21
Isak Chuahnak
(Heb 11.11)
1 Bawipa nih bia aa kam bang khan Sarah cu a bawmh i
2 fa a pawi i Abraham kha a tar hnuah fapa a hrinpiak. An fapa cu Pathian nih a chimmi caan te ah khan a chuak.
Ref 21.2: Heb 11.11
3 Abraham nih a min ah Isak a sak.
4 Isak cu ni riat a si tikah, Pathian nih a fial bang khan Abraham nih cun a cuarpar a tan.
Ref 21.4: Gen 17.12; Lam 7.8
5 Isak a chuah ah Abraham cu kum 100 a si.
6 Sarah nih cun aa thawh i, “Pathian nih lawmhnak le nihnak a ka pek. Cu kong a theimi paoh nih an ka nihpi lai,” a ti.
7 Cun aa thawh òhan i, “Ahohmanh nih Abraham cu, Sarah nih fano a cawm te hna lai, tiah an rak chim kho lai lo. Asinain a tar lei
sang ah fapa pakhat ka hrinpiak ko,” a ti.
8 Ngakchia cu a òhang i a hnuk thlah ni ah Abraham nih puai nganpi a serpiak.
Hagar le Ishmael A Òhawl Hna
9 Ni khat cu Izipt minu Hagar nih Abraham a hrinpiakmi fapa Ishmael kha Sarah fapa Isak he cun lente an i celh.
10 Cucu Sarah nih a hmuh i, “Hi salnu le a fapa hi òhawl hna. Ka fapa Isak nih a co awk hnga a simi na chawva vialte hi, hi salnu
fapa nih hin a tinco ve awk a si hrimhrim lo,” a ti.
Ref 21.10: Gal 4.29-30
11 Hi nih hin Abraham cu a lungre a theihter ngaingai, zeicahtiah Ishmael zong cu a fapa a si ve.
12 Sihmanhsehlaw Pathian nih Abraham cu a thawh i, “Ngakchiapa le na sal Hagar kong ah lungrethei in um hlah. Sarah nih an chimhmi
paoh cu tuah ko, zeicahtiah tefa kan kamhmi cu Isak chung hin an
chuak lai.
Ref 21.12: Rom 9.7; Heb 11.18
13 Na salnu fapa zong kha tefa tampi ka pek ve lai i miphun pakhat an tling ve lai, amah zong cu na fapa pei a si cu,” a ti.
14 A thaizing cu zingka tein Abraham nih Hagar cu rawl tlawmpal le saphaw tithawl ti a khat tein a ummi kha a pek i nau kha a puakter
i a kalter hna. Hagar cu Beersheba ramlak ah khan a vai
lengmang.
15 Ti cu a dih tikah ngakchia cu burbuk pakhat toiah a chiahtak i
16 lam hla nawn, thal kah phak hrawng khin a hngah. “Ngakchia a thih cu ka hmu ngam lo,” a ti i cuka i a òhut lioah cun fak
piin a òap.
17 Pathian nih ngakchiapa a òah cu a run theih i vancung in Pathian vancungmi nih khan Hagar cu a run chawnh i, “Hagar, zeicahdah na
lungre a theih? Na thinphang hlah. Pathian nih ngakchiapa a òah
kha a theih cang.
18 Tho law va kal law va cawi law va pom. A tefa cu miphun nganpi ah ka ser hna lai,” a ti.
19 Cun Pathian nih Hagar cu a mit kha khua a hun hmuhter i tikhor pakhat a hmuh. A va kal i ti thawl khan ti cu a va than i
ngakchiapa kha a dinh.
20 Ngakchiapa cu Pathian nih a umpi i a òhang i Paran ramlak ah khan khua a sa; amah cu sakah thiam ngaimi a hung si.
21 A nu nih Izipt ram in nupi a òhitpiak.
Abraham le Abimelek Biakamnak
22 Cu caan ah cun Abimelek cu a ralbawi ngan bik Fikol he khan Abraham sinah cun an va kal i, “Na tuahmi thil kip ah Pathian
nih an umpi.
Ref 21.22: Gen 26.26
23 Cucaah cun keimah siseh, ka fale si hna seh, ka tefa si hna seh, na kan hlen nakhnga lo Pathian hmaiah hin bia i kam. Kei cu na cungah zumhawktlak in ka um, cu bantuk cun nang zong ka cung le
na umnak ram cungah hin zumhawktlak na si nakhnga bia i kam,”
a ti.
24 Cun Abraham nih, “Kaa kam,” a ti.
25 Abraham nih Abimelek cu Abimelek sinum pawl nih an chuhmi tikhor kong kha a chimh.
26 Abimelek nih cun, “Cucu ka hngal lo. Na rak ka chim lo i atu hi ka theih hmasa bik a si,” a ti.
27 Cun Abraham nih Abimelek cu tuu le caw tlawmpal a pek i an pahnih in biakamnak an ser.
28 Abraham nih tuufa pasarih kha a tuurun chungin a dang tein a chiah hna i
29 cucu Abimelek nih, “Zeicahdah kha ti khan na tuah?” tiah a hal.
30 Abraham nih cun, “Hi tuufa pasarih hi na ka cohlan hrimhrim hna lai. Zeicahtiah cu ti na ka cohlannak nih cun, hi tikhor a cotu
hi keimah ka si kha a langhter lai,” tiah a leh.
31 Cucaah cuka hmun cu a min ah Beersheba ti a si, zeicahtiah an pahnih in biakamnak an tuahnak cu cuka ah cun a si.
32 Beersheba ah biakamnak kha an tuah dih cun, Abimelek le a ralbawi ngan bik Fikol cu Filistin mi hna ram ah khan an kir
òhan.
33 Cun Abraham nih Beersheba ah cun thingkung pakhat a phun i Bawipa, Zungzal Hmunmi Pathian kha a biak.
34 Filistin mi hna ram ah cun Abraham cu saupi a um.