5
Mipa
1 Ka hmuanduum sungah ka ra zo,
Ka lung duh le ka ham cia mi!
Ka mura le rimhmui ka khawm;
Ka khuaitizu thlar thawn ka ei,
Ka sabitti le cawhnawi ka in.
Nunau Pawl
Ei uh, in uh, duhdawtmi tla,
Duh awknak
nan rit hlan tiangin.
Hla Finglinak
Nunau
2 Ka vung zau ah me rem thiam lo,
Zan ka mang ah ka duhdawt mi
in runinn king ngai.
Mipa
Ra lut ning law, ka duh bikmi,
Ka thuro le ka thinhnemtu,
Ka lu daitla in a ciarter,
Ka sam cu mero cumci in
3 Ka hnipuan pawl ka hlit òheh zo,
Ziangah ka hruksal duh nawn ding?
Ka ke tla ka kholhfai òheh zo,
Ziangah ka baaltersal duh ding?
4 Lung ka duh cun sangka run tham,
A rat thei ing,
um rem thiam hlang.
5 A luh ding lai cang in cuan ing,
Ka kut zaòial mura zihmui
culhta ing khua,
Ka kut zung mura zihmui ti ka riimter,
Runinn on lainak ah sangka cu
rak pawk ing.
6 Ka lungduh hrang innkhar ka ong,
Hmanseh valpa a liamhlo zo;
Ziangbang a aw theih nuam ing maw?
Khua ka cuan ah a um nawn lo.
Ko hman ningna a thei si lo.
7 Khuapi kilvengtu in kei in hmu,
An duh tawk in, in vuak in hliam,
Ralhruang kiltu pawl in
ka lukhuh an thlek.
8 Jerusalem leengnu rual tla,
Lung ka duh val nan ton ahcun,
Zuun rim ngai in par bang uai ee,
ti in biathli hei than hram uh.
Nunau pawl
9 Lengdang lakah mawi cuang hlei nu,
Lung na tum val, midang lakah
cuangce hmen maw?
Ziang bang sunglawi mi piang a si?
Thutiam kan lo peknak dingah.
Nunau
10 Mawi in cak ee, ka valpa cu!
Thawnghra lakah a piang hleice.
11 A hmai daarti lon bang a ngil,
A sam kir deuh nawn ten a um.
Tlang ak vekin a dum zenzi.
12 Tiva kiangih thuro bangin a mit a mawi,
Tivakap ding hnawiti kholhfai
thuro bangin.
13 A biang cu pangpar le rimhmui in
a khatmi,
Hmuanduum bang duhnungte a si.
A hmur lili pangpar a bang,
Mura zihmui ti in a ciar.
14 A kut an mawi soi ding um lo,
Lungmankhung bik zunghruk a hruk;
Lungsen mankhung ben mi saiho,
bangin a taksa ngil zenzi.
15 Sui kheng sungih
lungvar mankhung,
Ret mi bangin a cawn a vaar.
Ka valpa cu patling hleice,
Sidar thingsaang dinnak
Lebanon tlang khi hei hluan.
16 A hmur thlum cu hnam ding a nuam,
A thu tinkim ka ruat tikah
ka zaang i zun.
Ka ngaimi cu cuvek a si,
Jerusalem khua nunau pawl.