ZEFANIAH
(Zephaniah)
Thuhmaihruai
Profet Zefaniah ih thusim caan cu BC 650 hrawngah a si ih BC 621 kum siangpahrang Josiah in biaknak remsalnak a tuah hlan deuhte kum hra hrawngah sisehla a bang. Hi cabu sungah hin profet dang pawl ih sim cia mi khal a tel ve. Cumi cu Judah pawl in khawzing dangdang an biak ruangah Pathian in a hrem ding; cun Bawipa in miphun dang pawl khal a hrem ding, cule Jerusalem cu a siat ding nain remsal leh a si dingih a sungah mi nunnem le mifel pawl an um ding, tiah a um.
1
1 Amon ih fapa Josiah in Judah siangpahrang a òuan lai ah Bawipa ih thu cu Zefaniah hnenah a ra thleng. Zefaniah cu siangpahrang Hezekiah tesinfa a si ih a pupa pawl cu Amariah, Gedaliah le Kushi an si.Ref 1.1 2 Siang 22:1-23:30; 2 San 34:1-35:27;
Bawipa Ih Thuòhennak Ni
2 Bawipa in, “Leilungtlun ziang hmuahhmuah hi ka siatsuah òheh ding,
3 minung siseh, ramsa siseh, vate le nga tiangin ka tisiat òheh ding. Miòha lo pawl ka dirhthlak hai ding. Minung cu ka cimit dingih pakhat hman an luat lo ding. Bawipa keimah in ka òong zo.
4 “Judah mi le Jerusalem mi pawl ka hrem ding. Baal khawvang an biaknak a tangsun mi khal ka siatralter dingih Baal khawvang a riantu khawvel puithiam pawl cu zohman in an thei nawn lo ding.
5 Inn parah kai tahrat in ni le thlapi le arsi a betu pawl cu ka siatsuah òheh ding. Keimah i biatu le ka hmin rinsan in siatsertu asinain Milkom khawvang hmin in siat a sertu lala cu ka siatsuah ding a si.
6 Keimah i tlansan ih i thlun nawn lotu le ka hnenah ra lo in keimah thu i ra ron lotu pawl cu ka tisiat òheh ding,” tiah a ti.
7 Bawipa ih thuòhennak ni cu a nai a si. Curuangah a hmaiah dai tein um uh. Bawipa in a miphun pawl cu thawinak ih pek dingah a tum ih Judah ram siatsuah dingah ral pawl a sawm a si.
8 Bawipa in, “Thawinak pek ni ahcun siangpahrang fapa pawl le bawi pawl le miphun dang ih nunphung daan a thluntu pawl cu ka hrem hai ding.
9 Lawki mi vekin khawvang a betu le an bawipa ih inn sungih thilri khatte ih a umnak dingah mi a thattu le ruk a rutu pawl cu ka hrem hai ding.
10 “Cuih ni ahcun Jerusalem ih Nga Kotka ah òah thawng nan thei ding. Tuah tharmi khuapi veng ah aihramnak nan thei dingih tlang parah ri durdo ih a tlumi thawng nan thei ding.
11 Cumi nan theih tikah nannih khal òap uhla ai rero uh; nannih khuapi thuailam ih a umtu pawl cu; ziangahtile sumtuahtu pawl cu an thi òheh ding a si.
12 “Cuih caan ah mei-inn keng tahrat in Jerusalem cu ka hawl ding. Mah le mah zum aw zet le hnangam zet ih a umtu pawl, ‘ Bawipa cun zianghman a tuah dah lo; a òha khal a tuah lo, a sia khal a tuah lo,’ a titu pawl cu ka hrem hai ding.
13 An lennak cu lon òheh a si dingih an inn pawl cu siat òheh a si ding. An sak reromi an inn pawl cu an hngak dah lo dingih an phun reromi sabit hri ih sabitti cu an in dah lo ding,” a ti.
14 Bawipa ih ni cu a nai zo: A naizet zo ih rei lo teah a ra cing ding. Cuih ni cu siatnak ni a si ding, ziangahtile ralkap ral òha bik hman beidong in an òap ding.
15 Cuih ni cu thin ai-thok ni a si ding, harsatnak le vansanglam ih um ni, siatsuah ni le hloral ni, thimnak ni le thinpih ni, ni dum le khawdur ni a si ding.
16 Raldonak thawmvang le tawtawrawt thawngin a khatmi ni, ralkap pawl in ralhruang in kulhmi khuapi le ralvennak innsang pawl an do dingih an do phah ih an aunak in a khatmi ni a si ding.
17 Bawipa in, “Minung parih siatralnak ka thlenter mi cu a nasa tuk dingih mi hmuahhmuah mitcaw bangin an vak ding. Ka parih an sual tuk zo ruangah an thisen tidai bangin thlet a si dingih an ruak cu leilung ah an thu an òawt ralta ding a si,” tiah a ti.
18 Cuih ni, Bawipa in a thinhennak a langter ni ahcun an sui le an ngun in zohman a run thei hai lo ding. A thinhennak meisa in leilung pumpi hi a kang ding a si. Leilungtlun ih a ummi hmuahhmuah hi rinlopi in an nunnak a cemter ding a si.