33
Bawipa Nih Kal A Fial Hna
1 Bawipa nih Moses kha a thawh i, “Hi hmun hin Izipt ram i na chuahpimi hna he khan chuak u law, Abraham le Isak le Jakob sinah, ‘Hi ram hi nan tefa ka pek hna lai,’ tiah bia ka kammi ram ah khan kal u. Ref 33.1: Gen 12.7, 26.3, 28.13
2 Nan hmaiah vancungmi pakhat ka thlah lai i Kanaan mi hna le Amor mi hna le Hit mi hna le Periz mi hna le Hiv mi hna le Jebus mi hna kha ka òhawl hna lai.
3 A ram a rum i a vawlei a òhami ram ah nan kal lai. Asinain keimah nih cun kan kalpi hna lai lo, zeicahtiah milungòhawng nan si i lampi ah kan thah dih sual hna hnga,” a ti.
4 Hi thawng chia cu mizapi nih khan an theih tikah an òap i ahohmanh nih hlawn an i hruk lo.
5 Bawipa nih Moses cu, “Israel mi cu, ‘Nannih cu milungòhawng nan si. Nan sinah tlawmte hmanh ka kal ahcun kan hrawh dih sual hna lai. Cucaah nan hlawn kha i phoih u law cu tikah nan cung i ka tuah khawhmi kha zeidah a si ti kha ka hngalh lai,’ a ti tiah chim hna,” a ti.
6 Cucaah Horeb tlang ri khan Israel mi nih an hlawn kha an i hruk ti hna lo.
Tonnak Thlam
7 Moses nih khan thlam cu aa kalpi tawn i riahhmun lengah khan lamhla nawn ah khin a chiah tawn. A min ah “Tonnak Thlam” a ti. Bawipa chawnh a duhmi paoh kha tonnak thlam ah cun an va kal tawn.
8 Moses kha cu thlam i a va kal fate mi vialte kha an tho i an thlam kaa cio ah khan an dir i Moses cu thlam chung i a luh hlantiang amah kha an zoh.
9 Moses a vung luh tikah khan, minmei tom kha a rung òum i thlam kaa ah cun a um i Bawipa nih Moses cu minmei chung cun a chawnh.
10 Thlam kaa ah mi vialte nih minmei tom cu an hmuh tikah an dir i an thlam kaa cio khan an kun.
11 Minung nih a minung hawi bia a ruah bantuk te khin Bawipa nih Moses cu hmaitonh tein bia a ruah. Cu hnuah cun Moses cu riahhmun ah khan a kir tawn. Asinain a sal Joshua, Nun fapa kha cu thlam kha a kaltak lo.
Bawipa Nih Kan Umpi Hna Lai
12 Moses nih Bawipa cu a thawh i, “Hi mi hna hi kha ram ah khan kalpi hna tiah na ka ti taktak, asinain ahodah ka sinah na kalter lai ti kha na ka chim lo. Asinain, ‘Nangmah cu fiang tein kan hngalh i na cungah ka lung a tling,’ na ka ti òhiamòhiam fawn.
13 Cucaah ka cung i na lung a tlin a si ahcun, naa tinhmi kha ka hngalh khawh nakhnga le na lung kan tlinter khawh nakhnga, naa tinhmi cu ka chim tuah. Cun hi miphun hi nangmah miphun an si zong kha philh fawn hlah,” tiah a ti.
14 Bawipa nih cun a thawh i, “Na sinah keimah ka kal lai i teinak kan pek lai,” a ti.
15 Moses nih cun, “Kan sin i na kal lo dingah cun, hi hmun hin kan thawhter hlah.
16 A ngaingai ti ahcun, kan sin i na kal lo ahcun, na mi hna le keimah cungah Bawipa cu na lung a si ti kha mi nih zeiti hlei in dah an hngalh khawh lai? Nangmah nih na kan kalpi a si ahcun, na mi hna le keimah cu vawleicung midang vialte nakin na kan dawt khun a si lai,” a ti.
17 Bawipa nih Moses cu, “Na cungah ka lung a tling i nangmah cu òha tein kan hngalh caah, na chim bantuk tein ka tuah lai,” a ti.
18 Moses nih cun, “Na sunparnak ka hmuhter tuah,” tiah a hal.
19 Bawipa nih cun, “Kaa dawhnak vialte kha na hmai in ka lanhter duahmah hna lai i na theih hngan hrimhrim ah ka min cu Bawipa a si ti kha ka chim lai. Zaangfah ka duhmi kha ka zaangfah hna lai i vel ngeih ka duhmi kha vel ka ngeih ko hna lai,” a ti. Ref 33.19: Rom 9.15
20 Cun Bawipa nih cun aa thawh òhan i, “Ka hmai cu na hmu kho lai lo, zeicahtiah ka hmai a hmumi cu ahohmanh an nung kho lo.
21 Zohhmanh, ka pawng i a ummi lungpi cungah hin na dir kho lai.
22 Ka sunparnak kha a lanh tikah lungpi chung i a kua pakhat ah kan chiah lai i keimah ka lanh dih tiang ka kut in kan huh lai.
23 Cun ka kut kha ka lak lai i ka keng kha na hmuh lai, ka hmai cu na hmu kho lai lo,” a ti.