3
Biaknak An Tuah Òhan
1 Thla sarihnak thla a hung chuak i Israel mi hna cu an khua ah an um tikah, mi cu Jerusalem ah mi pakhat bantukin an i pum.
2 Khi tikah Jozadak fapa Jeshua cu a tlangbawi hawi hna he, cun Shealtiel fapa Zerubbabel cu a phun hawi hna he, an tho i, Pathian mi Moses cauk chungah aa òial bangin, a cung i khangh thawinak pekchanh awkah Israel Pathian i a biakòheng cu an ser. Ref 3.2: Exo 27.1
3 Cun an pawngkam ram mi hna ruangah cun an cungah òihnak a um caah, annih nih biakòheng cu a hmun ah khan an chiah i a cungah cun Bawipa sinah khangh thawinak zinglei he zanlei he an pekchanh. Ref 3.3: Nam 28.1-8
4 Aa òial bangin deu puai cu an tuah i, a ni cio nih a herhning in a phunglam bantuk khan nifate khangh thawinak cu, cu zat in pekchanh awk a si lai tining khan an pekchanh, Ref 3.4: Nam 29.12-38
5 cun cu hnuah cun pekchanh camcinmi khangh thawinak, thla thar i pekchanhnak le Bawipa ca i caan ngei in tuahmi puai hna i pekchanhnak le mah lungtho tein Bawipa sinah pekchanhmi thil hna kha an pekchanh hna. Ref 3.5: Nam 28.11§29.39
6 Thla sarihnak thla, a ni khat ni thawk in Bawipa sin i khangh thawinak pekchanh cu hram an thawk. Sihmanhsehlaw Bawipa biakinn hram cu an bunh rih lo.
7 Cucaah lung lei zungthiam hna le lehtama hna kha phaisa an pek hna i, Persia siangpahrang Sairas nih a onh hna ningin, sidar thing kha Lebanon tlang in rili ah, Joppa khua ah, ratpi awkah, Sidon mi le Tair mi hna cu rawl le din awk le chiti kha an pek hna.
Biakinn Hramlung An Bunh
8 Jerusalem Pathian inn ah a ummi ah an rat a kum hnihnak, a thla hnihnak thla ah, Shealtiel fapa Zerubbabel le Jozadak fapa Jeshua nih an unau tlangbawi hna le Levi mi hna, sal taannak chungin Jerusalem ah a ra cangmi vialte hna he khan, hramthawknak an tuah. Levi mi cu, kum kul ri in a cunglei kha Bawipa inn rianòuannak i zohkhenhtu ah an thiah hna.
9 Cun Levi mi Jeshua le a fapa hna le a rualchan hna, Hodiviah phun Kadmiel le a fapa hna i Pathian inn remh òhannak rian cu Levi mi Henadad fapa hna le an rualchan hna nih an bawmh hna.
10 Cun inn satu hna nih Bawipa biaknak inn hram kha an bunh tikah, Israel siangpahrang David lam hmuhsaknak ningin, Bawipa cu thangòhat awkah, tlangbawi hna kha an thilthuam in an i fam i muko he an hung chuak, cun Levi mi hna, Asaf fapa hna kha an sumsel he an hung chuak; Ref 3.10: 1Cha 25.1
11 cun annih nih Bawipa cu an thangòhat i an lawmh i,
“ Bawipa sin i lunglawmhnak
chim hi a òha;
Zeitintiah a fekmi a dawtnak cu
Israel leiah zungzal in a hmun,”
tiin an i sak tonh. Bawipa inn hram cu bunh a si caah mi vialte nih Bawipa cu an thangòhat tikah fak piin an au. Ref 3.11: 1Cha 16.34; 2Cha 5.13; 7.3; Slm 100.5; 106.1; 107.1; 118.1; 136.1; Jer 33.11
12 Sihmanhsehlaw tlangbawi tampi hna le Levi mi tampi hna le pale innchungkhar lu a si ciomi tampi hna, tar pawl hmasa inn a rak hmutu hna kha cu, inn hram bunh an hmuh tikah khan, mi tampi cu lunglawm in fak piin an au nain, annih cu fak piin an òap i,
13 cucaah lunglawmhnak au thawng le mi an òahnak thawng cu mi nih an thleidang kho lo; zeicahtiah mi cu fak piin an au i an au thawng cu lamhlat piin aa thei.