24
Biakamnak Fehter A Si
1 Bawipa nih khan Moses cu a rak thawh i, “Tlang cungah khan Aaron le Nadab le Abihu le Israel mi hruaitu hna 70 he khan nan ra lai i hla nawn in keimah biak ah nan kun lai.
2 Moses lawnglawng ka pawngah cun na ra lai; a dang kha cu lamnai ah an ra lai lo i mi zapi kha na sinah cun an ra lai lo,” tiah a ti.
3 Moses kha a va kal i mi zapi cu Bawipa nawlbia le phunglam vialte kha a va chimh hna. Mi zapi nih khan, “ Bawipa nih a chimmi vialte cu kan tuah dih lai,” an ti.
4 Moses nih Bawipa nawlbia vialte cu a òial hna. A thaizing zingkate ah tlanghram ah cun biakòheng pakhat a ser i lungphun hleihnih, Israel miphun hleihnih caah khan a phun.
5 Cun Israel mi tlangval kha a thlah hna i khangh thawinak kha an tuah i hawikomhnak thawinak caah Bawipa kha cawtum an thahpiak.
6 Cawtum thi a hnarcheu kha Moses nih kheng chungah a chiah i a hnarcheu bak kha biakòheng cungah a theh.
7 Cun biakamnak cauk kha aa lak i mi zapi cu aw thangpi in a relpiak hna i annih nih, “ Bawipa nih nawl a kan pekmi vialte cu kan tuah dih lai; amah nawl cu kan zulh lai,” an ti.
8 Cun Moses nih kheng chung thi kha aa lak i mi zapi cu a theh hna. Aa thawh i, “ Bawipa nih hi nawlbia vialte hi an pek hna tikah nanmah he a sermi biakamnak a fehtertu cu hi thisen hi a si,” a ti. Ref 24.8: Mat 26.28; Mar 14.24; Luk 22.20; 1Kor 11.25; Heb 9.19-20; 10.29
9 Moses, Aaron, Nadab, Abihu le Israel mi hruaitu 70 kha tlang cungah cun an kai i
10 Israel mi Pathian kha an hmuh. A ke toiah khin safaiar lungvar dum an phahmi òuang bantuk a um i cu òuang cu van bantuk khin a ceu.
11 Israel mi hruaitu pawl kha harnak zeihmanh a pe hna lo; Pathian kha an hmuh i an ei i an ding.
Moses Sinai Tlang Cungah
12 Bawipa nih Moses cu a thawh i, “Ka sinah tlang cungah hung kai law hung um. Ka mi hna cawnpiaknak caah ka timi ka nawlbia le ka phunglam ka òialnak lungtlap hna kha kan pek lai,” a ti.
13 Moses cu a sal Joshua he khan an i tim i Pathian tlang ah cun an hung kai.
14 Moses nih hruaitu pawl kha a thawh hna i, “Kan ra kir hlantiang hika ah hin rak kan hngak u. Aaron le Hur nih an in umpi ko hna i bia a ngeimi paoh cu anmah nih khan rak in ceihpiak hna seh,” a ti hna.
15 Moses cu tlang cungah cun a hung kal i minmei nih khan tlang cu a rak zelh.
16 Sinai Tlang cungah khan Bawipa sunparnak cu a rung òum i minmei nih khan ni ruk chung a khuh. Ni sarihnak ni ah minmei chung cun Bawipa nih Moses kha a auh.
17 (Israel mi nih cun Bawipa sunparnak cu tlang cung i a kangmi mei in an hmuh.)
18 Moses cu minmei chungah khan a lut i tlang cungah cun a kai. Cuka ah cun ni 40 le zan 40 a um. Ref 24.18: Deu 9.9