26
Theitlai Hmasa Bik Hna le Cheuhra Cheukhat Ca
1 “ Bawipa nan Pathian nih ro caah an pekmi hna ram chungah nan luh i nan co i a chungah nan um tikah,
2 Bawipa nan Pathian nih an pekmi hna nan ram chungin vawlei theitlai nan hmuh hmasa bikmi rawl chungin tlawmpal nan lak lai i, bawm ah nan rawn lai i, Bawipa nan Pathian nih a min umnak ah a thim laimi hmun ah cun nan kal lai. Ref 26.2: Exo 23.19
3 Cu caan lio i rian a òuantu tlangbawi sinah cun nan kal lai i amah sinah, ‘ Bawipa nih kan pupa hna sinah pek awkin chiat a sermi ram chungah kan lut cang, tiah Bawipa na Pathian sinah nihin ah nangmah cu kan thanh,’ tiah nan ti lai.
4 Cun tlangbawi nih cun bawm cu nan kut in a lak lai i Bawipa nan Pathian biakòheng hmaiah a hun lai.
5 “Cun Bawipa nan Pathian hmaiah hi bangin nan chim lai, ‘Kan pa cu a vakvaimi Aram mi a rak si. Izipt ah a vung kal i a vung pem, tlawmte lawng an si. Cun khika ah miphun pakhat, a ngan le a òhawng le a tammi ah a cang.
6 Izipt mi nih an kan hrem, an kan tuk i, rian hrang an kan chonh.
7 Khi tikah kannih nih Bawipa kan pupa hna i Pathian kha kan auh i Bawipa nih cun kan aw a theih i kan temhnak le kan rianhrang le an kan hremnak kha a hmuh.
8 Cun Bawipa nih a òhawngmi kut le samhmi ban in, òihnung pipi le hmelchunhnak le khuaruahharnak hna he Izipt ram chungin a kan chuahpi.
9 Cun hi hmun ah hin a kan luhpi i hi ram, cawhnuk le khuaihliti in a luangmi hi, a kan pek.
10 Cun zohhmanh, maw Bawipa, nangmah nih na kan pekmi vawlei theitlai hmasa bik cio kan rak put,’ tiin nan ti lai. Cun Bawipa nan Pathian hmaiah nan hun lai i Bawipa nan Pathian hmaiah nan kun lai i,
11 Bawipa nan Pathian nih nanmah le nan innchungkhar hna cungah a tluntermi òhatnak vialte caah, nanmah le Levi mi hna le nan lakah a ummi mipem hna cu nan i lawmh awk a si lai.
12 “Cun kum thumnak kum, cheuhra cheukhat pek kum a simi kum i nan hmuhmi thil vialte chungin cheuhra cheukhat nan pek dih i, Levi mi hna le mipem hna le pangeilo hna le nuhmei hna nih nan khua chungah an ei i an khim nakhnga, annih kha nan pek hna tikah, Ref 26.12: Deu 14.28-29
13 khi tikah Bawipa nan Pathian hmaiah hi bangin nan chim cio lai, ‘Nangmah nih nawl na ka pekmi na nawlbia vialte ningin, ka inn chungin a thiangmi rawl kha ka chuah cang, cuhleiah Levi mi hna le mipem le pangeilo le nuhmei hna kha ka pek cang hna; na nawlbia zeihmanh ka buar in ka philh hna lo;
14 mithi ka ngaih lioah cheuhra cheukhat kha zeihmanh ka ei lo i, ka thianlo lioah a zeihmanh kha ka òhial lo i, mithi sinah a zeihmanh kha ka pechan lo; Bawipa ka Pathian aw kha ka ngaih i nangmah nih nawl na ka pekmi vialte ningin ka tuah cang.
15 Na umnak hmun thiang vancung khin run zoh law, kan pupa hna sinah chiat na ser bangin, na mi Israel le na kan pekmi ram, cawhnuk le khuaihliti in a luangmi ram hi, thluachuahnak pe ko,’ tiin nan ti lai.
16 “Nihin ah hin Bawipa nan Pathian nih hi nawlbia hna le phunglam hna hi tuah awkah nawl an pek hna; cucaah nan lungthin vialte le nan ruahnak vialte in òha tein nan tuah hna lai.
17 Bawipa kongah nihin ah amah cu kan Pathian a si i, amah lam kha kan zulh i, a phungbia le a nawlbia le a phunglam hna kha kan ulh lai i, a aw kha kan ngaih lai, tiah nan ti cang.
18 Cun Bawipa nih nihin ah nannih kongah hi bangin a thanh cang: ‘Bia kan kam cang hna bantukin nannih cu keimah ca hrimhrim i miphun nan si, cun ka nawlbia vialte kha nan ulh awk a si, Ref 26.18: Exo 19.5; Deu 4.20, 7.6, 14.2; Tit 2.14; 1Pet 2.9
19 cun ka sermi miphun vialte hna cungah thangòhatnak le minthannak le upatnak ah kan chiah hna lai i, ka chim cang bangin nannih cu Bawipa nan Pathian caah a thiangmi miphun nan si lai,’ a ti,” tiah a ti.