25
Abraham Tefa Dang
(1Cha 1.32-33)
1 Abraham nih midang pakhat a òhit òhan i a min ah Keturah a si.
2 Keturah nih cun Zimran, Jokshan, Medan, Midian, Ishbak le Shuah a hrinpiak.
3 Jokshan cu Sheba le Dedan pa a si, cun Dedan fapa hna cu Asshurim, Letushim, le Leummim an si.
4 Midian fapa hna cu Efah, Efer, Hanok, Abida le Eldaah an si. Hi hna hi an dihlak in Keturah tefa an si.
5 Abraham nih a ngeihmi thil vialte cu Isak kha a pek ta dih.
6 Sihmanhsehlaw a thih hlanah a nupi dang hna fapa hna zong kha laksawng a pek hna i nichuahlei ah a kalter hna; a fapa Isak sinin aa hlatmi ram Nichuahlei ram ah a kalter hna.
Abraham Thihnak le Vuinak
7 Abraham cu kum 175 a nung.
8 Chan tling cikcek in a nun hnuah a thi i a phunhawi hna sinah khan pumh a si ve.
9 A fapa Isak le Ishmael nih khan Makpelah lungkua ah khan an vui, cu lungkua cu Mamre nichuahlei i a ummi lo, Hit mi Zohar fapa Efron ta a simi i a ummi kha a si.
10 Cu lo cu Abraham nih khan Hit mi hna sin cun a cawk i Abraham le a nupi Sarah cu an pahnih tein cuka ah cun vui an si. Ref 25.10: Gen 23.3-16
11 Abraham thih hnuah a fapa Isak cu Pathian nih thluachuah a pek. Isak cu Beer-lahai-roi ah khan khua a sa.
Ishmael Tefa Hna
(1Cha 1.28-31)
12 Hi hna hi Ishmael tefa kha an si, Ishmael cu Sarah salnu Izipt mi Hagar nih Abraham a hrinpiakmi fapa kha a si.
13 Ishmael fapa hna an min cu, an chuah ningin, aa chang lengmang in hi ning hin a si: Ishmael fapa upa bik cu Nebaioth a si, cun Kedar, Adbeel, Mibsam,
14 Mishma, Dumah, Massa,
15 Hadad, Tema, Jetur, Nafish, le Kedemah an si.
16 Hi hi Ishmael fapa hna cu an min cio le an khua cio le an umnak hmun cio he tiah an si § phuntungtu hleihnih le an phun cio an si.
17 (Ishmael cu a thih i a miphun hna sin i fonh a si ah khan kum 137 a si.)
18 Ishmael tefa cu Havilah le Shur karlak ram ah khan an um, cu ram cu Izipt ram in nichuahlei, Assiria lei lam ah khan a si. An rualchan hna he a dang in an um.
Esau le Jakob Hrinnak
(Rom 9.10-12)
19 Abraham fapa Isak tefa cu hihi an si: Isak pa cu Abraham a si.
20 Isak cu Rebekah a òhit ah kum 40 a si, Rebekah cu Mesopotamia ram i a ummi Aramean miphun Bethuel fanu a si i a òa cu Aramean miphun Laban kha a si.
21 Isak nupi cu fa a ngeih lo caah Isak nih cun Bawipa sinah thla a campiak. A thlacamnak cu Bawipa nih a leh i Rebekah cu fa a pawi.
22 A chung i a ummi faphir pa veve a simi cu pakhat le pakhat an i nam len tikah cun aa thawh i, “Hi bantukin a si ding a si ahcun, zeicahdah ka thih ko lo?” a ti. Cun Bawipa sinah a sullam hal awkah a kal i,
23 Bawipa nih cun a rak thawh i,
“Na chungah hin miphun pahnih
an um.
Aa ralmi miphun phun hnih
na hrin hna lai,
pakhat cu a òhawng deuh lai i
a upa deuh nih
a ngakchia deuh kha
a rianh lai,” a ti. Ref 25.23: Rom 9.12
24 A nithla a tlin tikah fa cu a hrin hna i faphir an si.
25 A chuak hmasamipa cu a sen i a cuar cu a hmulmi puan bantuk a si, cucaah a min ah Esau an sak.
26 Cun a nau kha a hung chuah tikah a u kedil kha fek tein aa tlaih, cucaah a min ah Jakob an sak. An chuah ah Isak cu kum 60 a si.
Esau Nih Upa Sinak A Zuar
27 Ngakchia cu an pahnih in an hung òhang, Esau cu sakah thiammi a si, ramvaih a duh ngaimi a si, sihmanhsehlaw Jakob cu midai, miholhlo, inn lawng i a ummi a si.
28 Isak nih Esau cu a dawt deuh, zeicahtiah a sakahmi sa kha a ei lengmang, sihmanhsehlaw Rebekah nih Jakob kha a dawt deuh ve.
29 Ni khat cu Jakob kha pehang a rak chuang i cu lioah cun Esau kha ram vaihnak in a ra tlung.
30 A rawl cu a òam i Jakob cu, “Ka rawl a òam tuk, kha thil sen kha ka khat in ka pe tuah,” tiah a ti. (Cu ruangah cun Esau cu Edom ti i min sak a sinak cu a si.)m Edom ti cu Hebru holh i a ‘sen’ ti he a awchuah aa lo.
31 Sihmanhsehlaw Jakob nih aa thawh i, “Fater na sinak kha na ka pek ahcun kan pek lai,” a ti.
32 Esau nih cun, “A òha ko, ka thih cang leh lai hi ta! Cu fater sinak ko cu a!” a ti.
33 Cun Jakob nih cun, “Na fater sinak cu kan pek hrimhrim lai tiah bia i kam hmasa,” a ti. Esau nih cun biakamnak cu a ser i a fater sinak cu Jakob sinah cun a zuar. Ref 25.33: Heb 12.16
34 Cun Jakob nih changreu le pehang a pek i a ei a din hnuah a tho i a kal. Fater a sinak kha Esau nih cun zei ah a rel lo.