6
Rang Leng Pali Hmuhnak
1 Langnak a dang pakhat ka hmu ih tlang pahnih karlak ihsin rangleng pali an ra suah kha ka hmu. Cuih tlang pahnih cu dar tlang an si.
2 Pakhatnak rangleng cu rang sen in an hnuk, pahnihnak cu rang dum in an hnuk,Ref 6.2 Thup 6:4, 5;
3 pathumnak cu rang raang in an hnuk ih palinak cu rang òial in an hnuk.Ref 6.3 Thup 6:2;
4 Cule vancungmi cu, “Bawipa, hi rangleng pawl ih tican ziangso a si?” tiah ka sut.
5 Anih in, “Hi pawl cu thli pali an si. Leilung pumpuluk ih Bawipa hnen ihsin atu pekte a rami an si,” tiah a ti.Ref 6.5 Thup 7:1;
6 Rang dum pawl ih hnuhmi rangleng cu saklam ah a feh, rang raang pawl ih hnuhmi cu nitlaknak lamah a feh, rang òial pawl ih hnuhmi cu thlanglam ram ah a feh.
7 Rang pawl an ra suah tikah leilung pumpi va zoh ding kha an hngakhlap zet. Vancungmi cun, “Feh uhla, leilung cu va zoh uh!” a ti; a ti vek cun an va zoh.
8 Cutikah vancungmi cun “Saklam ram lam ih a fehtu rang pawl in Bawipa ih thinhennak an daiter zo a si,” tiah in run auh.
Joshua Suilukhuh Khumter Ding
9 Bawipa ih òongkam cu ka hnenah hitiin a ra thleng ih,
10 Bawipa cun, “Saltannak ihsin a ra kirmi Heldai, Tobijah le Jedaiah pawl ih laksawng cu la awla Zefaniah ih fapa Josiah inn ah zamrang in feh aw.
11 Anmah pawl ih laksawng pekmi sui le ngun in sui lukhuh tuah awla Jehozadak ih fapa Puithiam Sang Joshua khumter aw.
12 A hnenah, Cungnungbik Bawipa in, ‘Thingòek tiih kawhmi cu atu a umnak ah a òhangso dingih Bawipa ih Biakinn amah in a saksal ding.Ref 6.12 Jer 23:5; 33:15; Zek 3.8;
13 Biakinn a sak saltu cu amah a si dingih siangpahrang tluk in hminthannak a ngah dingih a minung pawl amah in a uk ding. Puithiam pakhat a bawi tohkham kiangah a ding dingih, daihnak le remnak thawn hmunkhat ah hna an òuan tlang ding, a ti,’ tiah ti aw.
14 Cuih suilukhuh cu Bawipa ih Biakinn sungah a um dingih Heldai, Tobijah, Jedaiah le Josiah pawl theih ringringnak a si ding,” tiah a ti.
15 Lamhlapi ih a ummi pawl khal an ra dingih Bawipa ih Biakinn cu an ra sak bawm ding. Cutiih an sak tikah Cungnungbik Bawipa, in nan hnenah keimah i thlah hi nan thei ding. Bawipa, nan Pathian thupekmi nan thlunkim a si ahcun a tlunlam thil hmuahhmuah hi a kim òheh ding a si.