12
Pathian Nih Abram A Auh
(Lam 7.2-5)
1 Bawipa nih Abram cu a thawh i, “Na ram le na rualchan le na pa inn kha chuahtak hna law kan hmuhsak laimi ram ah kal tuah. Ref 12.1: Lam 7.2-3; Heb 11.8
2 Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.
3 Nangmah thluachuah an petu kha
thluachuah ka pek ve hna lai i
chiat an serhtu kha chiat ka serh ve hna lai.
Vawlei cung miphun vialte nih hin,
Nangmah thluachuah kan pek
bantuk hin
thluachuah kan pe ve,
tiah an ka hal lai,” a ti. Ref 12.3: Gal 3.8
4 Abram cu kum 75 a si tikah, Bawipa nih a chimh bantuk khan, Haran khua cun aa thawh; Lot kha a sinah a kal ve.
5 Abram cu a nupi Sarai le a nau fapa Lot le Haran khua an um hnu i an ngeihmi an chawva vialte le an sal vialte hna he khan Kanaan ram lei kal ah cun aa thawh.
Kanaan ram an phak tikah
6 Abram cu ram chungah cun aa chawk i Shekhem khua an hmunthiang, Moreh thing zarh an timi kha a va phan. (Cu lioah cun Kanaan mi kha cu ram chungah cun an um ko rih).
7 Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakòheng pakhat a ser. Ref 12.7: Lam 7.5; Gal 3.16
8 Cu hnuah cun thlanglei ah khan a vun i thawn chin i Bethel khua nichuahlei i a ummi tlang ram ah khan umhmun a khuar, cuka cu Bethel le Ai karlak ah khan a si, Bethel kha nitlaklei ah a um i Ai kha nichuahlei ah a um. Cuka ah cun biakòheng zong kha a ser i Bawipa kha a biak.
9 Cun thlanglei ah khan riahhmun pakhat hnu pakhat in a vung i thawn chin lengmang i Negeb ram tiang a phan.
Abram Izipt Ah A Zaam
10 Sihmanhsehlaw cuka ram ah cun rawl a um lo i mangòam cu a fah ngaingai caah Abram cu Izipt ram i caan tlawmpal vung um ta awkah khan thlanglei kha a panh chin lengmang.
11 Izipt ram chung a luh lai te ah khan a nupi Sarai cu a thawh i, “Nang cu mi dawh na si.
12 Izipt mi nih an in hmuh tikah, Abram nupi a si, an ti lai i nangmah duh ah keimah kha an ka thah lai.
13 Cucaah a far ka si, tiah na ti hna lai i nangmah thawngin an ka nunh lai i ka caah harnak zeihmanh a um lai lo,” a ti. Ref 12.13: Gen 20.2; 26.7
14 Izipt ram an vung luh tikah khan a nupi mi dawh a si cu Izipt mi nih khan an rak hmuh.
15 An bawi pawl nih khan, aa dawh hringhran cu an hmuh i Faro kha an chimh i siangpahrang inn ah khan an kalpi.
16 Amah ruangah cun Faro nih cun Abram cu òha tein a zohkhenh i tuu run le meheh run le caw le laa le sal le kalauk kha a pek.
17 Sihmanhsehlaw Abram nupi Sarai kha a inn ah cun a kalpi ruangah cun Bawipa nih Faro le a inn chung i a ummi vialte hna cu zawtnak a fakmi in dan a tat hna.
18 Cu tikah Faro nih Abram cu mi kha a auhter hna i, “Zeicahdah hi bantukin ka cungah rian na òuan? Zeicahdah ka nupi a si tiah na ka chimh lo?
19 Zeicahdah ka far a si na ti i na ka òhitter? Na nupi hi i lak law kal u,” tiah a ti.
20 Faro nih a mi kha nawl a pek hna i Abram cu a nupi le a ngeihmi vialte he khan ram chung cun an dawi.