48
Ram Phawtnak
1 Israel phun min cu hihi an si: Chaklei kam bik ah, Hethlon lei kalnak, Lebo-hamath le Hazar-enan lei; Hamath lei i va kal ahcun a chaklei kamah khan Damaskas a um, cuka ah cun nichuahlei in nitlaklei ah i kham in Dan covo cu a um lai.
2 Dan a hun changtu ah nichuahlei in
nitlaklei ah i kham in
Asher covo a si lai.
3 Asher a hun changtu ah nichuahlei in
nitlaklei ah i kham in
Naftali covo a si lai.
4 Naftali a hun changtu ah
nichuahlei in nitlaklei ah
i kham in Manasseh covo a si lai.
5 Manasseh a hun changtu ah
nichuahlei in
nitlaklei ah i kham in
Efraim covo a si lai.
6 Efraim a hun changtu ah
nichuahlei in
nitlaklei ah i kham in
Reuben covo a si lai.
7 Reuben a hun changtu ah
nichuahlei in nitlaklei ah
i kham in Judah covo a si lai.
8 Judah a hun changtu ah nichuahlei in nitlaklei ah i kham in a ummi cu a dang tein na chiah dingmi nan zuahmi hmun kha a si lai. A kauhlei cu dong 25-000 a si lai i a saulei cu nichuahlei in nitlaklei ah aa khammi covo hna tluk kha a si lai i cu a laifang ah cun hmunthiang kha a um lai.
9 Bawipa caah a dang tein nan zuah lai dingmi hmun cu a tung dong 25-000 a si lai i a vang cu dong 70-000 a si lai.
10 Cu hmun cu hi bantukin òhen a si lai: tlangbawi hna caah khan chaklei kamah dong 25-000, nitlaklei kamah dong 10-000, nichuahlei kamah dong 10-000 le thlanglei kamah dong 25-000 chiahpiak an si lai i Bawipa hmun thiang cu cu a laifang ah cun a um lai.
11 Cu hmun cu Israel mi hna lam an rak tlau i Levi mi hna nih an rak zulh hna bangin a zul lomi Zadok fapa hna, ka rian òha tein a òuanmi thiantermi tlangbawi hna caah khan a si lai.
12 Zuahmi ram chungin tlangbawi hna caah a dang tein chiahmi hmun cu hmun thiang bik a si lai i Levi mi hna ramri kha a phan lai.
13 Tlangbawi hna ramri thluahmah ah cun Levi mi covo kha a si lai. A saulei cu dong 25-000 a si lai i a kauhlei cu dong 10-000 a si lai; a dihlak ah a saulei cu dong 25-000 a si lai i a kauhlei cu dong 10-000 a si lai.
14 Cu ram cu a cheuchumte zong an zuar lai lo i an thleng fawn lai lo; hi hmun òha cu an hlawt awk a si lai lo, zeicahtiah Bawipa ca i a thiangmi hmun a si.
15 A tangmi hmun, a kauhlei dong 25-000, a saulei dong 25-000 a simi cu khuapi vawlei a si lai i umnak ca le zapi vawlei ah a si lai i khua cu cu a laifang ah cun a um lai.
16 A tungvang cu hihi an si lai: chaklei kamah dong 4-500, thlanglei kamah dong 4-500, nichuahlei ah dong 4-500, nitlaklei kamah dong 4-500 a si lai.
17 Cu khua chung ram zapi ta a simi cu chaklei ah dong 250, nichuahlei ah 255, nitlaklei ah 255 a si lai.
18 Zuahmi hmun kam zuahmah ah a ummi, nichuahlei ah dong 10-000, nitlaklei ah dong 10-000 a simi cu khuapi chung rianòuantu hna pawcawmnak caah a si lai.
19 Khuapi chung i rian a òuanmi nih cun an thlawh lai; Israel phun ahopaoh chung khan an si ko lai.
20 Zuahmi ram, dong 25-000, tungvangpalh a simi cu, a ningpi khan a dang tein hmunthiang ah, khuapi ta a simi tiang khan nan chiah lai.
21 Zuahmi hmun thiang sinah a kam kip i a hleimi le khuapi ca i zuahmi pinah a hleimi cu uktu bawi kha pek a si lai. Nichuahlei ah zuahmi hmun pinah a ummi dong 25-000, nichuahlei kam tiang, nitlaklei ah dong 25-000, Israel miphun hna nih an comi ram kap thluahmah i a ummi kha uktu bawi cu pek a si lai; zuahmi hmunthiang le hmunthiang kha a laifang ah an um lai.
22 Levi mi hna ta le khuapi ta cu uktu bawi pekmi a laifang ah khan an um lai; Judah ramri le Benjamin ramri karlak ah khan an um lai.
23 A tang rihmi Israel miphun hna kongah cun: nichuahlei in nitlaklei ah i kham in Benjamin covo kha pakhat a si lai.
24 Benjamin chang ah nichuahlei in
nitlaklei ah i kham in
Simeon covo a si lai.
25 Simeon chang ah nichuahlei in
nitlaklei ah i kham in
Issakhar covo a si lai.
26 Issakhar chang ah nichuahlei in
nitlaklei ah i kham in
27 Zebulun chang ah nichuahlei in
nitlaklei ah i kham in
Gad covo a si lai.
28 Gad thlanglei ramri cu thlanglei ramri, Tamar in a lan i Kadesh pawng Meribah ti tiang a phan i Tiva in Rili Ngan tiang a phanmi kha a si lai.
29 Hi ram hi Israel miphun hna sinah ro caah nan phawt hna awk hnga cu a si lai i hihi an covo cu an si lai, tiah Bawipa Pathian hrimhrim nih a ti.
30-31 Khuapi chungin chuahnak lam hna cu hihi an si lai i Israel miphun hna min kha bunh an si lai. Chaklei kam cu dong 4-500 a sau lai i kutka pathum a ngei lai, Reuben kutka, Judah kutka le Levi kutka an si lai; Ref 48.30-34: Biat 21.12-13
32 nichuahlei kam cu dong 4-500 a sau lai i kutka pathum a ngei ve lai, Josef kutka, Benjamin kutka le Dan kutka an si lai.
33 Thlanglei kam cu dong 45-00 a sau lai i kutka pathum òhiamòhiam a ngei ve lai. Simeon kutka, Issakhar kutka le Zebulun kutka an si lai.
34 Nitlaklei kam zong cu dong 4-500 a sau ve lai i kutka kha pathum a ngei ve lai, Gad kutka, Asher kutka le Naftali kutka an si lai.
35 Khuapi velchum cu dong 18-000 a si lai i cu caan thawk in khuapi cu a min ah Bawipa Umnak Hmun ti a si lai.