2
1 Hihi Bawipa bia an si:
Moab nih òhat lonak pakhat hnu
pakhat a tuah lengmang caah
A cung i dantatnak ka tlunter
ding kha ka let lai lo.
Annih nih Edom siangpahrang
ruh kha vutcam ah cang lakin
an khangh.
2 Cucaah Moab cungah mei
ka thlah lai i
An khua hna chung i Kerioth
ralhruang kha, cu mei nih cun
a kangh dih hna lai.
Aukhuannak thawng lakah cun
Moab cu a thi lai i
A thihnak cu raltuknak aunak
thawng le muko aw thawng lakah cun
a si lai.
3 Cun a uktu hna bawi hna kha
anmah lakah cun ka thah lai i
An bawile vialte cu amah sinah cun
ka thah chih dih hna lai.
4 Hihi Bawipa bia an si:
Judah nih òhat lonak kha pakhat
hnu pakhat in a tuah lengmang caah
A cung i ka tlunter ding dantatnak
kha ka let lai lo.
Annih nih Bawipa phunglam kha
zei ah an rel lo i
A nawlbia kha an zul lo;
An pupa hna nih an rak zulhmi
pathian deu hna nih khan
a pingah an hruai hna.
5 Cucaah Judah cungah mei
ka thlah lai i
Cu mei nih cun Jerusalem
ralhruang vialte kha
a kangh dih hna lai.
Israel Biaceihnak
6 Mah hihi Bawipa bia an si:
Israel nih òhat lonak kha
pakhat hnu pakhat in
a tuah lengmang caah
a cung i ka tlunter dingmi
dantatnak kha ka let lai lo.
Annih nih a sual lomi kha ngun ah
an zuarh hna i
sifakmi kha kedan tuah khat ah
an thlen hna.
7 Annih nih sifakmi kha an lu
vawlei ah an lamh chih hna i
minauta pawl kha lam thlang ah
an en hna.
Pa le fa nih nu pakhat kha
an pahnih in an fuh i
cuticun ka min kha
an thurhhnawmhter.
8 Biahrennak ca i an lakmi
puan cungah khan
biakòheng pawng kip ah an it i
an Pathian inn chungah khan
dantatnak in an lakmi zureu kha
9 Asinain, an hmaiah Amor mi kha
a hrawktu hna cu keimah ka si,
Amor mi cu sidar thing bantukin
an sang i kuhthing bantukin
an òhawng nain,
Keimah nih cunglei i an thei le
tanglei i an hram cu
ka hrawh hna.
10 Amor mi hna ram co awkah
Izipt ram in an chuahpitu hna kha
keimah ka si i
Ram car chungah kum 40
an hruaitu hna kha
keimah ka si.
11 Nan fapa hna lakin profet
ka chuahter hna i
Nan tlangval hna lakin Nazir mi
ka chuahter hna.
Nannih Israel mi hna, cuticun
a si taktak ko lo maw?
tiah Bawipa nih a ti.
12 Sihmanhsehlaw nannih nih
Nazir mi kha zu nan dinter hna i
Profet hna cu bia chim hlah u,
nan ti hna.
13 Ngai hmanh u, leng cu
thil khat tein chonh tikah
a awnh cuahmah bantukin
Kei zong, nan ka neh tuk caah
ka hrum ve.
14 A khul a rangmi zong kha
a zam hmanh ah a him hlei lai lo,
A òhawngmi zong kha a òhawnnak cu
san a tlai hlei lai lo;
Ralkap zong nih khan
amah le amah aa khamh kho
hlei lai lo.
15 Thal kah thiammi kha fek tein
a dir kho hlei lai lo,
Khulrang in a le khomi zong kha
a luat hlei lai lo.
Rangcung ralkap zong kha amah le
amah aa khamh kho hlei lai lo.
16 Khi ni ah cun ralkap ralòha bik
hmanh kha a hriamnam
chuh a si lai i a zam lai.
Hihi Bawipa bia hrimhrim a si.