17
Mupi Pahnih le Mitsur Ruang
1 Mah hihi Bawipa nih ka sinah a chimmi bia cu an si; a ka thawh i,
2 “Mipa, Israel mi cu tahchunhnak bia le tuanbia in chim hna,” a ka ti.
3 Hihi Bawipa Pathian bia cu a si: “Mupi nganpi, pakhat a hmul aa dawh ngaingai i, thla ngan pipi a ngei i a thla kaupi in a samhmi a rak um. Lebanon tlang ah khan a va zuang i Sidar kung a hluai kha a khiah i
4 Chawleh chawhrawlnak ram ah
a zuanpi i chawdawrmi hna
khua ah khan a chiah
5 Cun Israel ram khan mitsur ruang
note pakhat kha a lak i
a òhantertu dingah ti a um
zungzalnak vawlei òhatnak
hmun ah khan a phun.
6 Mitsur ruang note cu a hnah
a hun corh i niam tein hmun
kaupi ah a zam i mitsur ruang ah
a hung cang.
A nge hna cu mupi leiah khan
an òhang i a hram hna cu thuk
piin vawlei ah khan an lut.
Mitsur ruang cu a hnah kha
an hung tam i a ruang kha
an khuh dih.
7 Mupi dang pakhat a um ve i thla ngan pipi a ngei i a hmul zong a chah ngai. Cun mitsur ruang nih khan a um lionak dum nakkhan ti tam deuh a ka pek khawh lai tiah a ruah caah mupi leiah cun a hram le a òe cu a mer hna.
8 A ngaingai ti ahcun, mitsur ruang kha vawlei a òhatnak ti a tamnak hmun, a hnah tampi a ngeih khawh i thei tampi a tlai khawh i mitsur ruang òha a si khawh nakding hmun ah khan cin a si ko cang.
9 Cucaah Bawipa Pathian bia cu hihi a si, tiah chim hna: hi mitsur ruang hi a nung kho in a òhang kho ngai lai maw? Mupi pakhatnak nih khan a hram in a bongh i a thei kha a zun dih hna lai lo maw? A nge kha a khiak hna in an car dih lai lo maw? Cuti i phawinak dingah cun thazang òhawng tuk zong a herh lai lo i miphun òhawngpi zong a herh lem lai lo.
10 Phun cu phun a si ko cang, asinain a nung in a òhang lai maw? Nichuahlei thli nih hranh in a car ko hnga lo maw? A umnak hmun ah cun a car hnga lo maw?” a ti.
11 Bawipa nih cun a ka thawh i,
12 “Ralthawh hmangmi hna kha, hi bianabia sullam hi nan hngal maw?” tiah hal tuah hna. Babilon siangpahrang kha Jerusalem ah a ra i an siangpahrang le a bawi pawl kha Babilon ah a kalpi hna, tiah chim hna. Ref 17.12-15: 2Sia 24.15-20; 2Cha 36.10-13
13 Siangpahrang tefa hna chungin mi pakhat kha a lak i amah he cun biakamnak a tuah i zumhtlak in ka um lai tiah bia a kamter.
14 Ram cu a òhawn òhan khawh nakhnga lo le, biakamnak kha a zulh taktak nakhnga ramchung upa kha sal ah a hruai hna.
15 Asinain Judah siangpahrang kha ral a tho i rang le ralkap tampi hal awkah Izipt ram ah khan lamkal a thlah hna. Cu bantuk mi cu a hlawh a tling kho hnga maw? Hi bantukin a tuah caah rawhnak cun a luat kho lai maw? Biakamnak kha hrawk in a luat kho hnga maw?
16 “Ka nun bangin ka chim,” tiah Bawipa nih a ti: Cu siangpahrang cu siangpahrang òhutdan cungah a òhuttertupa ram chungah khan a thi lai; bia aa kammi kha zei ah a rel lo i chiat aa serhmi a leet òhanmi cu Babilon ah khan an thi lai.
17 Mi tampi thihnak ding caah raltuknak chuntlung le kahcham tampi a sermi Babilon mi hna kut chung khan Izipt siangpahrang ralkapbu òhawng hmanh nih an chanh kho lai lo.
18 A chiatsermi le a biakammi kha a let òhan hna. Hi thil vialte cu a tuah hna, atu cu an luat ti lai lo.
19 Cucaah hihi Bawipa Pathian bia cu a si. A thawh i, “Ka nun bangin ka chim, keimah min chalh in chiat a sermi kha zei ah a rel lo i aa let caah dan ka tat lai.
20 Sur rap ka chiah lai i aa foih lai. Ka cungah zumh awktlak in a um lo caah Babilon ah ka kalpi lai i khika ah dan ka tat lai.
21 A ralkap òhawng bikbik hna cu raltuknak hmun ah an thi lai i a nung in a taangmi hna cu a kenkip ah an i òhek dih lai. Cun khi tikah keimah Bawipa nih hi bia cu ka chimh ti kha nan hngalh lai, tiah a ti.
Pathian Nih Ruahchannak A Kamh Hna
22 Mah hihi Bawipa Pathian bia a si:
Keimah zong nih sidar thingkung
a hluai pakhat kha ka lak ve lai i
tlang sang pakhat cungah
ka phun lai.
23 Israel tlang sang bik ah ka phun lai.
Nge tampi a hun ngei hna lai i
thei an tlai hna lai i
sidar thing dawh ngaingai ah
a cang lai.
Cuka ah cun va a phunphun kha
an um lai i a thladem ah khan
khua an sa lai.
24 Ram chung thing vialte nih khan,
Keimah cu Bawipa ka si kha
an hngalh lai.
Keimah nih thingkung a
sangmi kha ka hau hna i
thingkung a niammi kha
ka santer hna i
a romi kha ka hrinter hna.
Hihi Bawipa nih ka chim i ka tuah lai, tiah a ti.