29
Izipt Kong Chimchungnak
1 Sal kan tan kum hra kum, thla hra thla, ni hleihnih ni ah, Bawipa nih ka sinah a chimmi bia cu hihi an si: Ref 29.1§32.32: Isa 19.1-25; Jer 46.2-26
2 A ka thawh i, “Mipa, Izipt siangpahrang Faro lei khi zoh law amah cung le a ram dihlak cungah a tlung ding hi chim tuah.
3 Hihi Bawipa Pathian bia an si tiah chim:
Izipt siangpahrang Faro, Nail tiva
chung i aa bualmi tisartlam,
Nangmah cu kan doh.
Naa thawh i, ‘Ka Nail tiva cu
keimah ta a si,
a sertu kha keimah ka si,’ na ti.
4 Na kha le na kha karah sio
ka chiah lai i
Na phokphawher ah an i benh lai.
Tiva chung khan kan sio vurmar lai i
Na phokphawher ah nga i benh
lulhmalh in kan hnuh lai.
5 Na tiva hna chung nga hna he cun
thetse ram ah khan
kan thlak hna lai;
Ahohmanh chartu um lo le
vuitu um loin vawlei ro ah khan
na tla lai.
Nangmah cu saram rawl le
va rawl caah kan ser lai.
6 Cucaah Izipt ram i a ummi vialte nih
Bawipa ka si kha an hngalh lai,
Zeicahtiah Israel mi na bawmh
hnanak cu
phaikung nakin a òha hlei lo i Ref 29.6: Isa 36.6
7 An in tlaih tikah an kut chungah
na pertak hna i an zaktang ah khan
na chunh hna;
An in hngauh tikah na kiahtak hna i
an kutke kha an ther dih.
8 Cucaah hihi Bawipa Pathian bia cu an si: Na cungah mi he saram he thah awkah vainam ka tlunter lai.
9 Nangmah nih naa thawh i, ‘Nail tiva cu keimah ta a si, a sertu cu keimah ka si,’ na ti caah, Izipt ram cu ram pakpalawng ah a cang lai i annih nih Bawipa ka si kha an hngalh lai.
10 Cucaah nangmah le na Nail tiva cu kan ralchanh hna i Izipt cu chuahtakmi ram, khuakheng nih a hrawhmi ram ah, Migdol in Saien tiang, cun Kush ramri tiang hrimhrim in ka ser lai.
11 Mi ke zeihmanh nih a pal lai lo i saram zeihmanh nih an pal fawn lai lo; a chungah mi um loin kum 40 chung a um lai.
12 Izipt ram cu chuahtakmi ramlak i ramking bik ah ka ser lai; a khua hna cu a rawkmi khua hna lakah kum 40 chung an òiaotakmi khua an si lai. Cun Izipt mi cu miphun hna lakah ka òhek hna lai i ram kip ah ka òhio hna lai,” a ka ti.
13 Mah hihi Bawipa Pathian bia cu an si: Kum 40 a donghnak ah Izipt mi hna cu an i òheknak miphun hna sin khan ka pumh hna lai.
14 Izipt cu a vanòhatnak kha ka pek òhan lai i an chuahkehnak ram Pathros ah khan ka kirpi òhan lai, cuka ah cun pennak hmete an si lai.
15 Pennak lakah pennak santlailo bik ah a cang lai i miphun dang hna cungah khan aa hlorh bal ti lai lo, zeicahtiah annih cu tlawm tuk ah ka ser hna lai caah miphun dang kha an uk kho ti hna lai lo.
16 Israel mi hna caah i bochan awktlak an si ti lai lo; sihmanhsehlaw i bochan awkah an rak merhnawh hna ruang i an sualnak a langhtertu a si lai. Cun Bawipa Pathian ka si kha an hngalh lai, a ti.
17 Kum 27 kum, thla khatnak thla ni khat ni i Bawipa nih ka sinah a chimmi bia cu hihi an si:
18 A ka thawh i, “Mipa, Babilon siangpahrang Nebukhadnezzar nih Tair dohnak ah a ralkap hna cu raltuknak hmun ah saupi a chiah hna i cucaah an lu zong a kolh dih i an liang zong a kok dih. Sihmanhsehlaw amah nih siseh, a ralkap hna nih si hna seh, cu ti i Tair saupi an dohnak thawng in zeihmanh a miak an hmuhmi a um lo.
19 Cucaah hihi Bawipa Pathian bia cu a si: Izipt ram cu Babilon siangpahrang Nebukhadnezzar ka pek lai. A chaw vialte kha a kalpi dih lai i a hrawh lai i a ramh lai i cu cun a ralkap cu lahkhah a pek hna lai.
20 Tair a doh man ah khan Izipt ram cu ka pek lai, zeicahtiah amah nih ka rian kha a òuan. Mah hihi Bawipa Pathian bia hrimhrim a si.
21 “Khi tikah Israel nih nge no a corh òhan lai i annih lak i biachim khawhnak kha ka pek òhan lai i cun annih nih Bawipa ka si kha an hngalh lai,” a ti.