1 Kaa nuam tuah lai, lunglawmh timi hi a sullam zeidah a si ka kawl tuah lai, ka ti. Sihmanhsehlaw hi zong hi pakpalawng men a si ko. 2 Nih hi hruh a si, i nuamhnak nih hin zeihmanh òhatnak a kan pe kho lo ti kha ka hngalh. 3 Ka pum cu zu in ka lawmhter lai i ka lungthin in fimnak cu ka kawl lai ka ti. Cucu minung nih vawlei cung i caan tawite a nun chungah hin a tuah khawhmi thil òha bik a si rua lai, tiah ka ruah. 4 Rian ngan pipi cu ka lim hna, inn ka sak hna i mitsur dum kaa ser hna; Ref 2.4-8: 1Sia 10.23-27; 2Cha 9.22-27 5 dum le tlonlennak hmun kha kaa ser hna i an chungah thingthei kung a phunphun ka cin hna. 6 Ti toihnak ding caah tili ka ser hna. 7 Salnu hna he salpa hna he kaa cawk hna i ka inn chung i a chuakmi sal zong ka ngei hna; keimah hlanah Jerusalem i a rak ummi nih a ngeihmi nak tam deuh in cawrun hna le tuurun hna kha tampi ka ngeih hna. Ref 2.7: 1Sia 4.23 8 Cun ka ukmi hna ram siangpahrang hna rothil chung khan sui le ngun kaa pumh hna; hlasatu nu he pa he kaa chiah hna i ka duh zat in nu kha kaa ngeih hna. Ref 2.8: 1Sia 10.10, 14-22

9 Ka ngan taktak ko, Jerusalem khua i a rak ummi aho nak hmanh khan ka ngan deuh ko i ka fim ngaingai fawn. Ref 2.9: 1Cha 29.25 10 Ka duhmi paoh kha ka hmuh khawh, nuamhnak kha zeihmanh ka tlolhmi a um lo. Thil ka tuahmi paoh nih khan thangòhatnak an ka pek i cucu ka laksawng a si. 11 Khi tikah ka tuahmi vialte kha ka zoh hna i ka tuahnak hna ah khan zeitluk in dah ka re a theih ti kha ka ruah tikah, zeihmanh an rak si lo ti kha ka vun hngalh. Thlitu dawi bantuk ceo kha a rak si ko i zeihmanh òhathnemnak a um lo. 12 A ngaingai ti ahcun, siangpahrang nih a tuah khawhmi hi amah hlan i a rak ummi siangpahrang hna nih an tuahmi kha an si ko ee. Cucaah fim ti le ralrin lo ti le hruh ti hna hi an sullam zeidah an si ti kha ka ruat òhan. 13 Fimnak cu hruhnak nakin a òha deuh ti cu ka hngalh, ceunak cu muihnak nakin a òhat deuh bantukin. 14 Mifim nih cun khuazei ah dah kan kal ti kha an hmuh khawh, mihrut nih cun an hmu kho lo. Sihmanhsehlaw kan donghnak cu aa khat òhiamòhiam ko lai ti kha ka hngalh òhan. 15 Mihrut cung i a tlungmi thil kha keimah cung zongah a tlung ve ko lai. Cucaah ka fim hi zei òhathnemnak a um hlah i? ka ti. Zeihmanh òhathnemnak a um lo, a um hrimhrim lo. 16 Ahohmanh nih mifim kha an hngal camcin hna lo, ahohmanh nih mihrut kha an hngal camcin ve hna lo. Hmailei ah cun kan dihlak in philh kan si ko lai. Kan dihlak in kan thi lai § a fim he a hrut he kan thi dih ko lai. 17 Cucaah nunnak hi ka caah sullam zeihmanh a ngei lo. Zeicahtiah harnak dah ti lo cu zeihmanh a ka pekmi a um lo. Pakpalawng men a rak si ko. Thlitu men ka rak dawi ko.

18 Ni toi i rethei ngaiin ka òuanmi ka rian vialte le ka hmuhmi thil vialte hi ka caah sullam zeihmanh an ngei lo; ka hnu i a rung um ding hna ca i ka chiahtak ding men an si kha ka hngalh; 19 cun mah pa cu mifim a si lai le mihrut a si lai kha aho nih dah a hngalh? A zei a si hmanh ah rethei ngaiin ka òuanmi le ni toiah ka fimnak ka hmanmi thil vialte cungah amah cu bawi a si ko lai. Mah zong hi pakpalawng a si ko. 20 Cucaah ka rak òuanmi rian vialte kha kaa ngaihchih hna. 21 Na fimnak vialte le na hngalhnak vialte le na thiamnak vialte kha hmang in thil pakhatkhat na tuah i cucu zeihmanh a tuah òung lo mipa caah khan na kaltak ko. Cucu pakpalawng a si i ahmaan zong ahmaan lo. 22 Rethei le zaangbang in ni toiah na òuanmi vialte chung hin zeidah na ngeih? 23 Na nun chung paohpaoh ah cun na tuahmi thil paoh nih hin lungfahnak le lung retheihnak dah ti lo cu zeihmanh an pekmi a um lai lo. Zan hmanh ah na ruahnak kha na dinhter kho lo. Mah zong hi pakpalawng a si ko. Ref 2.23: Job 5.7; 14.1

24 Minung nih hin a òha bik a tuah khawhmi cu zeidah a si ti ahcun, ei i din i a hmuhmi paoh kha i nuamhpi hi a si ko. Asinain mah zong hi Pathian kut in a rami a si kha ka hngalh; Ref 2.24: Phuc 3.13; 5.18; 9.7; Luk 12.19; 1Kor 15.32 25 zeicahtiah amah tel loin aho nih dah ei awk an hmuh khawh i aho nih dah nuamhnak an hmuh khawh? 26 Pathian nih a lung a tongtu hna kha cu, fimnak le hngalhnak le lawmhnak a pek hna; sihmanhsehlaw misual hna kha cu, rian a òuanter hna, an òuan man cu a hmuhter hna i a khonter hna, sihmanhsehlaw cucu a lung a tong deuhtu kha a pek hna. Mah zong hi pakpalawng le thlitu dawi men a si ko. Ref 2.26: Job 32.8; Phut 2.6