1 “Nan lakah profet siseh, mang mantu siseh, an hung chuah i hmelchunhnak siseh, khuaruahharnak siseh, an in hmuhsak hna i, 2 an in chimhmi hna hmelchunhnak cu siseh khuaruahharnak cu siseh, a hung tlin i, nan hngalh lomi pathian hna cu, ‘Kannih nih hi pathian dang hi zul hna u sih law, bia hna u sih,’ tiah an chim ahcun, 3 cu profet cu siseh, mang mantu cu siseh ahohmanh an bia nan ngai hna lai lo; zeicahtiah Bawipa nan Pathian cu nan lungthin dihlak le nan ruahnak dihlak in nan daw maw ti hngalh awkah Bawipa nan Pathian nih hneksak an del hna a si. 4  Bawipa nan Pathian cu nan zulh lai i nan òih lai, a nawlbia kha nan zulh hna lai i a aw kha nan ngaih lai, amah kha nan biak lai i amah sinah khan nan i bek lai. 5 Sihmanhsehlaw cu profet cu siseh, mang mantu cu siseh thah an si lai, zeicahtiah Bawipa nan Pathian nih zulh awkah nawl an pekmi hna lam kha hlawt awkah, Izipt ram chungin an chuahtertu hna, hremnak inn chungin an tlantu hna Bawipa nan Pathian kha ralchanh awkah an cawnpiak hna. Cu bantuk òhat lonak cu nan lakin nan thianh awk a si.

6 “Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh, na pupa hna nih siseh nan hngalh lomi pathian hna, 7 nan velchum i a ummi, vawlei khattelei deng in khattelei deng tiang, nanmah naih i a ummi si hna seh, nanmah he lamhlat i a ummi si hna seh, cu miphun hna i an pathian hna cu § 8 amah cu na hnatlakpi awk a si lo i a bia zong na ngai fawn lai lo, cun na mit zongin na zaangfah lai lo, a zuah zong na zuah lai lo, a thuh zong na thup lai lo; 9 sihmanhsehlaw na thah lai, amah thahnak caah na kut cu a hmasa bik a si lai i cu hnuah cun mi vialte kut cu a si lai. 10 Amah nih nangmah cu, Izipt ram chungin, sal taannak inn chung cun an chuahtertu Bawipa na Pathian sinin pialter awk kha a kawl caah lung in thi lakin na cheh lai. 11 Cun Israel mi vialte nih an theih lai i an òih lai i nan lakah cu bantuk òhat lonak cu an tuah òhan bal ti lai lo.

12 “ Bawipa nan Pathian nih umnak ah an pekmi hna nan khua pakhatkhat ah, 13 mizeirualo a cheukhat nih nannih lakah an kal i cu khua chung i a ummi hna cu an pialter hna i, nan hngalh lomi pathian hna cu, ‘Kal u sih law, pathian dang kha bia hna u sih,’ tiah an ti nan theih ahcun, 14 nan dothlat lai i nan kawl lai i fel tein nan hal lai; cun zohhmanh, cu bantuk thil fihnung cu nan lakah tuah a si kha a dik le a si hrimhrimmi a si ahcun, 15 cu khuami hna cu vainam in nan thah hrimhrim hna lai, a khua le a chungah a ummi vialte le a saòil cu vainam in nan hrawh cikcek hna lai. 16 Cun a hranchaw vialte cu khualai tual laifang ah nan pumh hna lai i, a khua le a hranchaw vialte cu Bawipa nan Pathian sin i pum khangh thawinak caah mei in nan khangh lai; vawlei bo men a si zungzal cang lai, sak òhan a si ti lai lo. 17 A zarhmi thil vialte cu pakhat hmanh nan kut in nan tawng lai lo; zeitintiah Bawipa nan Pathian aw cu nan ngaih i nihin ah kan pekmi hna a nawlbia vialte nan zulh i Bawipa nan Pathian mithmuh ah a dikmi kha nan tuah ahcun, 18 a thinhunnak òihnung khan aa mer lai i zaangfahnak kha an pek hna lai i nan pupa hna sinah chiat a ser bang khan a vel kha a karhter lai.