ZEKHARIAH
(Zechariah)
Thuhmaihruai
Zekhariah cabu hi òhenhnih ah òhen a theih: (1) Bung 1-8 tiang: BC 520-518 karlak sung Zekhariah ih simmi thu kha a um. Himi thu pawl hi hmuhnak lawnglawng in a si ih Jerusalem remsalnak ding thu le Biakinn sak salnak ding, Pathian ih milai pawl thianternak le a thleng lai dingmi Messiah uknak thu a si. (2) Bung 9-14: Hi sungah hin a cuih hnu deuh ih simmi thu an um ih an ruahsan mi Messiah thu le netabik thuòhennak thu pawl an si.
1
Bawipa In A Minung Pawl A Ko
1 Darias in Persia siangpahrang a òuannak kum hnihnak kum, thla riat thla ah, Iddo ih fasuan, Berekhiah ih fapa profet Zekhariah hnenah Bawipa ih thu cu hitiin a ra.Ref 1.1 Ezr 4:24-5:1; 6:14;
2 Cungnungbik Bawipa in Zekhariah cu Israel mi hnenah hitiin sim dingin a fial. “Keimah, nan Bawipa cu nan pu le pa pawl parah ka thin a heng ngaingai;
3 asinain atu ah nan hnenah hitiin ka lo sim. Ka hnenah rakir uhla nan hnenah ka kir ve ding.
4 Nan pu le nan pa bangtuk si hlah uh. Khuahlan lai ah profet pawl in ka thu an sim hai ih sualnak tuah lo ding le thil òha lo tuah lo dingin an sim. Asinan ka thu an ngai duh lo, a thlun khal an thlun lo a si.
5 Cuih profet pawl le nan pupa pawl cu an nung nawn lo.
6 Ka sal profet pawl hmangin nan pupa pawl ka thu le ka thukham ka pek, asinain zianghman ah an siar lo; curuangah harsatnak tampi an tong a si. Cule hremtlak an si ruangih hrem dingih a rak tumtu cu Cungnungbik Bawipa keimah ka si kha an run thei ih an sirawsal a si,” a ti.
Profet In Langnak In Rang A Hmu.
7 Darias in siangpahrang a òuannak kum hnihnak kum, thla hleikhat thla (Shebat thla), ni kul hluanli ni ah zan ah Bawipa in langnak in thu i sim.
8 Rang sen par a tomi Bawipa ih vancungmi pakhat, phairawn ih lenhmui kung lakah a cawl ih a dungah rang dang pawl an um: Rang sen, rang òial le rang raang pawl tla an si.Ref 1.8 Thup 6:2-8;
9 “ Bawipa, hi rang pawl ih tican cu ziangso a si?” tiah ka sut.
Vancungmi in, “A tican ka lo sim ding.
10 Leilung pumpi thleng thluh ding le zoh dingah Bawipa in a thlah a si,” tiah a ti.
11 Rang pawl cun, vancungmi hnenah, “Leilungtlun khuazakip ah kan thleng òheh zo ih leilung pumpi cu dai tein le hnangam tein a um a si, ti kan hmu zo,” tiah an sim.
12 Cutikah vancungmi cun, “Cungnungbik Bawipa, Jerusalem le Judah khuapi dang pawl parah kum sawmsarih sung na thin a heng zo. An parih zangfah thinpemnak na neihsal hlan, ziangtik tiang so hitiin an um hrih ding,” tiah an sut.
13 Bawipa in vancungmi cu thinhnemnak òongkam in a sawn ih,
14 cuih Cungnungbik Bawipa ih òongkam cu tlang-aupi dingah vancungmi in i fial. “Ka khuapi thianghlim Jerusalem hrangah duhdawtnak le seherhnak tam zet ka nei.
15 Asinan thlangamnak le daihnak a ngahtu miphun pawl parah ka thin ka sup rero nain cuih miphun pawl in ka minung pawl tuarnak cu an luarter deuhdeuh.
16 Curuangah Jerusalem khuapi parih ka zangfahnak langter dingah ka rakir a si. Ka Biakinn cu saksal a si dingih Jerusalem khuapi cu dinsal a si ding,” tiah a ti.
17 Vancungmi in ka hnenah, “Cungnungbik Bawipa in ‘Ka khua pawl cu an òhangso zetsal dingih Jerusalem khuapi cu ka bawm dingih ka ta tiah ka tisal ding,’ a ti. Cumi cu tlang-aupi hrih aw,” tiah i ti.
Profet In Ki Pawl A Hmuhnak
18 Langnak pakhat a umsal ih cawcang ki pali ka hmu.
19 Ka hnenih a òong rerotu vancungmi hnen ahcun, “Hi ki pawl ih tican cu ziangso a si?” tiah ka sut.
Anih in, “Judah mi, Israel mi le Jerusalem mi pawl khuazakip ih a òhekdarhtu miphun pawl can-ai an si,” a ti.
20 Cule Bawipa in sobul thawn hnaòuantu pali i hmuh.
21 “Himi pawl hi ziang tuah dingah so an rat?” tiah ka sut.
Anih in, “Himi pawl cu Judah ram a òiotertu le a minung pawl a òhekdarh òhehtu miphun pawl òhihòhaih ding le hlonhlo òheh dingah an ra a si,” tiah i sawn.