23
David In Keilah Khua A Run
1 Filistin pawl in Keilah khua an siim ih an khawm tharmi thlai rawl tla an ru ciamco, tikha David in a thei.
2 Curuangah Bawipa Pathian hnenah, “Filistin pawl ka va do pei maw?” tiah a sut.
Cutikah, “Do awla Keilah khua cu runsuak aw,” tiah Bawipa in a ti.
3 Sikhalsehla a milai pawl in David hnenah, “Judah ram sungah phan ding tampi kan nei sikhawh, Keilah khua ah feh tahrat in Filistin pawl kan do asile kan harsa sinsin ding,” tiah an ti.
4 Curuangah David in Bawipa cu a ronsal ih Bawipa in, “Keilah ah Filistin pawl cu va do aw; ziangahtile na neh hai ding a si,” tiah a ti.
5 Curuangah David le a ralkap pawl cu Keilah ah an feh ih Filistin pawl an do. Filistin pawl cu tampi an thi ih an òilva pawl tla tampi an long. Cuticun Keilah khua cu David in a runsuak a si.
6 Ahimelek ih fapa Abiathar cu a tlan ih David hnenih a thlen tikah puithiam kor òaangthlaih a keng.
7 Cule Keilah khua ah David a thleng tikha Saul an sim tikah Saul cun, “Tlakrawh ih kulhmi, kotkalh le hauhruang ih kulhmi khua ah David a thleng zo ih amah le amah a kharhkhum aw zo. Bawipa in ka kut sungah a ret zo a si,” tiah a ti.
8 Curuangah Saul in Keilah khua do dingah le David le a ralkap pawl kai dingah a ralkap pawl cu a ko thluh.
9 Saul in i do tum a si, tikha David in a theih tikah, “Puithiam kor òaangthlaih cu rak keng aw,” tiah puithiam Abiathar cu a ti.
10 Cule David in, “Maw Bawipa, Israel ih Pathian, na salpa keimah ruangah hin Saul cu Keilah ah a ra dingih a siatsuah thluh ding, tiah ka thei.
11 Keilah khuasungmi pawl hin Saul ih kut ah in pe pei maw? Ka theih vekin Saul cu a ra ngaingai pei maw? Maw Bawipa, Israel ih Pathian, ka lo suhmi hi i let hramhram aw,” tiah a dil.
“Saul cu a ra tengteng ding,” tiah Bawipa in a run let.
12 Cutikah David in, “Keilah khuasungmi pawl hin Saul ih kut ah keimah le ka milai pawl hi in pe ding maw?” tiah a sut.
“An lo pe ding” tiah Bawipa in a ti.
13 Cutikah David le a ralkap zaruk tluk cu Keilah khua ihsin zamrang in an suak ih an tlan. David a tlan zo ti kha Saul in a theih tikah a tumtahmi cu a òulsal.
Hramlakah David A Um
14 David cu a relh ih Zif khua kiang hramlak ah a um. Saul in a sun a zan in David cu a hawl nain Saul kutsung ih thlen ding cu Pathian in a siang lo.
15 Sikhalsehla Saul in a thah lawnglawng a tum ruangah David cu a thin a phang thotho.
Zif khua kiang thlaler ramòhing ih Horesh an timi hmunih David a um lai ah,
16 Jonathan cu a hnenah a va feh ih Bawipa ih hmin in thinnau lo dingah tha a pek.
17 David hnen ahcun, “Na thinphang hlah. Ka pa Saul in a lo that thei hrimhrim lo ding. Israel siangpahrang na si leh ko dingih keimah khal nangmah sangtu ka si ko ding. Cumi cu ka pa in a thei thluh ko,” tiah Jonathan in a ti.
18 Cun rualpi òha an sinak cu Pathian hmaiah thu an kam awsal. David cu Horesh ah a um ih Jonathan cu inn ah a tlung.Ref 23:18 1 Sam 18:3;
19 Zif khuami hrekkhat cu Gibeah khua ah Saul hnenah an va feh ih, “David cu kan ram sungah a um ih Judea ramòhing thlanglam kap, Hakhilah tlang, Horesh timi hmunah a relh a si.Ref 23:19 Saam 54 Thulu.
20 Maw siangpahrang bawipa, David kaihsuak ding cu ziangtlukin so na duh ti khal kan thei thluh ko. Curuangah kan ram ah ra awla na kaihsuak theinak dingin kan ngaihtuah ding,” tiah an ti.
21 Cutikah Saul in, “Hitlukih ka zawn in ruah ruangah Pathian in lo thluasuah hram seh.
22 Va feh uhla khuitawk fangah so a um ih zo in so a hmu ti tla va hliah òha uh. David cu mi depde zet a si tiah ka thei a si.
23 Curuangah a relhnak hmun rori va hawlsuak uhla pelh lo in ka hnenah i ra simsal uh. Cule nan hnenah ka feh pei ih Judah ram pumpi ka hawl a òul khalle cuih ram hrawngih a um hrih a si ahcun ka hawlsuak rori ding,” tiah a ti.
24 Curuangah an pok ih Saul thlen hlanah Zif khua ah an kir. David le a milai pawl cu Judea hramlak thlanglam kap ramòhing ah Maon an timi hramlak ah an um.
25 Cule Saul le a ralkap pawl cu David hawl dingah an pok. Cuih thu cu David in a rak theih tikah Maon hramlak sungih lungto hlir in a khatmi horkuam ah a feh ih cutawkah a um. A cuih thu cu Saul in a theih ve tikah David cu a hei dawi.
26 Lungto horkuam ih khatlam tlang ah Saul le a ralkap pawl cu an va thleng ih David le a milai pawl cu a khatlam tlang ah an um. David le a milai pawl cu kaih ding phangin an tlan ih Saul le a ralkap pawl in an dawi vivo ih an kai zik thlang.
27 A culaifang ah mi pakhat Saul hnenah a ra ih, “Zamrang in rakir aw. Filistin mi pawl in kan ram in do a si,” tiah a ra sim.
28 Curuangah Saul in David cu dawi nawn lo in Filistin pawl do dingah a kir. Curuangah a cuih hmun cu Sela Hammah-lekothe Sela Hammah-lekoth ti cu òhenawknak Lungto tican a si. tiah an tita.
29 David cu cutawkin a feh ih En-gedi an timi hmunah lungkua ah a relh.