32
Jakob Cu Esau Ton Aa Tim
1 Jakob cu a kal lengmang i Pathian vancungmi nih khan an ton.
2 A hmuh hna tikah, “Hi hi pei Pathian ralkapbu a si hi,” a ti i cucaah cuka hmun cu a min ah Mahanaimc MAHANAIM a sullam cu ralkapbu bu hnih ti a si. a sak.
3 Jakob nih a u Esau sinah khan, Seir peng Edom ram ah cun lamkaltu a hei thlah hna.
4 Hi bantukin nan va chim lai, tiah a cawnpiak hna: “Kei Jakob na salpa hi Laban sinah ka va um i cu can cu kir loin khua ka va sa ti kha ka bawipa Esau cu chimh kan duh.
5 Caw le laa le tuu le meheh le sal kha ka ngei ve hna i na zaangfahnak hmuh awkah atu hi bawipa, na sinah mi ka rak thlah hna,” a ti.
6 Lamkaltu kha Jakob sin i an ra kir tikah, “Na u Esau sinah cun kan va kal i asinain nangmah ton awkah khan a rak i thawh cang. Mi 400 aa ratpi hna,” an ti.
7 Jakob cu a thin a phang ngaingai i a awlok a chong. A sin i a ummi minung hna le a tuu hna le a meheh hna le a caw hna le a kalauk hna kha bu hnih ah a òhen hna.
8 “Esau nih a bu hmasa u hi kan tu ai kun, a hmanung u hi cu a luat kho lai,” tiah a ruah.
9 Cun Jakob nih khan thla a cam i, “Ka pu Abraham Pathian le ka pa Isak Pathian, ka thlacamnak hi ka theihpiak tuah. Bawipa, nangmah nih na ka thawh i, ‘Na ram le na rualchan hna sinah kir law na caah thil cu tluang tein ka umter ko hna lai,’ na ka ti.
10 Na sal ka cung i na zaangfahnak le zumhawktlak na sinak na langhtermi hi a hmu dingah aa tlakmi ka si lo. Jordan tiva kha ka òhiangòhunh he lawng ka rak tan, sihmanhsehlaw atu cu hi bu bu hnih hna he hin ka ra kir.
11 Cucaah cun ka u Esau kut chung hin ka khamh ko tiah kan nawl. Kanmah doh awk le hrawh awkah, hi nu le ngakchia hna tiang hin hrawh awkah a ra rua tiah ka ruah i ka thin a phang ko.
12 ‘Na caah thil cu tluang tein ka umter ko hna lai i tefa kan pek lai i an tam tuk ah a rel in rel cawk an si lai lo, rili kam thetse zat khi an si lai,’ tiin bia na ka kammi kha philh sawh hlah,” a ti. Ref 32.12: Gen 22.17
13 Cuka i zan khat a riah hnuah a ngeihmi chungin hi thil hna hi a u Esau laksawng ding caah a thim hna:
14 Mehehpi 200 le mehehtum 20, tuupi 200 le tuutum 20,
15 hnuk sur liomi kalauk 30, an fale he, cawpi 40, cawtum 10, laapi 20 le laa 10.
16 Run khat kha a sal pakhat cio a zohter hna i annih cu a thawh hna i, “Ka hmaiah rak kal chung u law run khat le run khat kha aa hlat nawn in zulhter hna u,” a ti.
17 Sal hmasa bik kha a thawh i, “Ka u Esau nih an ton i, ‘Khuazei ah dah na bawipa cu a si? Khuazei ah dah nan kal lai? Naa òhitmi na saòil hi aho ta dah an si?’ tiah an hal tikah,
18 ‘Na sal Jakob ta an si. Ka bawipa Esau nangmah caah laksawng ah an kuat. Amah Jakob cu kan hnute ah hin a ra lio ve,’ na ti lai,” a ti.
19 Pahnihnak pa le pathumnak pa le saòil a òhitu vialte kha aa khat cio in a chimh hna i, “Esau cu nan ton tikah hitihin nan ti lai:
20 ‘Asi, na sal Jakob cu kan hnute ah hin a ra lio ve ko,’ nan ti lai,” a ti hna. Jakob nih cun, “Ka hmai i ka rak kalter chungmi laksawng nih hin a thin a damter lai i keimah i ka ton tikah cun a ngaihthiam zong maw a ka ngaihthiam khawh,” tiah a ruah.
21 Laksawng cu an rak kalpi chung i anih cu cuka an riahnak hmun ah cun cu zan cu a rung riak.
Peniel Ah Jakob le Vancungmi An I Pai
22 Cun zan ah cun Jakob cu a tho i a nupi pahnih hna le a salnu pahnih hna le a fa hleikhat hna kha aa kalpi hna i Jabbok Tiva kha tan tawnnak hmun in a tan.
23 Khattelei ral i a chuahter dih hna hnuah a ngeihmi thil vialte zong kha va ral ah cun a kalter hna.
24 Amah lawng hnuah a tang.
Cun mipa pakhat nih khuadei tiang a hung paih. Ref 32.24-26: Hos 12.3-4
25 Mipa nih cun ka tei kho ti lo ti kha a hmuh tikah Jakob cu a khel ah a thongh i an i paih lioah cun Jakob cu a khelruh a pelh.
26 Mipa nih cun, “Ka thlah, khua a dei deng cang,” a ti. Sihmanhsehlaw Jakob nih cun, “Thluachuahnak na ka pek lo ahcun kan thlah bal lai lo,” tiah a leh.
27 Mipa nih cun, “Na min ahodah a si?” tiah a hal i, “Jakob,” tiah a leh.
28 Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israeld ISRAEL ti bia hi Hebru holh i Pathian a paih ti bia he an awchuah aa lo. a si cang lai,” a ti. Ref 32.28: Gen 35.10
29 Jakob nih, “Na min ka chim,” tiah a ti i asinain anih nih, “Zeicahdah ka min cu na ka hal?” a ti. Cun Jakob cu thluachuah a pek. Ref 32.29: Biac 13.17-18
30 Jakob nih, “Pathian kha hmaitonh in ka hmu nain ka nung rih,” a ti i cucaah cuka hmun cu a min ah Peniele Peniel ti bia hi Hebru holh i Pathian hmai ti biafang he an awchuah an i lo. a sak.
31 Jakob nih Peniel in a chuah ah ni zong a chuak ve, a khel ruangah cun a bei.
32 Cu ruangah cun pei atu chan tiangin Israel tefa hna nih hin khelbo cung i a ummi tit an ei lonak hi a si cu; Jakob a thonghnak kha cu tit hlum ah cun a rak si.