15
Mitsur Ruang Tahchunhnak
1 Mah hihi Bawipa bia ka sinah
a phanmi a si:
2 Mipa zeitindah mitsur ruang hi
thingkung dang nakin
a òhat deuh hlei?
Zeitindah tupi chung i thingkung
nge hna nakkhin a òhat hlei?
3 Thil santlaimi pakhat tal ser
khawhnak ding thing a si maw?
Mi nih tung pakhatkhat ah an ser kho
in a cungah thil an bat kho maw?
4 Mei chungah tih a si i a dong
pahnih hna cu mei nih
a kangh hna i a laifang cu
meihol bantukin a um ahcun
zeital ah a òhahnem hnga maw?
5 Tlamtling tein a um lio hmanh ah
zeihmanh òhathnemnak a ngei lo.
Mei nih a kangh i a nah dih hnu
chinchin ahcun zeitluk in dah
a òhathnemnak cu
a tlawm chinchin lai!
6 Cucaah hihi Bawipa Pathian bia a si:
Tupi chung mitsur ruang cu mei i tih awk thing ca lawngah a òhathnem bantukin Jerusalem khuami hna cu mei ca lawnglawng ah an òhahnem ve.
7-8 Annih cu ka hmai ka chiathnawh
hna lai,
Mei chungin luat hna hmanh seh law
mei òhiamòhiam nih
a kangh hna lai.
Annih cu zumhawktlak loin
an um caah ka hmai
ka chiathnawh hna lai i
Ram cu ka hrawh dih tikah Bawipa
ka si cu nan hngalh lai.
Mah hihi Bawipa Pathian bia
hrimhrim a si, tiah a ti.