17
1 “ Bawipa nan Pathian sinah cawtum siseh, tuu siseh dotla lo le tlin lonak zeihmanh a ngeimi paoh cu raithawinak ah nan hmang lai lo, zeitintiah mah cucu Bawipa nan Pathian caah fihnung a si.
2 “Nanmah lakah, Bawipa nih an pekmi hna nan khua hna chungah, a biakamnak buarnak in Bawipa mithmuh ah thil òhalo kha a tuah i
3 pathian dang kha a zulh hna i an rian a òuan i a biak hna i, ni siseh, thla siseh, van i a ummi arfi zeihmanh siseh kan thlauhmi hna kha a biak hna i Ref 17.3: Exo 22.20
4 an in chimh hna i nan theih ahcun, fel tein nan hlat lai; cu bantuk thil fihnung cu Israel mi lakah tuah a si taktak le a fian ahcun,
5 cu thil òhalo a tuahtu cu nu a si ah pa a si ah, nan hauka hna ah cun nan chuahpi hna lai i cu pa cu siseh, cu nu cu siseh, lung in thi lakin nan cheh hna lai.
6 Thih awk hnga a simi cu biahngaltu pahnih maw pathum hna chimnak in thah a si lai; biahngaltu pakhat chimnak in cun ahohmanh thah an si lai lo. Ref 17.6: Nam 35.30; Deu 19.15; Mat 18.16; 2Kor 13.1; 1Tim 5.19; Heb 10.28
7 Thah ding hnga cung i kut a thla hmasa biktu cu biahngaltu kha an si lai i, cu hnuah cun mi vialte kut kha an si lai. Cuticun nan lakin òhat lonak cu nan thianh lai. Ref 17.7: 1Kor 5.13
8 “Mi i thahnak kong bia siseh, thilri kong bia siseh, i vuak i dennak kong bia siseh, nan khua chungah nan ca i a har tukmi tazacuainak zeipaoh a chuah ahcun, nan tho lai i Bawipa nan Pathian nih a thim laimi hmun ah cun nan kal lai i,
9 Levi mi tlangbawi hna le cu caan i biaceihtu a simi sinah cun nan va kal lai i nan hal hna lai i biakhiahnak cu an in thanh hna lai.
10 Bawipa nih a thim laimi hmun in an in thanhmi hna ningin nannih nih nan tuah lai; cun an in fial hna ning tein ralring tein nan tuah lai;
11 cawnpiaknak an in pek hna ning le biakhiahnak an in thanhmi hna ning tein nan tuah lai; annih nih an in thanhmi hna biakhiahnak khan orhlei ah siseh, kehlei ah siseh nan pial lai lo.
12 Bawipa nan Pathian hmai i rianòuan awkah a dirmi tlangbawi siseh, biaceihtu siseh an bia ngaih loin hramhram in a tuahtu cu a thih awk a si lai; cuticun Israel chungin òhat lonak cu nan thianh lai.
13 Mi vialte nih an theih lai i an òih lai i hramhram in an tuah òhan ti lai lo.
Siangpahrang Ngeihnak Kong
14 “ Bawipa nan Pathian nih an pekmi hna ram kha nan phak i nan co i a chung i nan um i, ‘Kan pawngkam ah a ummi miphun vialte bantukin kan cungah siangpahrang kan chiah ve lai,’ nan ti tikah, Ref 17.14: 1Sam 8.5
15 Bawipa nan Pathian nih a thim laimi cu nan cung i siangpahrang si awkah cun nan chiah lai. Nanmah nan unau hna chungin siangpahrang ah cun pakhat nan i chia lai; nan unau a si lomi, ramdangmi cu nan cungah nan chia lai lo.
16 Amah belte amah caah rang kha a tamter chin hna lai lo, a rang tamter awkah mi kha Izipt ram ah a kirter fawn hna lai lo, zeicahtiah Bawipa nih nannih sinah, ‘Khi leiah nan kir hrimhrim ti lai lo,’ tiah a chim cang. Ref 17.16: 1Sia 10.28; 2Cha 1.16; 9.28
17 Cun amah caah nupi zong a tamter hna lai lo, a lung a pial sual hnga; ngun le sui zong amah caah a tamter chin luaimai hna lai lo. Ref 17.17: 1Sia 10.14-22, 27, 11.1-8; 2Cha 1.15, 9.27
18 “Cun a pennak siangpahrang òhutdan ah a òhut tikah, Levi mi tlangbawi hna nih an zohkhenhmi hi phungbia hi, cauk pakhat ah aa tlen lai,
19-20 hi phungbia chung bia vialte hna le hi nawlbia hna ulhnak le tuahnak hin Bawipa a Pathian òih cu a thiam nakhnga le, a unau hna cungah a lung aa hlorh i nawlbia in kehlei ah siseh, orhlei ah siseh, a pial nakhnga lo le, Israel chungah amah le a fale hna nih amah a ram chungah hin saupi an uk nakhnga, amah sinah a chiah lai i a nun chung vialte a rel lai.