8
Jerusalem Dinsal Dingah Bawipa Thukamnak
1 Cungnungbik Bawipa ih thu cu Zekhariah hnenah hitiin a ra thleng:
2 “Jerusalem mi pawl ka duhdawtnak cu a thuk ih Jerusalem khuapi bawm ding cu ka caak zet; ka thiik ruangah a ral pawl parah ka thin a heng a si.
3 Ka ra kirsal dingih ka khuapi thianghlim Jerusalem ah ka ra um ding. Rin tlak khuapi tiin theih a si dingih Cungnungbik Bawipa ih tlang cu tlang thianghlim tiin kawh a si ding.
4 Kianghrol hrol in a fehtu nutar le patar pawl khal khuapi sung mi zapi tonawknak hmunah an to huahhosal ding.
5 Khuapi lamzin tluanah nauhak tualleng pawl cu nunau siseh, mipa siseh, lungawi aipuang in an lek ciamcosal ding.
6 “Cutiih ka timi cu hi miphun sung ihsin a tangmi pawl hrangah cun thil cang thei lo a bang ding, sihmansehla ka hrangah cun thil cang thei lo a si lo.
7 Ka minung pawl an hruaihlonak ram pawl ah ka hum dingih
8 nisuahnak lam le nitlaknak lam ihsin ka hruai kirsal dingih Jerusalem ah an umsal ding. Annih cu ka minung an si dingih keimah cu an Pathian ka si ding; rin tlak zet le ding zet in ka uk ding.
9 Ralòhatnak nei uh! Biakinn dinsal dingah a hram an rak thok lai ih profet pawl in an rak simmi òongkam cu atu ah nan theisal a si.
10 Cuih hlanah cun zohman in minung siseh, òilva siseh, hnaòuan dingah an lak thei lo, an sang thei lo; ral an nei ih humhimnak an um hrimhrim lo. Mi pakhat le pakhat ral aw dingin keimah in ka tokhrok.
11 Sikhalsehla atu ahcun hi ram sungih a tangsun mi pawl ka zohnak cu a phundang a si.
12 Hnangam in an thlaici an tuh thei thlang ding. An sabit hri in rah an rah ding, leilung in rawl a suah dingih ruah tampi in a sur ding a si. Ka miphun sung ihsin a tangsun mi pawl parah hibangtuk thluasuahnak ka pek ding.
13 Judah mi le Israel mi pawl! Tuih hlanah cun ramdangmi pawl pakhat le pakhat an cam awk tikah ‘Judah le Israel pawl parih a thlengmi siatralnak hi na parah thleng ve seh,’ an ti aw. Sikhalsehla keimah in ka lo runsuak dingih cutikah ramdangmi pawl cun ‘Judah le Israel mi pawl ih comi thluasuahnak co ve hram aw,’ tiah pakhat le pakhat an ti aw ding. Curuangah nan ral òha uhla zianghman òih hlah uh,” tiah a ti.
14 Cungnungbik Bawipa in, “Nan pu le nan pa pawl in ka thin in hengter tikah anmah siatralnak cu ka tum ih zianghman thinlung thlengnak um lo in ka tum vek cun ka tuahsuak a si.
15 Sikhalsehla atu ahcun Jerusalem le Judah mi pawl thluasuah dingah ka tum a si. Curuangah phannak zianghman nei hlah uh!
16 Hitiin tuah sawn uh: Pakhat le pakhat nan biak awk tikah thudik sim uh. Thuòhennak hmunah thudik suakter uh;Ref 8.16 Efe 4:25; daihnak le remnak suaktertu thudik cu!
17 Midang siatnak ding thu ngaihtuah hlah uh. A dik lomi tetti in siatcam hlah uh. Thuphan pernak, dinglonak le thazang thawn midang siatnak tuah cu ka hua a si,” tiah a ti.
18 Cungnungbik Bawipa ih thu cu Zekhariah hnenah hitiin a ra thleng:
19 “Thla linak, thla nganak, thla sarihnak le thla hranak ih tuah òheumi rawl ulhnak cu Judah mi pawl hrangah lungawi aipuannak puai ah a cang thlang ding. Thudik le daihnak cu nan duh pei,” tiah a ti.
20 Cungnungbik Bawipa in, “Khua tampi ihsin mi tampi Jerusalem ih an ratnak tikcu a ra thleng zik thlang.
21 Khuapi pakhat ihsin a rami pawl in khuapi dang ihsin a rami pawl hnenah, ‘Cungnungbik Bawipa kan biak dingih a thluasuahnak kan dil ding. Kan hnenah ra tel ve uh,’ an ti ding.
22 Minung tam zet le miphun cak zetzet pawl Jerusalem ah an ra dingih Cungnungbik Bawipa an ra biak ding, a thluasuahnak dil in thla an cam ding.
23 Cutikah Judah mi pakhat hnenah ramdangmi pahra an ra dingih, ‘Na nun khawsaknak ah um ve le tel ve kan duh, ziangahtile Pathian cu na hnenah a um, ti kan thei zo,’ an ti ding,” tiah a ti.