29
Jakob Cu Laban Inn A Phan
1 Jakob cu a kal lengmang i nichuahlei mi hna ram cu a phan.
2 Lo ah khin tikhor pakhat a hei hmuh i a pawngah cun tuu run thum nih an bawhhnawh ko. Tuurun cu cu tikhor ti cu an dinh tawn hna i cu tikhor cu a chin ah lung nganpi a si.
3 Tuurun vialte kha an pumh dih hna tikah tuukhal pawl nih khan a chin lung cu an thawn tawn i ti cu an dinh tawn hna. Cun lung cu a umnak ah khan an chiah òhan tawn.
4 Jakob nih annih cu a thawh hna i, “Ka duale, khuazei mi dah nan si?” a ti hna. Annih nih, “Haran khuami kan si,” an ti.
5 Cun, “Nahor fapa Laban kha nan hngalhmi a si maw?” a ti hna i annih nih, “Asi, kan hngalhmi a si,” an ti.
6 “A dam tah a dam maw?” tiah a hal hna i, “A dam ko. Zohhmanh, a fanu Rachel kha a tuurun he an ra khih,” tiah an leh.
7 Cun Jakob nih cun, “Atu cu ni a sangpi rih i saòil run khumh a cut rih lo caah, zeicahdah ti nan dinh hna lo i nan thlah rih hna lo?” tiah a ti.
8 Annih nih, “Tuurun vialte kha kan pumh dih hlan hna le lung chin kha kan i bawmh lulhmalh i kan thawn hlanah cun, cucu kan tuah kho lo; cu hnu lawngah cun kan tuurun cu ti kan dinh khawh hna lai,” an ti.
9 Cu bantukin Jakob nih bia a ruah lio lengmang hna ah cun Rachel kha a pa tuurun he khan a ra phan ve. Rachel cu a pa tuurun a zohkhenhtu kha a si.
10 Jakob nih a nu òa Laban tuurun he Rachel cu a hmuh tikah tikhor ah khan a va kal i lung kha a thawn i tuu kha ti a dinh hna.
11 Cun Rachel kha a hnamh i a òap.
12 Rachel cu a thawh i, “Kei cu na pa far Rebekah fapa ka si,” tiah a ti. Cu kong cu a pa va chimh awkah Rachel cu a tlik in a tli i
13 a pa nih a far fapa Jakob kong cu a theih tikah amah ton awkah cun a ra le ve. A kuh i a hnamh i a inn ah khan a luhpi. Cun Jakob nih Laban cu thil umtuning vialte kha a chimh.
14 Laban nih cun a thawh i, “Asi, nangmah cu ka thi le ka sa taktak na si,” tiah a ti. Cuka ah cun Jakob cu thla khat pumte a um.
Jakob Nih Laban Fanu A Òhit
15 Laban nih Jakob cu, “Ka rualchan na si ai pat tiin alak in ka rian òuan cu a òha hnga lo. Zeizat dah kan pek hnga?” a ti.
16 Laban nih cun fanu pahnih a ngeih hna i a upa deuh cu a min ah Leah a si i a ngakchia deuh cu Rachel a si.
17 Leah cu aa dawh tuk lo, Rachel tu cu a tungtai a òha i aa dawh ngaingai.
18 Jakob nih cun Rachel cu a duh i, “Kum sarih in kan rianh lai i na fanu a ngakchia deuh Rachel hi na ka pek lai,” a ti
19 Laban nih cun, “Midang pek nakcun nangmah pek cu ka duh deuh. Cucaah cun ka sinah cun um,” tiah a ti.
20 Rachel conak dingah cun Jakob nih khan kum sarih cu rian kha a òuan i asinain a dawt caah khan cu kum sarih cu ni tlawmte bantuk men ah khin a rel ko.
21 Jakob nih cun Laban cu, “Ka caan a tling cang, na fanu cu ka pe cang kun law òhi cang ning,” a ti.
22 Cucaah Laban nih nupi òhitnak puai a tuah i cuka mi vialte cu a sawm hna.
23 Sihmanhsehlaw cu zan ah cun Rachel kha si loin Leah tu kha Jakob sinah cun a hei kalpi i Jakob nih a rak ihpi.
24 (Laban nih cun a salnu Zilpah kha a fanu Leah cu a kalh).
25 A thaizing ah cun Jakob nih Leah a si kha a hngalh. Laban cu a thawh i, “Zeicahdah hi bantukin ka cungah na tuah? Rachel pek dingin pei na rian cu ka òuan cu, zeicahdah na ka hlen kun?” a ti.
26 Laban nih cun, “Hika ah hin cun ule hlanah naule nih vangeih phung a si lo.
27 Nan i òhitnak puai zarh khat chung hi tlinter ko law cucu a dih in kum sarih na ka rianh rih dingah cun Rachel cu kan pek lai,” a ti.
28 Jakob cu a hna a tla i òhitumnak zarh cu a dih tikah, Laban nih a fanu Rachel cu nupi ah a pek.
29 (Laban nih a salnu Bilhah kha a fanu Rachel cu a kalh).
30 Cucaah Jakob nih khan Rachel zong cu a ihpi i Leah nakkhan a dawt deuh. Laban cu a dang kum sarih a rianh òhan.
Jakob Hrinmi Fale Hna
31 Bawipa nih Leah cu dawt lo deuh a si kha a hmuh tikah anih tu kha fa ngeih khawhnak a pek i Rachel kha cu fa ngei loin a um ko.
32 Leah cu fa a pawi i fapa a hrin. Aa thawh i, “ Bawipa nih ka harnak kha a ka hmuhpiak cang, atu cu ka va nih a ka dawt cang lai,” a ti; cucaah a min ah Reubeno REUBEN ti min hi Hebru holh i hmuh ti bia he a awchuah an i lo. a sak.
33 Fa a pawi òhan i a dang fapa a hrin òhan. “Kei cu dawt lomi ka si kha Bawipa nih a theih caah hi fapa hi a ka pek òhan,” a ti i cucaah a min ah Simeonp SIMEON ti min hi Hebru holh i theih ti bia he a awchuah an i lo. a sak.
34 Fa a pawi òhan i fapa a hrin òhan. “Atu cu fapa pathum ka hrinpiak cang caah ka va hi ka sinah fek deuh in aa òem cang lai,” a ti i cucaah a min cu Leviq LEVI ti min hi Hebru holh i òem ti bia he a awchuah an i lo. a sak.
35 Fa a pawi òhan i fapa a hrin òhan. “Atu cu Pathian ka thangòhat lai,” a ti i cucaah a min cu Judahr JUDAH min hi Hebru holh i thangòhat ti bia he a awchuah an i lo. a sak. Cun fapa a ngei ti lo.