8
1 Sunghno ka nu ih
hnawiti cawm mi rak si ve in,
Ka suahsempi ka òa sita la maw ka ti;
An sial zatlang lam ih
ka lo ton cang zongah,
Hnam ning ka ti an phai relsiat
hman phang lo leen.
2 Lawipi ning law, sunghno ka nu ih
runinn hnuai ah,
Lungsak te leen dawtnak
i sim thiam ding ka ti;
Sabitti le taleti sawrmi rimthaw cu,
Siah ta hnik ning na hrang
haalriam na in dingah.
3 Na keh lam in i òaangkham ih,
Na vorhlam kut in kei i pom.
4 ‘Jerusalem leengrual le tla,
Kan duhawknak kharhmar lo ding,
thu in kam uh.
Hla Fingruknak
Nunau pawl
5 Husihmen maw thlaler ramòhing
lakin a ra,
Lung a duh valpa thawn
zaòial tlai aw phah leen.
Nunau
Na suahsemnak lungrawn khuate,
Epal thinghnuai ah lo òhang ing.
6 Keimah siar lo leeng dang ngai hlah,
Keimah siar lo na òaang cungah
pom duh aw hlah;
Zuunrim ngaih cu thih òian bang
leen a fak ruangmang,
Lungfah hi ee thih òian bang leen
zaang mi zun ngai;
Meisa alh bang a hliau in hliau,
Meisa kang bang a alh in alh.
7 Mit thei hlah ee dairial ti in,
Ruun tilian in fen thei hlah ngai;
Zokhal a lennak in duhnak
lei tumtu cu,
Nautatnak lawng a co sawn ding.
A òa le pawl
8 Tleirawl leengno farnu kan nei,
A pawhte cu a bomh pekte;
Valno in a leen tikah khin,
A hrangah ziang kan tuah sak ding?
9 Sempi farnu kulh hauhruang
phar va si sehla,
Kan siamsak lai ngun lungdawl sang,
Runinn kotòial va si sehla,
Sidar thing in kan kulh ih tur.
Nunau
10 Khuakulh hauhruang phar cu ka si,
Ka pawhte lungdawl sang an si.
Amah thawn um ka nom zia le
ka hnangam hi,
Duhhniang a man, a thei a si.
Mipa
11 Baal Hamon an timi hmun ah,
Ka Solomon in sabit hmuan a nei;
Lo nga pek in a lo an thlo,
Mi pakhat in,
a nga sum thawngkhat an pek.
12 Maw Solomon,
ngun thawngkhat cu na ta a si,
Lo thlo pawl ih covo cu zahnih a si.
Keimah bul in sabit hmuan ka nei.
13 Ka dawt sunghno na aanka cu,
Ka hmuan sungin i rak hlaan aw,
ka lungduh;
Hawidawt òhianrual mi tlan,
na aw an ngai duh hai.
Nunau
14 Ram sazuk bang ka hnen ra law,
Maw ka dawt aw;
Tlangthing kuai par hmui lak a ceel
zukneng no bang.