5
1 Zeitintiah vawlei kan umnak thlam hi òheh a si ahcun kut i rianh lomi, a òet kho lomi inn Pathian sakmi van ah kan ngeih kha kan hngalh.
2 Atu ah hin cun van kan inn khi ngai in kan khinghram.
3 Cu inn in kan i thuamh tikah cun taklawng kan si ti lai lo.
4 Zeitintiah hi vawlei thlam i kan um chung paoh cu lungrethei in kan khinghram. Hi vawlei thlam hi i phoih kan duh caah si loin van thuam i hruk chih kan duh caah a si, cucu hi thih hmangmi hi nunnak nih a dolh nakhnga caah a si.
5 Hi thil caah a kan timhtuah tu cu Pathian a si i kamhnak caah Thlarau a kan pek.
6 Cucaah ralòha ngaiin kan um zungzal. Taksa inn i kan um chung paoh cu Bawipa he kan i hlaat ti kha kan hngalh;
7 Zeitintiah mithmuh in si loin zumhnak in a kalmi kan si.
8 Ralòha ngaiin kan um i kan taksa inn hi kal tak i Bawipa inn i um tu kha kan duh deuh.
9 Hika inn i kan um zongah, khika i kan um zongah, kan tumtahmi cu amah lungton a si.
10 Zeitintiah pumsa in an tuahning cio khan a òha siseh a chia siseh an hmuh cio awkah Khrih biaceihnak òhutdan hmaiah cun kan chuak cio lai.
11 Bawipa òih cu zeidah a si ti kan hngalh caah midang zong kan leem hna; asinain zei kan si cu Pathian nih a hngalh i nanmah zong nan chiaòha thleidannak in nan hngalh ve ko lai tiah ka ruahchan.
12 Nan sinah kan i chimthiam òhan a si lo. Nan kan chawr ve awkah sullam òha pek kan in zuam hna nak tu a si. Cuticun lungthin ah si òung loin lenglei thil ah aa porhlawmi hna kha bialeh awk nan hngalh hna lai.
13 A kan molhtamh ahcun Pathian caah a si i kan fim ahcun nanmah caah a si.
14 Zeitintiah Khrih dawtnak nih a kan tlaih khip; zeitintiah mi pakhat cu mi vialte caah a thi ti kan hngalh; cucaah an dihlakin a thimi an si ve.
15 An dihlak caah a thih bantukin a nungmi hna cu anmah caah nung loin an caah a thi i a thoòhanmipa ca tu ah an nun awk a si.
16 Cu a si caah atu thawk cun ahohmanh minung hmuh ningin kan hmu ti hna lo. Caan khat cu Khrih kha minung hmuh ningin kan rak hmu nain atu cu cuticun kan hmu ti lo.
17 Cu a si caah ahopaoh Khrih chung i a um ahcun a thar in sermi a si; a hlunmi vialte an liam cang, zohhmanh, a tharmi cu a ra cang.
18 Hi vialte hi Pathian sinin a si. Amah Pathian nih Jesuh Khrih thawngin amah he a kan remter cang i cu remternak rian cu a kan pek cang;
19 cucu zeidah a si tiah Khrih thawngin Pathian nih mi vialte cu an i buarsonak kha relpiak loin amah he a remter cuahmah hna nak kong chim a kan fialmi kha a si.
20 Cucaah kannih cu Khrih lamkaltu kan si i kanmah hmang in Pathian nih mi vialte kha a sawm hna. Pathian he i rem òhan awkah Khrih aiawh in kan in sawm hna.
21 Zeitintiah amah thawngin Pathian miding kan si nakhnga kanmah ruangah sual hngal lo mipa kha misual ah a chiah.