13
Pathian Sin Fater Pekchanhnak
1 Bawipa nih Moses cu a thawh i,
2 “Fater, pa vialte cu keimah sinah nan ka pekchanh hna lai. Israel mi fater paohpaoh cu, minung an si ah, saram an si ah, keimah ta an si,” a ti. Ref 13.2: Nam 3.13; Luk 2.23
Thilnu Phulh Lo Changreu Puai
3 Mi zapi kha Moses nih cun a thawh hna i, “Sal ah nan cannak inn, Izipt ram in nan chuah ni hi philh hrimhrim hlah u, zeicahtiah hi ni ah hin Bawipa nih òhawnnak a liannganmi he an chuahpi hna. Thilnu phulhmi changreu nan ei hrimhrim lai lo.
4 Abibd Abib thla cu March thla canceo in April thla canceo tiang hrawng hi a si. thla chung nihin ni ah hin Izipt ram in nan chuak lai.
5 Kanaan mi le Hit mi le Amor mi le Hiv mi le Jabus mi an umnak ram kha nanmah pek awkah Bawipa nih nan pupa cu fek tein bia a rak kamh hna. Cu ram cu ram rum le ram òha a si. Cu ram chung an phakpi hna tikah hi thla òhiamòhiam ah hin hi phunglam hi nan ulh lai.
6 Ni sarih chung thilnu phulh lo changreu nan ei lai i a ni sarihnak ni ah Bawipa caah puai nan tuah lai.
7 Thilnu telh lo changreu kha ni sarih chung nan ei lai; thilnu phulhmi changreu siseh, thilnu siseh, nan ram chungah nan umter hrimhrim lai lo.
8 Cu ni ah cun nan fapa kha nan thawh hna lai i, ‘Hi ti kan tuahmi vialte hi Izipt ram in kan rak chuah tikah khan Bawipa nih kan ca i a tuahmi philh lonak caah a si,’ tiah nan chimh hna lai.
9 Bawipa nih òhawnnak nganpi in Izipt ram in an chuahpi hna caah Bawipa phungbia cu nan chim zungzal awk a si lai, cu bantukin nan chim zungzal khawh nakhnga hi phunglam cu nan ban i nan i khihmi hmelchunhnak le nan cal i nan i òem chihmi ruah nolhtertu bantukin, thil an theih òhantertu hna a si lai.
10 Cucaah hi phung cu amahle a caan te ah khan kum khat ah voi khat lengmang nan tuah lai,” a ti hna.
Fater
11 “ Bawipa nih nan pupa hna le nanmah kha fek tein a rak in kamhmi hna ram ah khan an luhpi hna lai. Cu ram cu an pek hna tikah
12 kha nan hrin hmasa bik fapa paohpaoh kha nan pek lai; nan saòil nih a hrin hmasa bik fa a pa paohpaoh cu Bawipa ta an si. Ref 13.12: Exo 34.19-20; Luk 2.23
13 Asinain lafa hmasa bik cu tuufa in nan tlanh hna lai. Tlanh nan duh lo ahcun a hngawng nan khiah hna lai. Cun nan fater pa paohpaoh cu nan tlanh hna lai.
14-15 Hmailei ah nan fale nih, ‘Hihi a sullam zeidah a si?’ tiah an in hal hna ahcun, ‘Sal i kan cannak inn, Izipt ram chung i fater vialte kha, minung he saram he, Bawipa nih a rak thah dih hna. Cu ruangah cun fater paohpaoh Bawipa sinah raithawinak i kan pekchanh hna hi a si i kan fater hna kan tlanh hna hi a si,’ tiah nan leh hna lai.
16 Bawipa nih Izipt ram in òhawnnak lianngan in a kan chuahpi caah hi phunglam cu nan caah, nan ban i nan i khihmi hmelchunhnak le nan cal i nan i òem chihmi hmelchunhnak bantukin, thil an hngalhter òhantu hna a si lai,” a ti.
Minmei Tom le Mei Tom
17 An tuk awk a herhmi ral kha an hmuh hna tikah an lung i let in maw Izipt ram ah khan kir òhan hna lai, ti kha Pathian nih a phan caah, Faro nih Israel mi cu a kalter hna tikah khan, rili kam zulh in Filistia ram ah a hung kalmi lam kha a tawi bik a si ko nain, cu lam cu Pathian nih cun a zulhter hna lo.
18 Phihlik khengtlang vel in a velter deuh hna i thetse ram in Rili Sen lei tu ah khan a kalpi hna. Israel mi cu ral hriamnam tling tein an ngei.
19 Josef nih Israel mi cu fek tein bia a kamter hna bantuk khan, Moses nih Josef ruh cu aa kalpi. Josef nih khan zeitindah a rak ti tiah, “Pathian nih an bawmh hrimhrim hna lai; cu tikah ka ruh cu hika hmun hin nan sinah nan i kalpi lai,” a rak ti. Ref 13.19: Gen 50.25; Jos 24.32
20 Sukkoth khua cun an i thawh i thetse ram a ramri i a ummi Etham khua ah khan an riak.
21 Chun ah Bawipa cu an hmaiah minmei tom in annih kha lam hmuhsak awkah a kal i zan ah an hmaiah mei tom in annih kha ceunak pek awkah a kal, cucaah cun zan zongah chun zongah an kal kho.
22 Minmei tom cu Israel mi hna hmaiah khan chun ah a um zungzal i mei tom cu zan ah a um zungzal ve.