26
Puan Biakinn
(Exo 36.8-38)
1 “Puan biakinn kha, khumlahrual a hmang a òhiami le tuuhmul a mui a dum, maimaw le a sen a simi in tahmi puan zun hra in na ser lai. Cun hi puan cungah cun cherubim kha dawh tein nan suai hna lai.
2 Puan cu dong 28 cio an sau lai i dong 4 cio an kau lai, an dihlak in an i ngaw dih lai.
3 Zun nga kha hmunkhat ah òhit an si lai i a dang zun nga kha hmunkhat ah òhit an si ve lai.
4 An bu a lenglei veve ah khan puan dum in bing nan sih hna lai.
5 Bu khatnak a hriang bik puan ah khan bing 50 nan sih lai, cun cu hna a hun tlaitu dingah a bu hnihnak a hriang bik puan ah khin bing 50 nan sih fawn lai.
6 Cun sio 50 sui in nan ser lai i cu sio cun an bu hnih khan nan komh hna lai i inn khat ah an cang lai.
7 “Puan biakinn cung i a thlam caah meheh hmul in tahmi puan zun hleikhat nan ser lai.
8 A sau dong 30, a kauh dong 4 cio an si lai i an dihlak in an i ngaw dih lai.
9 Zun nga kha bu khat ah na òhit hna lai i a dang zun ruk kha bu dang ah na òhit hna lai. A zun ruknak kha biakinn hmailei ah a bil in aa zar ding a si lai.
10 Bu khatnak a donghnak puan a tlang ah khan a bing 50 in na sih lai i bu dang zong kha a donghnak puan tlang ah khan a bing 50 in na sih ve lai.
11 Dar sio 50 na ser hna lai i a bing le a bing cu sio cun na sih hna lai i an bu hnih khan thlam pakhat ah an cang lai.
12 Thlam cung i aa thlaimi puan zun cheu a hleimi nih khan puan biakinn hnulei kha a khuh lai.
13 Thlam khuhnak puan a kap kip in dong hnih a hlei ciomi nih khan puan biakinn kha kap kip in huh dingah an i thlai lai.
14 Thlam khuh caah sii sen in buhmi tuu phaw le meheh phaw na ser hna lai.
15 “Cun puan biakinn caah cun anri thing in a tung in a dirmi vampang na ser hna lai.
16 Tlap khat cu a sau dong 10, a kauh dong khat le a cheu cio an si lai.
17 Tlap khat chungah cun a dang tlap he pehnak ah fung pahnih na ser hna lai i puan biakinn ca vampang vialte cu cu bang cun na ser dih hna lai.
18 Vampang cu na ser hna tikah thlanglei kam caah 20 an si lai,
19 cun tung danh ngun in sermi 40, tlap khat caah pahnih lengmang in na ser fawn hna lai i cu tung danh cu an i pehnak fung dirnak caah khan an si lai.
20 Cun chaklei kam ca zongah khan vampang 20 na ser hna lai i
21 tlap khat caah tung danh pahnih lengmang in 40 na ser hna lai.
22 Puan biakinn hnulei ca, nitlaklei kam caah khan tlap ruk na ser lai i
23 puan biakinn hnulei kil pahnih caah khan tlap hnih na ser hna lai.
24 Hi inn kil vampang pahnih hna hi an taw in an lu tiang an i peh lai, a kual pakhatnak tiang kha an i peh lai. Inn kil pahnih vampang kha hi bantukin ser an si lai.
25 Cuticun vampang cu pariat an si lai i an kedanh cu hleiruk an si lai, ngun in sermi an si lai, pakhat caah pahnih lengmang an si lai.
26 “Cun anri thing in vampang tlang na ser hna lai, puan biakinn khattelei hrap caah thluan nga,
27 khattelei hrap caah thluan nga, a hnulei nitlaklei kap caah thluan nga an si lai.
28 A lai thluan, vampang an laifang i a kalmi cu khattelei dongh in khattelei dongh tiang a thluan ningin a si lai.
29 Vampang cu sui in na hut hna lai i a tlang hrolhnak ding caah khan sui kual na thlaih hna lai; vampang tlang zong cu sui hutmi an si lai.
30 Cuticun tlang cungah na hmuhmi pungsan ning khan puan biakinn cu na sak lai.
31 “Tuuhmul a dum, a sen, senduk le khumlahrual hmang òhia in puanzar na tah hna lai. Òha tein na òamh hna lai i vancungmi mui na cuanter hna lai.
32 Ngun in sermi kedanh pali chungah bunhmi tung pali, bahnak a ngeimi hna cungah khan na zar hna lai.
33 Thlam inncung thil bahnak tangah khan puanzar cu na chiah lai i biakamnak hngalhter òhantu lungtlap chiahnak kuang kha puanzar hnulei ah cun na chiah lai. Puanzar nih khan hmunthiang le hmunthiang bik kha a dan hna lai. Ref 26.33: Heb 6.19, 9.3-5
34 Hmunthiang bik chung i a ummi biakamnak kuang kha a chin na chinh lai.
35 Cabuai kha puanzar lengah na chiah lai; mei vannak tung kha puan biakinn thlanglei kamah na chiah lai i chaklei kam i na chiahmi cabuai he khan hmaitonh in an um lai.
36 Thlam luhnak innka ca zongah tuuhmul a sen, a dum, senduk le khumlahrual hmangòhia in innkazar na ser hna lai i òha tein na òamh hna lai.
37 Hi puanzar caah hin anri thing in tung panga na ser hna lai; sui in na hut hna lai i thil bahnak sui in sermi an ngei cio lai; cun hi tung panga caah hin dar in kedanh panga na ser hna lai.