35
Edom Dantatnak
1 Mah hihi Bawipa Pathian nih ka sinah a chimmi bia an si:Ref 35.1-15: Isa 34.5-17, 63.1-6; Jer 49.7-22; Eze 25.12-14; Amo 1.11-12; Oba 1-14; Mal 1.2-5
2 A ka thawh i, “Mipa, Seir ram lei khi zoh law hi bia hi chimhnawh tuah.
3 I thawh law, hihi Bawipa Pathian bia an si, tiah chim:
Maw Seir tlangram,
nangmah cu kan doh:
Na cungah ka kut ka samh lai i
pakpalawng ram ah
kan ser lai.
4 Na khua cu ka hrawh dih hna lai i
nangmah cu òiaotakmi na si lai;
Cuticun Bawipa ka si kha
na hngalh lai.
5 Israel mi cu na lungchung tein
na huat zungzal hna caah,
Rawhralnak an ton ni ah le
a hmanung bik dantatnak
an hmuh ni ah
Annih cu vainam sinah na pek hna.
6 Cucaah ka nun bangin ka chim,
thisen chuahnak cu
na donghnak ah ka ser lai i
thisen chuahnak in na sual caah
thisen chuahnak nih cun
an dawi lai.
7 Seir tlangram cu òiaotakmi ram,
ramchiahru ah ka ser lai i
A chung i a ummi vialte, aa chawk
aa let lengmangmi hna kha
an donghnak ka phakter hna lai;
8 Na tlang hna le na nelrawn hna cu
miruak in ka khahter hna lai i
Vainam nih a thahmi hna kha
na tiva chungah an tla lai.
9 Nangmah cu òiaotakmi ram ah
a zungzal in kan ser lai i
Na khua chungah mi an um lai lo;
Cuticun Bawipa ka si kha
10 Na thawh i, “Miphun pahnih hna, Judah le Israel cu an ram pahnih hna he, khika ah Bawipa ka um ko nain, keimah ta an si lai i ka co hna lai,” na ti.
11 Cucaah ka nun bangin ka chim, na thinhunnak le na nahchuahnak cu lehrulh na si lai i na huat hna ruangah an cungah na tuahmi kha na cungah ka tuah ve lai, tiah Bawipa nih a ti. Nannih cu bia kan ceih tik hna ah nannih nih nan ka hngalh lai;
12 Bawipa ka si kha nan hngalh lai. Israel ram tlang nan thangchiat hnanak vialte i nan i thawh i, ‘Israel ram tlang hna cu òiaotakmi an si cang i kanmah ei awkah pek an si cang,’ nan timi kha ka theih dih ko.
13 Cun keimah kong zongah khan zeirello ngaiin bia nan chim i nannih nih atu le atu nan ka thangchiat, hihi ka theih dih ko.
14 Cucaah hihi Bawipa Pathian bia an si: Nangmah cu kan òhumh lai i vawlei cung cu a dihlak in an di a riamh tiang thetse ram ah kan ser lai.
15 Ka rothil a simi Israel cungah na diriam tein na tuah bantuk khan na cungah ka tuah ve lai. Maw Seir tlangram, na òiao dih lai, cucu Edom vialte donghnak a si lai. Cuticun mi nih Bawipa ka si kha an hngalh lai.