11
Uktu Òha Lo Pawl An Siat
1 Maw Lebanon, na sangka pawl ong aw,
Na sidar thingkung pawl meisa in
kang òheh seh.
2 Tupi farthing pawl, òap ai rero uh.
Sidar kung pawl an tlu òheh zo;
Thing sunglawi pawl siatsuah an si òheh zo.
Bashan ram ih òhil thing pawl
òap in ai rero ko uh.
A ruul zetmi tupi cu hau òheh a si zo!
3 Uktu pawl riahsia in an òap an rak;
An sunlawinak a cem zo.
Kiosa pawl an huuk rero, ngai hnik uh!
Jordan tivakap ih an inn a simi
tupi cu siatsuah òheh a si zo.
Tuukhal Pahnih
4 Bawipa ka Pathian in ka hnenah, “Thah ding a simi tuu pawl a khaaltu c Tuukhaltu timi hi siangpahrang asilole hotu can-ai a si ih tuu timi hi a ukmi minung pawl tican-ai a si. ih nuncan kha cawng hnik.
5 A neitu pawl in tuu an that, asinain annih cu zohman in an mawhthluk hai lo. Tuusa zuar tahrat in, ‘ Bawipa cu thangòhat si ko seh! Kan lian zo a si,’ an ti. Tuukhal pawl hman in an tuu pawl parah zangfahnak an nei lo,” tiah a ti.
6 Bawipa in, “Leilungtlun ah zohman ka zangfah nawn lo ding. Keimah rori in mi hmuahhmuah cu an uktu pawl ih kutsung ah ka thunlut thluh ding. Cuih uktu pawl in leilung cu an tisiat òheh ding, asinain an thilti theinak huham sungin zohman ka run lo ding,” a ti.
7 Tuu a leitu pawl le a zuartu pawl in an hnaòuantu dingah kei cu in lak ih thah ding a simi tuu pawl khaaltu ah ka cang. Funghreu pahnih ka lak: Pakhat cu, “Zangfahnak,” ka tiih a dang pakhat cu “Komawknak,” ka ti. Cuticun tuurual cu ka kilkhawi.
8 Keimah i huatu tuukhal pathum parah cun ka thin a sau thei nawn lo, ka zawi thei nawn lo ih thla khat sungah an pathum in ka dawi hlo a si.
9 Cule tuurual hnen ahcun, “A lo khaaltu ka si nawn lo ding. A thi ding cu thi ko hai seh, siatsuah ding cu siatsuah si ko seh. A tangmi cu pakhat le pakhat an sa ei aw thluh ko hai seh,” ka ti.
10 Cun, “Zangfahnak,” timi funghreu cu ka lak ih, Bawipa in miphun hmuahhmuah thawn a tuahmi thukamnak bal òheh dingah ka khiak.
11 Cutiin cuih ni ah thukamnak rak tuah cia mi cu bal òheh a si. Tuu a leitu le a zuartu pawl cun in zohhliah ringring; ka thil tuahmi hi Bawipa ih simmi a si, ti kha an thei.
12 An hnenah “Nan lung a kim ahcun ka nihlawh i pe uh. A kim lo ahcun a poi lo, nanmah in nei ko uh,” tiah ka ti. Curuangah ka nihlawh ah ngun tangka sawmthum in pek.
13 Bawipa in ka hnenah, “Hi tangka cu Biakinn tangka ah re aw,” i ti. Curuangah ngun tangka sawmthum, ka man ih an ruahmi tangka sunglawi zet cu, ka lak ih Biakinn tangka retnak ah ka ret.Ref 11.11-13 Mat 26:15; 27:9, 10;
14 Cuih hnuah a pahnihnak funghreu “Komawknak,” timi cu ka khiak lala; cutiin Judah le Israel komawknak cu ka phiat a si.
15 Cule Bawipa in ka hnenah, “Tuih òum cu zianghman ih santlai lo tuukhal pa ih nuncan cawng aw.
16 Ka tuurual kiltu dingah tuukhal pakhat ka ret; asinain hlohralnak tongzikmi tuu pawl a hum duh lo; a hlomi tuu khal a hawl lo; hma a neimi tuu khal a tuamhlawm lo ih a harhdammi a tangsun tuu pawl tla rawl a pek lo. A thau bikmi tuusa a ei ih an ketin pawl tiangin a hawk òheh sawn a si.
17 Cuih tuukhal pa cu a lamzin a pit ih a cem a si! A tuu pawl a tlansan zo. A cahnak hmuahhmuah ral in an siatsuah òheh ding. A baan a ro a car dingih a vorhlam mit a caw ding,” a ti.