3
Profet In Puithiam Sang A Hmu
1 Langnak dang pakhat ah Bawipa in Puithiam Sang Joshua, Bawipa ih vancungmi hmaiih a din kha i hmuh. Joshua kiangah cun Joshua sualpuh dingah tiar cia in Satan a din kha ka hmu.Ref 3.1 Thup 12:10;
2 Bawipa ih vancungmi in Satan hnen ahcun, “Satan, Bawipa in lo kawk seh! Jerusalem a duhtu Bawipa in nangmah cu lo hlon seh. Hi pa cu meisa sung ihsin zukmi thingthu bangtuk a si,” tiah a ti.Ref 3.2 Jud 9;
3 Joshua cu hnipuan siava hruk in cutawkah a ding.
4 Cuih vancungmi in amah kiltu vancungmi dang pawl hnenah, “Hi pa ih a hrukmi hnipuan siava pawl cu phuak òheh uh,” a ti. Cule Joshua hnen ahcun, “Na sualnak cu ka lak hlo òheh zo ih hruk ding hnipuan thar ka lo pe ding,” tiah a ti.
5 Amah kiltu pawl cu Joshua lu parah lupawng thar pawngter dingin thu a pek. A thu pekmi vekin an tuah, cule cutawk ih vancungmi a din lai ahcun hnipuan thar an hrukter.
6 Cule vancungmi in Joshua hnenah,
7 Cungnungbik Bawipa ih òongmi cu hitiin a sim; “Ka daan nan thlun ih nan hnenih òuanvo ka lo pekmi pawl nan tuahsuak a si ahcun ka Biakinn le a kimvel pawl kilkhawitu nan si ringring dingih ka mit hmuh ih a ummi vancungmi pawl ih thlacamnak ka theih sak vekin nan thlacamnak khal ka lo theih sak ding.
8 Curuangah nang Puithiam Sang Joshua, òha tein ngai aw; nannih Joshua rualpi puithiam pawl, hmailam tikcu òha khihhmuhtu nannih pawl, òha tein ngai uh: Thingòek an timi keimah riantu cu nan hnenah ka langter ding!Ref 3.8 Jer 23:5; 33:15; Zek 6:12;
9 Joshua hmaiah hmai pasarih a neimi lungto pakhat ka ret ding. A parah ca ka ngan dingih ni khat sungah hi ram ih sualnak cu ka lak hlo òheh ding.
10 Cuih ni a thlen tikah cun nan sabit hmuan le nan theipi hmuan sung ih um tlang huahho dingin nan inn-hnen pawl nan sawm fingfing ding a si,” tiah a ti.Ref 3.10 Mik 4:4;