TIMOTE
(1Timothy)
Hnenih Paul Cakuat Pakhatnak
Thuhmaihruai
Timote cu Asia Minor ram ih ummi a si ih Khristian mino a si. A pa cu Grik mi a si ih a nu cu Judah mi a si. Paul ih Pathian hnaòuan a bawmtu a si ih a rualpi khal a si. Paul in Timote hnenih ca a kuatmi a pakhatnak sungah hin thil thupi zet pathum an um.
(1) Kawhhran sungih zirhnak sual a ummi thu thawn peh aw in ralrinnak a ngan. An zirhnak cu Judah mi ruahnak le Zentail mi ruahnak a cokrawimi a si. An zirh awk bikmi cu kan lei tisa nun hi a òha lomi a si. Curuangah minung hi zohman ih theih lomi thuthup theih theinak le nupi pasal neih lo le rawl hrekkhat ei lo in hrialnak lawng thawn rundamnak kan co thei a si, an ti.
(2) A ca sungah kawhhran kilkhawinak lam le Pathian biakkhawmnak lam thu zirhnak tla a tel. Hruaitu pawl in ziangbangtuk ziaza an nei ding ti thu khal a tel.
(3) Jesuh Khrih riantu òha ziangtin kan si thei ding ti thu Timote hnenah ruahnak a pek. Cun zumtu a phunphun pawl ih tlunah òuanvo a neih zia khal a sim.
1
1 In Runtu kan Pathian ih thupeknak in le kan ruahsannak a simi Khrih Jesuh zarin Khrih ih tirhthlah a simi keimah Paul in,
2 kan rinnak sungah ka fapa ngaingai a simi Timote na hnenah ca ka lo kuat.Ref 1.2 Tirh 16:1;
Kan Pa Pathian le kan Bawipa Khrih Jesuh in ngilneihnak, zangfahnak le daihnak lo pe hram seh.
Zirhnak Sual Ralrinnak
3 Masidonia peng ka feh zawng ih ka lo fial zo bangin Efesa khua ah um dingin ka lo duhsakmi a si. Efesa khua ih thurin dik lo a zirhtu kha cubangtuk ih zirh nawn lo dingin va kham rori aw ti ka duh.
4 Elawknak lawng a suaktertu thuanthu menmen le cem thei lo ko ih rak nganmi an suahkehnak pupa hmin pawl uarnak khal hlon dingah sim hai aw. Ziangahtile cubangtuk pawl cun Pathian tumtahnak an kimter thei lo. Zumnak lawngin Pathian tumtahnak cu theih thei a si.
5 Hibangtuk ih ka lo fial tikah ka tumtahmi cu, thinlung thiang sungin a rami duhdawtnak, le siaòha thleidannak thinlung thiang le a felmi zumnak um seh ti duhnak ruangah a si.
6 Hibangtuk hi mi hrekkhat cun an tlansan ih aatthlak thuelawknak sung an thleng.
7 Pathian ih daan thuhla ahcun zirhtu saya òuan an duh; asinain anmah ih simmi lala hman a tican an thei lo ih a thei zet le lunghmui zet vekih an simmi thu khal an thei ngah ngaingai lo.
8 Daan cu a sinak ding vekih hmanah cun a òhami a si, ti kan thei.
9 Asinan kan ciin ding a òulmi cu, daan timi cu miòha hrangih tuahmi a si lo; daan a buartu, miòha lo, Pathian upatnak nei lo le mi sualral pawl, biaknak siseh, thlarau lam siseh, zianghman ih a siar lotu pawl, an nu le an pa a thattu pawl, laithat pawl,
10 cin le daan nei lo ih a nung pawl, mihur pawl, sal zuarnak in sumtuah pawl, thuphan per pawl, thu theihpitu dik lo pawl, cule thurin dik kalhkih ih a nungtu pawl, cupawl hrangih tuahmi a si.
11 Cubangtuk zirhawknak cu than dingih i fialmi Thuthangòha sungah a um ih cuih Thuthangòha cu sunloih le upatin a ummi Pathian hnen ihsin a rami a si.
Zangfahnak Ruangih Lungawinak
12 Ka hnaòuan ka òuanthei dingah thazang i petu kan Bawipa Khrih Jesuh hnenah lungawi thu ka sim. Hlanah cun Amah cu ka simsia, ka hrem ih ka hmuhsuam ciamco nain,
13 Amah riantu dingah i hril ih a hnaòuantu ding tlak ih i ruah ruangah ka thangòhat a si. Pathian cu i zangfahtu a si, ziangahtile zumnak zianghman ka rak nei lo ih ka tuahmi hi ziang a si, ti hman ka rak thei lo.Ref 1.13 Tirh 8:3, 9:4-5;
14 Bawipa in a tam zetmi a zangfahnak thawn i run burh ih zumnak le duhdawtnak i pek. Cuih zumnak le duhdawtnak cu Khrih Jesuh thawn kan pehzom awknak thawngin kan ta an si zo.
15 Khrih Jesuh cu misual pawl rundamsuak dingah leilung ah a rung òum, timi hi a dikmi òong a si ih famkim zet in pom tlak le zum tlak a si. Cuih misual pawl lakah kei hi misual bik ka si.
16 Sikhalsehla Pathian cu ka parah zangfahnak a nei ih Khrih Jesuh a thinsaunak le a lungnemnak ka parih a langnak dingah a si. Cubangtuk in Khrih Jesuh lungnem thinsaunak kei misual bik miangmo parih a thlennak cu neh hnuah mi in amah an zum ih kumkhua nunnak an ngahnak dingih zohòhim dingah a si.
17 Kumkhua in Siangpahrang a simi, thih ni nei lo, le mit ih hmuh theih lo, amah lawng Pathian taktak a simi, a hnenah upatnak le sunlawinak kumkhua in hmun camcin seh! Amen.
18 Timote, ka fapa, na tuah dingmi pawl na hnenah ka lo ap. Hitiih ka lo ap tikah a hlanah nangmah ih thu ah profet ih a rak simmi thawn a kaih aw mi a si. Cuih profet simmi pawl cu raldonak hriamnam ah hmang awla,
19 thinlung thiang nei in na zumnak fekter aw. Mihrek cu an siaòha thleidan thiamnak thinlung an thlun duh lo ruangah an zumnak an siatter òheu.
20 Cubangtuk mi lakah Himenaias le Alexander tla an tel ih an pahnih in Satan kut sungah ka pek. Hibangtuk ih ka tuahmi cu Pathian an simsiatnak reh seh tinak ah a si.