10
Nawlbia Lungtlap Voi Hnihnak
(Exo 34.1-10)
1 “Khi caan ah Bawipa nih ka sinah, ‘Hmasa i bantuk a simi lungtlap pahnih in ser hna law, tlang cungah ka sinah ra kai tuah, cun thingkuang zong ser tuah.
2 Cun hmasa lungtlap na khuaimi hna cung i a ummi bia kha, lungtlap hna cungah cun ka òial hna lai i kuang chungah cun na khumh hna lai,’ tiah a ti.
3 Cucaah anri thing in kuang pakhat ka ser i hmasa bantuk a simi lungtlap pahnih ka ser hna i cu lungtlap pahnih hna cu ka kut chungah i put in tlang ah cun ka hung kai.
4 Cun lung tlap hna cungah cun, tlang cungah mei chungin pumh ni i Bawipa nih nan sinah a chimmi nawlbia pahra cu hmasa i a òial bang khan, a òial hna i Bawipa nih a ka pek hna.
5 Cun kaa mer i tlang cungin ka rung òum i ka sermi kuang chungah cun lung tlap cu ka chiah hna; Bawipa nih nawl a ka pek bangin khika ah an um.
6 (Israel mi hna cu Beeroth Bene-jaakan in Moserah ah an kal. Khika ah Aaron cu a thi i khika ah an vui. A fapa Eleazar nih amah can ah tlangbawi rian a òuan. Ref 10.6: Nam 20.28; 33.38
7 Khika in Gudgodah ah an kal i Gudgodah in tiva tete umnak ram Jotbathah ah an kal.
8 Khi caan ah, Bawipa biakamnak kuang put awk le amah min in thluachuah pek le amah ca rianòuan awk i Bawipa hmai i dir awkah, Bawipa nih Levi phun cu nihin tiang aa thleidan hna. Ref 10.8: Nam 3.5-8
9 Cucaah Levi cu a unau hna lakah covo siseh, ro siseh a ngei lo; Bawipa nan Pathian nih amah sinah a chim bang khan, Bawipa cu a ro a si.)
10 “Hmasa bantuk òhiamòhiam khan, tlang cungah cun ni 40 le zan 40 ka um i kha tan zongah khan Bawipa nih ka bia a ka ngaihpiak; Bawipa nih hrawh an duh hna lo. Ref 10.10: Exo 34.28
11 Cun Bawipa nih ka sinah, ‘Tho law, an pupa hna sinah pek awkin chiat ka sermi ram kha an luhhnawh i an co nakhnga, mi hna cu hmaisak tuah hna,’ tiah a ti.
Pathian Nih A Duhmi Thil
12 “Kha! Israel, Bawipa na Pathian nih an fialmi cu zeidang si loin, Bawipa na Pathian òih le, a lam vialte kha zulh le, amah kha dawt le, Bawipa na Pathian cu na lungthin dihlak le na ruahnak dihlak in a rian òuan le,
13 nihin ah nangmah òhatnak ding caah nawl kan pekmi hna Bawipa phungbia le nawlbia hna ulh hi, a si lo maw?
14 Zohhmanh, a sang bik van hna le, vawlei le a chungah a ummi thil vialte hi, Bawipa na Pathian ta an si dih;
15 sihmanhsehlaw Bawipa nih dawtnak in na pupa hna cungah a lung a chiah i annih hnu i an tefa, nannih cu, midang vialte hlan in an thim hna, nihin ah nan si bang hin.
16 Cucaah nan lung cuarpar cu tan u law, lungkhong si ti hlah u.
17 Zeitintiah Bawipa nan Pathian cu pathian hna Pathian le bawi hna Bawi, a lianngan i a òhawng i òih a nungmi Pathian, duhdanh a ngei lo i ziknawh a la lomi a si. Ref 10.17: 1Tim 6.15; Biat 17.14, 19.16; Lam 10.34; Rom 2.11; Gal 2.6; Efe 6.9
18 Pangeilo le nuhmei cu ding tein bia a ceihpiak hna i, mipem kha a dawt i rawl le hnipuan a pek.
19 Cucaah mipem kha daw u, zeitintiah nannih kha Izipt ram ah mipem nan rak si.
20 Bawipa na Pathian cu na òih lai; a rian na òuan lai i amah ah naa bek lai i amah min chalh in chiat na ser lai.
21 Amah cu na thangòhat awk cu a si; amah cu na Pathian, hi thil lianngan le thil òihnung hna, na mit nih an hmuhmi, a tuahtu hi a si.
22 Na pupa hna nih Izipt ram ah an vung kal tikah 70 an si; atu ah cun Bawipa na Pathian nih van arfi zat in nan tam leiah an ser cang hna. Ref 10.22: Gen 15.5, 22.17, 46.27