3
Nunau
1 Zansiar ka tintling ah zau ing,
Ka duh nang hi
zanmang lawng ah maw
ka lo man;
Hawl len hmanning
ka tong thiam lo.
2 Khuapi kot thler zalam tawi in,
Zinpi, zinòek khalah ka zoh;
Lung ka duh val lawng cu ka hawl,
Hmanseh ka tong thei ve si lo!
3 Khawsuah hau-hnar kiltu in, in hmu,
“Ka duh valpa nan hmu maw?”
tiin ka sut.
4 Anmah ka lan ve tein ka tong;
Thlah thiam nawn lo in,
kut in ka kai;
Ka suahsemnak ka nu ih
5 Jerusalem leengrual le tla,
Kan duhawknak kharhmar lo dingin,
Zuanzang tlan cak zukneng,
zaathar hminsal in,
Kei thu in kam uh.
Hla Fingthumnak
Nunau
6 Nelrawn ihsin meikhu zing bang,
Sumsaw hawltu pawl ih zuarmi,
Zihmui le mura rimthaw thawn,
A rami hi ziangso a si?
7 Solomon a ra luailo lai,
A bawi tokheng parah an phur;
Israel ralkap sungih òha bik,
Ralkap sawmruk tla in an kil.
8 An zate in ralnam hmang thiam,
Raldo òhangtu thiam pawl si hai.
Ralnam cio kha an hmanter ih,
Zan ih ral ruk do thei dingah.
9 Thing òha bik ih tuahmi
a bawi tokheng parah,
Solomon siangpahrang
bawi an phur.
10 Bawi tokheng ke ngun in an khuut,
Sui pian zia puan in an tuam,
Coihcinmawi suipuan mawi cun;
A todan nem sendup puanih tuammi,
Duhnungza in Jerusalem nu ih
tahmi a si.
11 Ra suak cio uh Zion nunau,
Siangpahrang Solomon ra zoh uh;
A sui lukhuh a lu tlunah a khum,
A nupi òhit a lungawi le
thinnom ni ih
A nu ih khumter mi cu a si.