4
1 Mithi le minung an thuhla a òhentu Khrih Jesuh hmai le Pathian hmaiah a tanglam pawl hi tuah dingah napi in ka lo forh; ziangahtile Khrih cu Siangpahrang bangin uktu si dingah a rasal ding.
2 Curuangah Thuthangòha phuang aw, tikcu a rem khalah siseh, rem lo khalah siseh, phuang tengteng aw; an lung fiang dingin sim awla kawk a òul ahcun kawk awla forh a òul ahcun forh aw; cule thinsau in zirh aw.
3 Mi in a dikmi zirhnak kha thlun duh lo in anmah ih duhmi sawn an thlun caan a ra thleng ding. Cule theih an duhmi lawng phuang dingah zirhtu saya tampi anmah ih hrangah an la ding.
4 Thutak kha ngai duh nawn lo in an dungtun dingih a dik lomi thuanthu menmen sawn an ngai duh ding.
5 Sikhalsehla nang cu ziangbangtuk hmun le tikcu khalah thusau ruatin uk awk thei zuam aw. Harnak tuar thei zuam awla Thuthangòha a phuangtu ih hnaòuan kha òuan aw. Cule Pathian hnaòuantu na si vekin na òuanvo kha kim tein òuan thluh aw.
6 Kei cu thawinak ih hlan ding ka si caan a kim thlang. Hi leilung nunnak hi ka tlansan caan a cu zo.
7 Tlan zuamnak ah ka ti thei patawp in ka tlan zo; tlan zuamnak a netnak tiang ka tlan zo ih ka zumnak khal thlauthla lo tein ka pom hnget zo.d 4:7 * Ka zumnak khal ka pom hnget zo timi hi Ka thutiammi bangin ka kimter zo, ti khal a si thei.
8 Atu cu ka Bawipa, a dingmi thuòhentu Bawi in cuih Ni ih i pek dingmi nehnak laksawng ka hrangih in ret sakmi in i hngak. Cuih laksawng cu dingnak sui lukhuh a si ih keimah ih hrang lawngah a si lo; duhdawtnak thawn Amah a langnak ding a hngaktu hmuahhmuah hrang khalah a si.
Pumpak Thucahmi
9 A cang thei tawkin ka hnenah rat cing zuam aw.
10 Demas cu hi leikhawvel a duh sawn ruangah i tlansan ih Thesalonika khua ah a feh zo. Kresen cu Kalati pengah a feh ih Titas cu Dalmatia pengah a feh.Ref 4.10 Kol 4:14; File 24; 2 Kor 8:23; Gal 2:3; Tit 1:4;
11 Luka lawng ka hnenah a um. Marka tla rak sawm awla ratpi ve aw, hnaòuannak ah i bawm theitu a si.Ref 4.11 Kol 4:14; File 24; Tirh12:12, 25, 13:13, 15:37-39; Kol 4:10;
12 Taikhikas cu Efesa khua ah ka fehter.Ref 4.12 Tirh 20:4; Efe 6:21-22; Kol 4:7-8;
13 Na rat tikah Troas khua Karpas hnenih ka taanmi ka kawrfual kha i rak phurh phah aw. Cabu pawl kha rak phur aw; saphaw ih tuahmi cazual pawl kha hngilh hrimhrim hlah.Ref 4.13 Tirh 20:6;
14 Daar sertu Alexander in harsatnak tumpi i pek. Bawipa in a tuahnak vekin a ruul leh ko ding.Ref 4.14 1 Tim 1:20; Saam 62:12; Rom 2:6;
15 Nangmah khal ralring aw; ziangahtile anih cu kan Thuthangòha kha thih ngam ih a eltu a si.
16 Thurelnak ih ka suah hmaisabik òumah zohman in, in òanpi lo. An zate in in tlansan òheh a si. Annih cu Pathian in mawhthluk hai hram hlah seh.
17 Asinan Pathian cu ka hnenah a um ih thazang i pek; curuangah kan thuthang cu tlamtling zet in Zentail mi hmuahhmuah theih dingin ka sim thei. Cule thihnak sungin ka luat a si.
18 Bawipa cun siatnak hmuahhmuah lak ihsin i runsuak dingih a vancung Uknak sungah him tein i luhpi ding. Amah ih hnenah sunlawinak cu kumkhua in um camcin hram seh. Amen.
Cibaibuk Netnak
19 Prisilla le Aquila le Onesiforas innsang pawl cibai ka buk hai a si.Ref 4.19 Tirh 18:2; 2 Tim 1:16-17;
20 Erastas cu Korin khua ah a um ih Trofimas cu a nat ruangah Miletas ah ka taan.Ref 4.20 Tirh 19:22; Rom 16:23; Tirh 20:4, 21:29;
21 Thlatang hlanah rat thei zuam aw.
Zubulas, Pudens, Linas le Klaudia in cibai an lo buk ih a dang Khristian unau pawl khalin cibai an lo buk.
22 Bawipa cu na thlarau hnenah um hram seh. Pathian zangfahnak cu nan zate ih hnenah um hram seh.