4
1 Mi hna sinah bia an chim len ko lioah tlangbawi hna le biakinn cawngtu bawi le Sadusi mi hna nih an hun fuh hna.
2 Jesuh ah thihnak in thawhòhannak a um ti kong kha mi sinah thanh in an cawnpiak hna caah an ing a puang.
3 An tlaih hna i zanlei a si cang caah a thaizing tiang thong ah an thlak hna.
4 Sihmanhsehlaw an bia a ngaimi tampi hna nih cun an zumh; cu hna cu an dihlakin thong nga tluk an si.
5 A thaizing ah an uktu hna le an upa hna le phung cawnpiaktu hna cu Jerusalem ah an i pum.
6 Tlangbawi zik Annas le Kaiafas le Johan le Alekzandar le tlangbawi zik phun hna an i tel.
7 An lai ah an chiah hna i bia an hal hna: “Zei nawlngeihnak le aho min in dah hi thil hi nan tuah?” an ti.
8 Cun Peter, Thiang Thlarau in a khatmi nih cun, “Uktu hna le upa hna,
9 nihin ah hin, kebei cungah rian òha òuan a si ruangah, zeitin in dah hi pa hi damter a si ti nan kan kherhlai a si ahcun nannih vialte le Israel mi vialte nih hngal ko u.
10 Nazareth khuami Jesuh Khrih, vailam ah nan tah i Pathian nih thihnak in a thawhter òhanmi min khan hika ah hin nan hmaiah dam tein a dirter ko.
11 Hihi nannih inn satu hna nih nan hnonmi lung kha atu i lung òhahnem bik ah a cangmi cu a si.
12 Midang aho sin hmanh ah khamhnak a um lo, zeitintiah vanrang toi minung min sakmi lakah a kan khamh khotu min dang ahohmanh a um lo,” a ti hna.
13 Ca thiam lo, mi sawhsawh ah an ruahmi hna Peter le Johan an ral òhatning kha an hmuh tikah an khuaruah a har i Jesuh sinah a ummi taktak an si ti kha an hngalh.
14 An damtermi pa, an pawngah a dir komi kha an hmuh tikah soiselnak zeihmanh an hmu fawn lo.
15 Cucaah khawngsil zung cun an chuahter hna hnuah pakhat le pakhat an i ceih,
16 “Hi mi hna hi zeitindah kan tuah hna lai? Mah hna khuaruahhar hmelchunhnak tuahmi hi Jerusalem i a ummi vialte hna sinah a lang cang; kannih zong nih kan al kho fawn hna lo.
17 Sihmanhsehlaw mi sinah a than chin lengmang nakhnga lo, a min aho sin hmanh ah chim ti lo dingin ralrin pe hna u sih,” an ti.
18 Cun an auh òhan hna i Jesuh min in biachim lo ding le cawnpiak ti lo dingin nawl an pek hna.
19 Sihmanhsehlaw Peter le Johan nih cun an thawh hna i, “Pathian bia ngaih deuh loin nanmah bia ngaih tu hi maw Pathian hmuh ah ahmaan deuh ti cu nanmah nih chat ko u;
20 zeitintiah kan hmuhmi le kan theihmi cu chim loin kan um kho lo,” tiah an leh hna.
21 An tlerhkhawnh chih hna hnuin an kalter hna. An tuahmi ruangah mi vialte nih Pathian an thangòhat caah zeiti dantat awk an hngal hna lo.
22 Zeicahtiah khuaruahhar hmelchunhnak in an damtermi pa cu kum sawm li reng lomi a si.
23 An chuah hna cun an hawile sinah an va kal i tlangbawi upa hna le khua upa hna nih an ti hna ning kha an va chimh hna.
24 An theih tikah an dihlak in Pathian sinah aw thang ngaiin, “Uktu Bawipa, van le vawlei le rili le a chungah a ummi vialte sertu;
25 Thiang Thlarau in na sal David hmurka in bia na rak chim i,
‘Zeicahdah Jentail hna cu an thin a hun i
Mi vialte nih pakpalawng in khua an ruah?
26 Vawlei siangpahrang hna cu an i tim, an i serh i
Uktu hna cu hmunkhat ah an i pum,
Bawipa ralchanh awk le a thimmi Pa ralchanh awkah’
na rak ti.
27 Cu bantuk te cun hika khua ah hin Herod le Pontius Pilat le Jentail mi hna le Israel mi hna cu na sal thiang Jesuh, sathau na thuhmi, ralchanh awkin an i pum.
28 Nangmah nih na ruahciami le tlinter awkah a rak si.
29 Bawipa, atu ah an kan tlerhkhawnhnak hi zohhmanh, na bia chim ngam dingin na miòhi hna hi ralòhatnak pe ko hna.
30 Mi damter khawh awkin na òhawnnak langhter law na sal thiang Jesuh min in khuaruahharnak le hmelchunhnak tuahter ko hna,” an ti.
31 Cuti thla an cam dih cun an i pumhnak hmun cu aa hnin i an dihlak in Thiang Thlarau in an khat i ralòha ngaiin Pathian bia cu an chim.
32 A zummi bu hna cu ruahnak le thinlung khat in an um i an lak i ahohmanh nih an ngeihmi kha keimah ta ti loin zeizong vialte an i hrawm dih.
33 Lamkaltu hna cu huham ngan pipi he Bawipa Jesuh thawhòhannak cu an langhter i i an dihlak cungah a liannganmi velngeihnak a um.
34 An lakah a chambaumi ahohmanh an um lo; zeitintiah inn le lo a ngeimi paoh nih an zuar i an hmuhmi paoh kha an rak chuahpi;
35 Lamkal hna kehram ah an rak chiah; cun an herhning cio paoh in an phawtzamh hna.
36 Lamkaltu hna nih Barnabas (a sullam cu thazang petu Fa tinak a si) tiah minkep an pekmi Josef, Levi miphun, Saipras kek pakhat a rak um.
37 A ngeihmi lo a zuar i a hmuhmi tangka cu lamkaltu hna kehram ah a rak chuahpi.