zeitikhmanh ah buanchukcho nih vawlei hi a hrawk ti lai lo, tiah bia kaa kam,” a ti.
12 Cun Pathian nih cun, “Nanmah le saram vialte hna sin i ka sermi ka biakamnak zungzal in a hmunmi hmelchunhnak caah,
13 ka chuncha cu minmei chungah khin ka chiah. Vawlei he biakamnak ka sermi hmelchunhnak a si lai.
14 Minmei cu vawlei cung i ka zaamter i minmei chung i chuncha a langh fate,
15 buanchukcho nih thilnung vialte kha a hrawk òhan ti hna lai lo ti in nanmah le saram vialte hna sin i biakamnak ka tuahmi kha ka hngalh òhan lai.
16 Chuncha cu minmei chung i a hung langh tikah ka hmuh lai i nanmah le vawlei cung thilnung vialte sin i zungzal hmunmi biakamnak ka sermi kha ka hngalh òhan lai,” a ti.
17 Pathian nih Noah cu a thawh i, “Hi hmelchunhnak hi vawleicung thilnung vialte hna sin i biakamnak ka tuahmi hmelchunhnak a si,” a ti.
Noah Zu A Ri
18 Lawng chungin a chuakmi Noah fapa hna cu Shem, Ham le Jafeth an si (Ham cu Kanaan pa a si).
19 Hi Noah fapa pathum hi vawlei cung mi vialte a hringsortu hna an si.
20 Noah cu lothlo a si i amah cu mitsur dum a ser hmasa biktu a si.
21 Mitsur zu cu a din i a ri, a thilpuan vialte kha aa phoih dih i a thlam chungah taklawng in a it.
22 Kanaan pa Ham nih khan a pa taklawng in a rilh ko cu a hmuh tikah a unau pahnih kha a va chimh hna.
23 Cu tikah Shem le Jafeth nih cun puan pakhat kha an i lak i an kenglei ah an chiah i an liang le an liang in an i zawn. Cun hnulei chit in thlam chungah cun an va lut i an pa cu an va khuh; an pa taklawng in a um cu an hmuh nakhnga lo khattelei kha an zoh peng.
24 Noah cu a zuritnak khan a hung fim i a fapa a hniang bik nih a cung i a tuahmi kha a hngalh tikah,
25 aa thawh i,
“Kanaan cungah chiat tlung ko seh;
a unau hna sal a si lai,” a ti.
26 Cun aa thawh òhan i,
“Shem Pathian Bawipa cu
thangòhat ko u.
Kanaan cu Shem sal a si lai.
27 Pathian nih Jafeth cu karhter seh law
A tefa hna cu Shem tefa hna he
um òi hna seh.
Kanaan cu Jafeth sal a si lai,” a ti.
28 Buanchukcho hnuah Noah cu kum 350 a nung i
29 kum 950 a si ah a thi.