6
Israel Rawhnak
1 Zion ah nuam ngaiin a ummi hna le
Samaria tlang cungah harnak
tong loin a ummi hna,
Nan cungah ningzahnak a tlung lai.
Miphun hna lak i a ngan bikbik hna
sinah khin va kal u law
Annih cu va tlawng tuah hna u,
Israel mi hna.
2 Kalneh ah cun va kal u law
va zoh tuah u,
Hamath Ngan ah cun
hei lan u law
Filistin mi hna khua Gath ah cun
vung kal tuah u.
Hi ram hna nak hin
nan òhawng deuh maw?
Nan ram tah an ram nakin
a ngan deuh maw?
3 Harnak ni cu hmailei ah
kan thawn khawh lai tiah nan ruah,
Sihmanhsehlaw zaang-ennak tu kha
khulrang in nan ratter chin.
4 Nannih cu vuiho in òamhmi
nan ihkhun ah khan nan it i
Nan òhutdan nem cungah khan
nan zau,
Saòil run chung i a thaumi tuufa
hna le cawfa hna kha nan ei;
5 Tingtang kha nan i tum i
David bantukin hlasaknak thilri
kha nan i ser hna;
6 A kheng ning pipi in
mitsur hang kha nan din i
Chiti òha bikbik khan nan i cenh;
Sihmanhsehlaw Josef nih rawhralnak
a in ni ah khan
nan ngaih a chia lo.
7 Cucaah saltangmi hna lakah khan
hmaisuang ah nannih cu
nan kal lai i
Cucu nan i nuamhsaihnak
8 Bawipa Pathian hrimhrim nih
chiatser in hi bangin a ti:
Jakob a ruamkainak cu ka fih,
a ralhruang hna cu ka fih hna;
Khuapi cu a chung i a ummi vialte
hna he ral kut chungah ka chanh lai.
9 Inn pakhat chungah mi pahra
an taan ahcun an dihlak in an thi lai.
10 A thimipa cu, a ruakvuinak
a sersiamtu a rualchan nih khan,
a ruak cu innchung khan
a chuahpi lai.
Innchung a ken bik i a ummi kha,
“Khaka ah khan aho an um
ti maw?” tiah a hei auh tikah,
“An um ti lo,” tiah a rak leh lai i,
cun aa thawh lai i,
“Hna chet hlah, Bawipa min cu
chim awk a si lai lo,”
tiah a ti lai.
11 Zeicahtiah Bawipa nih nawlbia
a chuah lai i
Cu nawlbia a chuahmi thawng cun
inn ngan cu a cim dih lai i inn
hme cu a pelpawi ah an i chuah lai.
12 Rang cu lungpang cungah a tli
kho maw?
Rili cu cawtum in lei bantukin
thuan khawh a si maw?
A si kho lo, asinain nannih nih cun
biading kha sivai ah nan ser i
Dinnak ziaza a man cu a khaami
thil ah nan canter.
13 Lodebar nan lak khawh caah khan
nan i thangòhat i
“Karnaim cu kanmah thazang tein
kan la lo maw?” nan ti.
14 Maw Israel, nangmah doh awkah
miphun pakhat ka chuahter lio i
Annih nih nan ram cu
Lebo-hamath in Arabah horkuang
tiang an hrawh dih lai.
Hihi Bawipa, Ralkapbu Pathian bia
hrimhrim a si.